രണ്ട് പേരിൽ കാപ്പ വകഭേദം സ്ഥിരീകരിച്ചു; വിവരങ്ങൾ ആവശ്യപ്പെട്ട് മുഖ്യമന്ത്രി

ലഖ്നൗ: കൊവിഡിൻ്റെ മൂന്നാം തരംഗ മുന്നറിയിപ്പ് നിലനിൽക്കെ രാജ്യത്ത് കൊറോണ വൈറസിൻ്റെ കാപ്പ വകഭേദം വീണ്ടും സ്ഥിരീകരിച്ചു. ഉത്തർപ്രദേശിലാണ് രണ്ട് കേസുകൾ സ്ഥിരീകരിച്ചതെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. ജിനോ സ്വീക്വൻസിങ് പരിശോധനയിലൂടെയാണ് കാപ്പ വകഭേദം കണ്ടെത്തിയത്.



ചക്രക്കസേരയിൽ മാത്രമേ സഞ്ചരിക്കാനാവൂ എന്ന് പ്രജ്ഞ കോടതിയിൽ; പിന്നാലെ നൃത്ത വിഡിയോ പുറത്ത്

ലഖ്നൗവിലെ കെജിഎംയു ആശുപത്രിയിൽ 109 സാമ്പിളുകൾ പരിശോധനയ്ക്ക് വിധേയമാക്കിയപ്പോൾ 107 സാമ്പിളുകൾ ഡെൽറ്റ് വകഭേദമാണെന്ന് സ്ഥിരീകരിച്ചു. കാപ്പ വകഭേദം കണ്ടെത്തിയതോടെ മുഖ്യമന്ത്രി യോഗി ആദിത്യനാഥ് വിഷയത്തിൽ ഇടപെട്ട് വിവരങ്ങൾ തേടി.

കൊവിഡിൻ്റെ ഡെൽറ്റ, ആൽ ഫ, കാപ്പ എന്നീ വകഭേദങ്ങൾ ഗുരുതര സ്വഭാവമുള്ളതാണ്. വ്യാപന ശേഷി കൂടുതലാണെന്നാതാണ് ആശങ്കയുണ്ടാക്കുന്നത്. അതേസമയം, രാജ്യത്ത് ഇതുവരെ 36.89 കോടി കൊവിഡ് പ്രതിരോധ വാക്സിൻ ഡോസ് വിതരണം ചെയ്തതായി കേന്ദ്ര ആരോഗ്യ മന്ത്രാലയം വ്യക്തമാക്കി. വാക്സിൻ വിതരണം ആരംഭിച്ച് 174മത്തെ ദിവസമായ ജൂലായ് എട്ടിന് 40 ലക്ഷത്തിലധികം വാക്സിൻ വിതരണം ചെയ്തുവെന്നും അധികൃതർ പറഞ്ഞു.

കർണാടക കേരളത്തിലേക്കുള്ള ബസ് സർവീസുകൾ തിങ്കളാഴ്ച ആരംഭിച്ചേക്കും

കേന്ദ്ര ആരോഗ്യമന്ത്രാലയം ഇന്ന് രാവിലെ പുറത്തുവിട്ട കണക്ക് അനുസരിച്ച് കഴിഞ്ഞ 24 മണിക്കൂറിനിടെ 43,393 കൊവിഡ് കേസുകളാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത്. ഇതോടെ ആകെ കൊവിഡ് ബാധിതരുടെ എണ്ണം 3,07,52,950 ആയി ഉയർന്നിരിക്കുകയാണ്. 4,58,727 സജീവ കൊവിഡ് കേസുകളാണ് നിലവിൽ രാജ്യത്തുള്ളത്. 2,98,88,284 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 44,459 പേരാണ് രോഗം ഭേദമായി ആശുപത്രി വിട്ടത്. ആകെ കൊവിഡ് മരണങ്ങൾ 4,05,939 ആയി ഉയർന്നു.