മുടി വളരാന്‍ മുത്തശ്ശിയുടെ താളിക്കൂട്ടുകള്‍

തിരുതാളി

വേലിപ്പടർപ്പുകളിൽ പടര്‍ന്നു കയറുന്ന തിരുതാളി നല്ലൊരു താളിയാണ്. മുടിയുടെ ആരോഗ്യത്തിന് മികച്ച ഇത് പണ്ടു കാലത്ത് മുടി വൃത്തിയാക്കാന്‍ സ്ഥിരം ഉപയോഗിച്ചു വന്നിരുന്ന ഒന്നാണ്. മുക്കുറ്റി കഴിഞ്ഞാൽ ദശപുഷ്പത്തിൽ അടുത്തസ്ഥാനം തിരുതാളിക്കാണ്. തിരുതാളിയിലയും വള്ളിയും ലേശം വെള്ളം ചേർത്ത് അരച്ചെടുക്കുക. മുടിയില്‍ താളി തേച്ചു പിടിപ്പിച്ച് അല്‍പം കഴിഞ്ഞ് കഴുകാം. ധാരാളം വെള്ളം ഉപയോഗിച്ച് താളി കഴുകി കളയുക. തിരുതാളി ദേഹമാസകലം തേച്ചു കുളിക്കുന്നതും ആരോഗ്യത്തിന് നല്ലതാണ്.

​ദശപുഷ്പം

ദശപുഷ്പം എന്നത് സ്ത്രീകളുടെ ആഘോഷമായ തിരുവാതിരയുമായി ബന്ധപ്പെട്ട ഒന്നാണ്. ഇതും മികച്ച ഒരു താളിയാണ്. പത്തിനം ചെടികള്‍ ചേര്‍ത്തുണ്ടാക്കുന്ന ഇത് മുടിയുടെ ആരോഗ്യത്തിന് ഉത്തമമാണ്.മുക്കുറ്റി, തിരുതാളി, പൂവാംകുരുന്നില, ഓരില, മൂവില,മുയൽചെവിയൻ, നെല്പന തുടങ്ങിയ സസ്യങ്ങൾ എല്ലാം ചേർത്ത് നന്നായി അരച്ച് തലയിൽ തേച്ച് കുളിക്കുക. തലമുടിയുടെ വളർച്ചയ്ക്കും കരുത്തിനും ഏറെ ഉത്തമമാണ് ശപുഷ്പത്താൽ നിർമ്മിക്കുന്ന ഈ താളി.

​ചന്ദനം

ചന്ദനം തലയ്ക്ക് തണുപ്പു നല്‍കുന്ന ഒന്നാണ്. വരണ്ട മുടി ഒതുക്കി വയ്ക്കാനും ഇത് നല്ലതാണ്. നല്ല ശുദ്ധമായ ചന്ദനം വേണം, ഉപയോഗിയ്ക്കാന്‍. കെമിക്കലുകള്‍ അടങ്ങിയവ മുടിയ്ക്കു തന്നെ ദോഷം വരുത്തും.ചന്ദനം പൊതുവേ ചര്‍മ സൗന്ദര്യത്തിന് ഉപയോഗിയ്ക്കുന്നതെങ്കിലും ഇത് മുടിയുടെ ആരോഗ്യത്തിനും നല്ലതാണ്. ശുദ്ധമായ ചന്ദനം അരച്ചെടുത്ത് വെള്ളത്തില്‍ ചേർത്തുചാലിച്ച് മുടിയിലാകെ തേച്ചു പിടിപ്പിക്കുക. പതിനഞ്ചുമിനിറ്റുകഴിഞ്ഞുമുടി കഴുകുക. ദിവസം മുഴുവൻ ചന്ദനഗന്ധംതലയിൽ തങ്ങിനിൽക്കും.

​കുറുന്തോട്ടിത്താളി

കുറുന്തോട്ടി നല്ലൊരു ആയുര്‍വേദ മരുന്നാണ്. അധികം ഉയരവും വണ്ണവുമില്ലാതെ വളപ്പില്‍ കുറ്റിച്ചെടി പോലെ വളരുന്ന ഒന്നാണിത്.കുറുന്തോട്ടിയുടെ ഔഷധഗുണത്തെ കുറിച്ച് പ്രത്യേകിച്ച് പറയേണ്ടതില്ലല്ലോ. കുറുന്തോട്ടി മുടിയഴകിന് മാത്രമല്ല തലച്ചോറിനും ബുദ്ധി ശക്തിക്കും ഉത്തമമാണ്.

കുറുന്തോട്ടിത്താളി സമൂലം, അതായത് വേരും ഇലയും തണ്ടുമടക്കം അരച്ചെടുത്ത് തലയില്‍ തേച്ച് കുളിക്കുക. കുറുന്തോട്ടി തേച്ചാൽ തലയിലെ എണ്ണമയം നഷ്ടമാകുന്നില്ല. അതിനാൽ വരണ്ട തലമുടിയുള്ളവർക്ക് ഏറ്റവും അനുയോജ്യമാണിത്.ദിവസം മുഴുവൻ തലയോട്ടിക്ക് തണുപ്പഭിക്കും.

​പടപ്പൻ താളി, ചെമ്പരത്തി താളി

തലയിലെ അഴുക്ക് അകറ്റാൻ ധാരാളം കൊഴുപ്പുള്ള പടപ്പൻ താളി ഏറെ ഉത്തമമാണ്. പടപ്പൻ താളിയുടെ ഇലയും തണ്ടും ചേർത്ത്ന്നായി അരച്ച് തലയിൽ പുരട്ടുക.മുടിയിഴകൾക്ക് തിളക്കം ലഭിക്കാനും പടപ്പൻ താളി ഏറെ ഉത്തമമാണ്. നാം പൊതുവേ ഉപയോഗിച്ചു വരുന്ന ചെമ്പരത്തി താളിയും മുടിയ്ക്ക് ഏറ്റവും മികച്ച ഷാംപൂവും കണ്ടീഷണറും മരുന്നുമെല്ലാമാണ്. താളികളുടെ ഉപയോഗം മുടിയെ പൊതുവേ ആരോഗ്യകരമായി നില നിര്‍ത്തുന്ന ഒന്നാണ്. യാതൊരു ദോഷവും മുടിയ്ക്കു വരുത്താത്ത സ്വാഭാവിക വഴികളാണ് ഇത്. തെച്ചിപ്പൂ ചതച്ചിട്ട വെള്ളം മരുന്നാക്കാം, കാരണം….