മലയാളിയെ കൊലപ്പെടുത്തിയ സൗദി പൗരന് സൗദി ആഭ്യന്തര മന്ത്രാലയം വധശിക്ഷ നടപ്പാക്കി

Sumayya P | Samayam Malayalam | Updated: 09 Jul 2021, 01:09:00 PM

ചോദ്യം ചെയ്യലിൽ പ്രതി കുറ്റസമ്മതം നടത്തി. കൊലപാതകം തെളിഞ്ഞതോടെ കോടതി പ്രതിക്ക് വധശിക്ഷ വിധിച്ചു. പ്രതിയുടെ അപ്പീല്‍ സുപ്രീം ജുഡീഷ്യൽ കോർട്ടും കീഴ്ക്കോടതിയുെ ശരിവെച്ചു

സൗദി: മലയാളിയെ കൊലപ്പെടുത്തിയ പൗരന് സൗദി ആഭ്യന്തര മന്ത്രാലയം വധശിക്ഷ നടപ്പാക്കി. മലപ്പുറം തേഞ്ഞിപ്പലം ചാത്രത്തൊടി സ്വദേശി കോഴിത്തൊടി വെള്ളത്തൊട്ടി അമീർ അലിയാണ് കൊല്ലപ്പെട്ട മലയാളി. ജിദ്ദയിലെ സ്വകാര്യ കമ്പനിയിൽ അക്കൗണ്ടൻറായിരുന്നു ഇദ്ദേഹം ജോലി ചെയ്തിരുന്നത്.

കമ്പനിയിൽ കവർച്ച നടത്താനുള്ള ശ്രമം ചെറുക്കുന്നതിനിടെയാണ് അമീര്‍ കൊല്ലപ്പെട്ടത്. അമീർ അലിയെ കൊലപ്പെടുത്തിയ ശേഷം സൗദി പൈരന്‍ പണം എടുക്കുകയും മൃതദേഹം ഒളിപ്പിക്കുകയും ചെയ്തു. എന്നാല്‍ കൊലപാതക വിവരം സുരക്ഷാവിഭാഗം നടത്തിയ അന്വേഷണത്തിൽ കണ്ടെത്തി. അങ്ങനെയാണ് പ്രതി പിടിയിലാക്കുന്നത്.

Also Read: 12 വയസിന് താഴെയുള്ള കുട്ടികള്‍ക്കും വാക്‌സിന്‍ നല്‍കാന്‍ ഖത്തര്‍; സെപ്തംബറോടെ തുടക്കമാവും

ചോദ്യം ചെയ്യലിൽ പ്രതി കുറ്റസമ്മതം നടത്തി. പിന്നീട് പ്രതിയെ പോലീസ് ജിദ്ദ ക്രിമിനൽ കോടതിയിൽ ഹാജരാക്കി. കൊലപാതകം തെളിഞ്ഞതോടെ കോടതി പ്രതിക്ക് വധശിക്ഷ വിധിച്ചു. പ്രതിയുടെ അപ്പീല്‍ സുപ്രീം ജുഡീഷ്യൽ കോർട്ടും കീഴ്ക്കോടതിയുെ ശരിവെച്ചു. ഇതോടെയാണ് മന്ത്രാലയം ശിക്ഷ നടപ്പാക്കാന്‍ തീരുമാനിച്ചത്.