അൽ ഐൻ> യുഎയുടെ ദേശീയ ദിനാഘോഷത്തിൻ്റെ ഭാഗമായി അൽ ഐൻ മലയാളി സമാജം സംഘടിപ്പിച്ച ശാസ്ത്ര – കലാ – സാഹിത്യ വിജ്ഞാനമേള ” എക്സ് പ്രെഷൻസ് ” 2022 ൻ്റെ സമാപന സമ്മേളനം 14ന് നടക്കും. സമ്മേളനത്തിൽ കേരള സഹകരണ രജിസ്ട്രേഷൻ മന്ത്രി വാസവൻ മുഖ്യാതിഥിയായെത്തു. വെെകിട്ട് 6ന് അൽ ഐൻ ഇന്ത്യൻ സോഷ്യൽ സെന്ററിൽ നടത്തുന്ന ചടങ്ങിൽ അൽ ഐനിലെ പ്രമുഖ സ്കൂളുകളുടെ പ്രതിനിധികളും അധ്യാപകരും സാമൂഹിക സാംസ്‌കാരിക രംഗത്തെ പ്രമുഖരും പങ്കെടുക്കും.
കുട്ടികളുടെ കലാ സാഹിത്യ ശാസ്ത്ര അഭിരുചികളെ പരിപോഷിപ്പിക്കുന്നതിന് വേണ്ടി വർഷം തോറും സംഘടിപ്പിക്കാറുള്ള Expressions 2022 – Edition 07 – ൽ നാല് വിഭാഗങ്ങളിലായി അറുപതിൽ പരം മത്സരങ്ങളിൽ 680- ൽ പരം മത്സരാർത്ഥികൾ മാറ്റുരച്ച നാലായിരത്തിനുമുകളിൽ മത്സരങ്ങൾ ആണ് അഞ്ചുദിവസങ്ങളിലായി അരങ്ങേറിയത്.
യുവ ശാസ്ത്രജ്ഞന്മാരെ പ്രോത്സാഹിപ്പിക്കുന്നതിന് നടത്തിയ എഴുപതോളം ടീമുകൾ പങ്കെടുത്ത ശാസ്ത്രപ്രദര്ശനമായിരുന്നു എടുത്തുപറയേണ്ടുന്ന മറ്റൊന്ന്. ശാസ്ത്രീയ വിഷയങ്ങളിൽ വിശദമായ റിപ്പോർട്ട് തയ്യാറാക്കി കുട്ടികൾക്കിഷ്ടപ്പെടുന്ന വിഷയത്തിൽ സംസാരിക്കാനുതകുന്ന തരത്തിൽ നടത്തിയ ”സയൻസ് ടോക്ക് ” ഈ പരിപാടിയുടെ മുഖ്യ ആകര്ഷണമായി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
