കൊവിഡ് സ്ഥിതിഗതികൾ മെച്ചപ്പെട്ടാൽ സ്കൂൾ തുറക്കും; നയം വ്യക്തമാക്കി മുഖ്യമന്ത്രി

തിരുവനന്തപുരം: സംസ്ഥാനത്തെ കൊവിഡ് 19 സാഹചര്യങ്ങളിൽ മാറ്റമുണ്ടായാൽ സ്കൂളുകള്‍ തുറക്കുന്ന കാര്യം പരിഗണിക്കുമെന്ന് മുഖ്യമന്ത്രി പിണറായി വിജയൻ. ഓരോ കുട്ടിയ്ക്കും പഠനത്തിനായി ഡിജിറ്റൽ പഠനോപകരണങ്ങള്‍ ലഭിക്കുന്നുണ്ടെന്ന് ഉറപ്പാക്കുമെന്നും മുഖ്യമന്ത്രി പറഞ്ഞു. കൊവിഡ് കാലത്തെ വിദ്യാഭ്യാസം സംബന്ധിച്ച് കെഎസ്ടിഎ സംഘിടിപ്പിച്ച വെബിനാര്‍ ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി.



Also Read: മുഹമ്മദിൻ്റെ 18 കോടിയുടെ മരുന്ന്: നികുതിയിളവ് ചോദിച്ച് മോദിയ്ക്ക് മുഖ്യമന്ത്രിയുടെ കത്ത്

കൊവിഡ് 19 സാഹചര്യങ്ങളിൽ മാറ്റം വരികയും സ്ഥിതി അനുകൂല്യമാകുകയും ചെയ്താൽ വിദ്യാര്‍ഥികള്‍ക്ക് സ്കൂളിൽ വരാനുള്ള സൗകര്യമൊരുക്കുമെന്നായിരുന്നു മുഖ്യമന്ത്രിുയടെ പ്രതികരണം. അതുവരെ ഓൺലൈൻ സംവിധാനം തുടരും. ഓൺലൈൻ വഴി ക്ലാസെടുക്കാനുള്ള സാങ്കേതികവിദ്യ എല്ലാ അധ്യാപകരും പഠിക്കണമെന്നും മുഖ്യമന്ത്രി പറഞ്ഞു.

Also Read: യുപിയിലെ 160 മണ്ഡലങ്ങൾ ബിജെപിയെ കൈവിടുമോ? കേന്ദ്രമന്ത്രിസഭയിൽ സ്ഥാനമില്ല, അതൃപ്തിയുമായി സഖ്യകക്ഷി

ആദിവാസി മേഖലകളിലും മലയോര മേഖലകളിലും ഇൻ്റര്‍നെറ്റ് ലഭ്യത ഉറപ്പാക്കണം. ഡിജിറ്റൽ പഠനോപകരണങ്ങള്‍ വാങ്ങാൻ സാധിക്കാത്ത കുട്ടികള്‍ക്ക് അവ ലഭ്യമാക്കാൻ അധ്യാപകര്‍ മുൻകൈയെടുക്കണമെന്നും മുഖ്യമന്ത്രി ആവശ്യപ്പെട്ടു. ഇക്കാര്യത്തിൽ പൂര്‍വവിദ്യാര്‍ഥികളും സഹകരിക്കണം. പ്രവാസികളും വ്യവസായപ്രമുഖരുമായി ബന്ധപ്പെട്ട് സംഭാവനകള്‍ ലഭ്യമാക്കാൻ ശ്രമിക്കുന്നുണ്ടെന്നും മുഖ്യമന്ത്രി പറഞ്ഞു. വിദ്യാഭ്യാസമന്ത്രി വി ശിവൻകുട്ടിയും പരിപാടിയിൽ സംസാരിച്ചു.