കൊച്ചി : കലാലയ ജീവിതത്തിന്റെ വർണ്ണാഭമായ ലോകം വരച്ചിടുന്ന മുഴു നീള ക്യാമ്പസ് ചിത്രം “ലവ് ഫുള്ളി യുവേഴ്സ് വേദ” യുടെ സെക്കന്റ് ലുക്ക് പോസ്റ്റർ റിലീസായി.നവാഗതനായ പ്രഗേഷ് സുകുമാരൻ സംവിധാനം ചെയ്യുന്നു. ശ്രീനാഥ് ഭാസി, രജിഷാ വിജയൻ, ഗൗതം വാസുദേവ മേനോൻ, വെങ്കിടേഷ്, അനിഘ സുരേന്ദ്രൻ, രഞ്ജിത് ശേഖർ, ചന്തുനാഥ്, അർജുൻ അശോക്, ഷാജു ശ്രീധർ, ശരത് അപ്പാനി, നിൽജ കെ ബേബി, ശ്രുതി ജയൻ തുടങ്ങിയവർ അഭിനയിക്കുന്നു. ആർ ടു എന്റർടൈയ്മെന്റിന്റെ ബാനറിൽ രാധാകൃഷണൻ കല്ലായിൽ, റുവിൻ വിശ്വം എന്നിവർ ചേർന്നാണ് നിർമ്മാണം. ഛായാഗ്രഹണം ടോബിൻ തോമസ് നിർവഹിക്കുന്നു.
ഒരു ക്യാമ്പസ് കാലഘട്ടത്തെ പുന:സൃഷ്ടിച്ച് കലാലയത്തിന്റെ സൗഹൃദങ്ങളുടേയും, പ്രണയത്തിന്റെയും, വിദ്യാർത്ഥി രാഷ്ട്രീയത്തിന്റെയും ഗൃഹാതുരമായ അദ്ധ്യായങ്ങളിലൂടെ സഞ്ചരിക്കുന്ന ചിത്രത്തിന്റെ തിരക്കഥ സംഭാഷണം ബാബു വൈലത്തൂർ എഴുതുന്നു.
റഫീക്ക് അഹമ്മദ്,രതി ശിവരാമൻ,ധന്യ സുരേഷ് മേനോൻ എന്നിവരുടെ വരികൾക്ക് രാഹുൽ രാജ് .സംഗീതം പകരുന്നു.
കോ പ്രൊഡ്യൂസർ-അബ്ദുൾ സലീം, പ്രൊജക്ട് ഡിസൈനർ-വിബീഷ് വിജയൻ,ലൈൻ പ്രൊഡ്യൂസർ-ഹാരിസ് ദേശം, കല-സുഭാഷ് കരുൺ, മേക്കപ്പ്-ആർ ജി വയനാടൻ, വസ്ത്രാലങ്കാരം-അരുൺ മനോഹർ,സ്റ്റിൽസ്-റിഷാജ് മുഹമ്മദ്, എഡിറ്റർ-സോബിൻ സോമൻ,പരസ്യകല-യെല്ലോ ടൂത്ത്സ്,കളറിസ്റ്റ്-ലിജു പ്രഭാകരൻ,ചീഫ് അസോസിയേറ്റ് ഡയറക്ടർ-നിതിൻ സി സി,പ്രൊഡക്ഷൻ കൺട്രോളർ-റിന്നി ദിവാകരൻ.വിദ്യാർത്ഥി രാഷ്ട്രീയത്തിന്റെ പ്രതിബദ്ധതയും കാഴ്ചപ്പാടും ചർച്ച ചെയ്യുന്ന “വേദ” ഫെബ്രുവരിയിൽ പ്രദർശനത്തിനെത്തുന്നു.പി ആർ ഒ-എ എസ് ദിനേശ്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
