അബുദാബി> ഇന്ത്യാ സോഷ്യല്‍ ആന്റ് കൾച്ചറൽ സെന്‍റര്‍ (ഐഎസ് സി) സംഘടിപ്പിക്കുന്ന നാലാപത്തഞ്ചാമത് ഐഎസ് സി – അപെക്സ് ബാഡ്മിന്‍റണ്‍ ഗോള്‍ഡ് ചാമ്പ്യന്‍ ഷിപ്പ് മല്‍സരങ്ങള്‍ 2023 ജനുവരി 13 മുതല്‍ തുടങ്ങുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.
ജൂനിയര്‍ – സീനിയര്‍ വിഭാഗങ്ങളിലായി അഞ്ഞൂറോളം മത്സരാർത്ഥികള്‍ കോര്‍ട്ടില്‍ ഇറങ്ങും. യു. എ. ഇ. ബാഡ്മിന്‍റണ്‍ ഫെഡറേഷന്‍റെ അംഗീകാരത്തോടെയാണ് മല്‍സരം നടക്കുന്നത്,ഇന്ത്യ, ശ്രീലങ്ക, തായ്‌ലൻഡ്, ഫിലിപ്പീൻസ്, സിംഗപ്പൂർ, ഇന്തോനീഷ്യ, മലേഷ്യ, ഡെൻമാർക്ക് തുടങ്ങിയ രാജ്യങ്ങളിലെ ബാഡ്മിന്‍റണ്‍ താരങ്ങളും മത്സരത്തിന് എത്തുമെന്നു ഭാരവാഹികൾ അറിയിച്ചു.
ജനുവരി 22 വരെ നീണ്ടുനിൽക്കുന്ന ജൂനിയര്‍ സീരീസിലേക്ക് ഏഴാംതി വരെയും, ജനുവരി 28 ന് ആരംഭിക്കുന്ന സീനിയര്‍ സീരീസിലേക്ക് ജനുവരി 21 വരെയും അപേക്ഷിക്കാവുന്നതാണ്. പങ്കെടുക്കാൻ താത്പര്യമുള്ളവർ 00971 2 6730066 എന്ന നമ്പറിൽ നിശ്ചിത തീയ്യതിക്കു മുന്‍പായി ബന്ധപ്പെട്ട് റജിസ്റ്റര്‍ ചെയ്യേണ്ടതാണ്.
ഐ. എസ്‌. സി. പ്രസിഡണ്ട് ഡി. നടരാജൻ, ജനറൽ സെക്രട്ടറി പി. സത്യ ബാബു, ട്രഷറർ ലിംസൺ ജേക്കബ്ബ്, ബാഡ്മിന്‍റൺ സെക്രട്ടറി നൗഷാദ് അബൂ ബക്കർ, പ്രായോജക പ്രതിധികളായ പി. എ. ഹിഷാം, എം. പി. രാജേന്ദ്രന്‍ എന്നിവർ വാർത്താ സമ്മേളനത്തിൽ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
