മസ്ക്കറ്റ് > പഞ്ചാബിലെ ചണ്ഡീഗഡിൽ വെച്ച് ജനുവരി 14 മുതൽ 17 വരെ നടന്ന സിബിഎസ്ഇ അണ്ടർ സെവന്റീൻ ചെസ്സ് ടൂർണമെന്റിൽ ഇന്ത്യൻ സ്കൂൾ മസ്കറ്റിലെ വിദ്യാർത്ഥിനി ഷൈബി ബിനോജ് ടൂർണമെന്റിൽ സ്വർണ്ണമെഡൽ നേടി.
.jpeg)
ഒമാനിൽ നടക്കാറുള്ള ചെസ്സ് ടൂർണമെന്റുകളിൽ തന്റെതായ കഴിവ് തെളിയിച്ച ഷൈബി ബിനോജിനെ കേരളവിങ് കോ കൺവീനർ നിതീഷ് കുമാർ മൊമെന്റോ നൽകി ആദരിച്ചു. കേരള വിങ്ങ് പ്രവർത്തകരായ രെജു മരക്കാത്ത് അനു ചന്ദ്രൻ, സുനിൽ കുമാർ, ശ്രീജ സുനിൽ കുമാർ എന്നിവർ പങ്കെടുത്തു.
മൂന്നാം ക്ലാസ്സ് മുതലാണ് ഷൈബി ബിനോജ് ചെസ്സ് കളി പരിശിലിച്ച് തുടങ്ങിയത്. സുൽത്താൻ കബൂസ് യൂണിവേഴ്സിറ്റിയിൽ നടന്ന ടൂർണമെന്റിലും ആദ്യ സ്ഥാനങ്ങളിൽ എത്തിയിരുന്നു. ഒൻപതാം ക്ലാസിൽ പഠിക്കുന്ന ഷൈബി ചെസ്സിൽ നിരവധി സമ്മാനങ്ങൾ നേടിയിട്ടുണ്ട്. അച്ഛൻ ബിനോജ്,അമ്മ ഷൈനി, സഹോദരൻ ഷൈബിൻ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
