സിക്ക വൈറസ്: കേന്ദ്ര സംഘം കേരളത്തിലേക്ക്, എല്ലാവിധ സഹായവും നൽകും

തിരുവനന്തപുരം: സംസ്ഥാനത്ത് കൂടുതൽ പേർക്ക് സിക്ക വൈറസ് സ്ഥിരീകരിച്ച സാഹചര്യത്തിൽ കേന്ദ്ര സംഘം കേരളത്തിലെത്തും. ആറംഗ സംഘമാകും എത്തുകയെന്ന് കേന്ദ്ര ആരോഗ്യ മന്ത്രാലയം അറിയിച്ചു. സിക്ക വൈറസ് പ്രതിരോധ പ്രവർത്തനങ്ങൾക്ക് കേരളത്തിന് എല്ലാ സഹായവും നൽകുമെന്നും അധികൃതർ അറിയിച്ചു.



സിക്ക വൈറസ്: കേരളത്തിൽ നിന്നുള്ളവർക്ക് പരിശോധന, നിർദേശവുമായി തമിഴ്നാട്

സിക്ക വൈറസ് ബാധ സ്ഥിരീകരിച്ച സാഹചര്യം സംഘം വിലയിരുത്തും. രോഗവ്യാപനം തടയാനാവശ്യമായ സഹായങ്ങൾ ചെയ്തു നൽകുമെന്നും കേന്ദ്രം അറിയിച്ചു. നിലവിലെ സാഹചര്യം വിലയിരുത്തുന്നതിനൊപ്പം കേരളത്തിന് ആവശ്യമായ സഹായങ്ങൾ ചെയ്തു നൽകുകയുമാണ് സംഘത്തിൻ്റെ ലക്ഷ്യം.

കൊതുക് മുഖേനെ പടരുന്ന രോഗമായതിനാൽ കൂടുതൽ പേരിലേക്ക് വൈറസ് ബാധ എത്താനുള്ള സാഹചര്യം നിലനിൽക്കെയാണ് സംസ്ഥാനത്തേക്ക് കേന്ദ്ര സംഘം എത്തുന്നത്.

കേരളത്തിൽ പുതിയതായി 14 പേര്‍ക്ക് കൂടി സിക്ക വൈറസ് ബാധ സ്ഥിരീകരിച്ചുവെന്ന് ആരോഗ്യ വകുപ്പ് അറിയിച്ചിരുന്നു. ഇതോടെ ആകെ വൈറസ് കേസുകളുടെ എണ്ണം 15 ആയി ഉയർന്നു. വ്യാഴാഴ്ച 24 കാരിയായ യുവതിക്ക് രോഗം സ്ഥിരീകരിച്ചിരുന്നു. പാറശ്ശാല സ്വദേശിനിക്കാണ് രോഗം സ്ഥിരീകരിച്ചത്. ഇവര്‍ കഴിഞ്ഞ ദിവസം ഇവര്‍ പ്രസവിക്കുകയും ചെയ്തിരുന്നു. ഇതിന് പിന്നാലെയാണ് കൂടുതൽ പേരിൽ സിക്ക വൈറസ് ബാധ സ്ഥിരീകരിച്ചത്.

എന്താണ് സിക്ക വൈറസ്? എങ്ങനെ പ്രതിരോധിക്കാം, രോഗലക്ഷണങ്ങൾ എന്തെല്ലാം

സംസ്ഥാനത്ത് കൂടുതൽ പേർക്ക് സിക്ക വൈറസ് സ്ഥിരീകരിച്ച സാഹചര്യത്തിൽ പ്രതിരോധ പ്രവർത്തനങ്ങൾ ശക്തിപ്പെടുത്താൻ ആക്ഷൻ പ്ലാൻ രൂപീകരിച്ചതായി ആരോഗ്യമന്ത്രി വീണാ ജോർജ്. സംസ്ഥാനത്താകെ ജാഗ്രത നിർദേശം നൽകിയിട്ടുണ്ട്. രോഗബാധ റിപ്പോർട്ട് ചെയ്യാൻ സാധ്യതയുള്ള പ്രദേശങ്ങളുൽ ആശുപത്രികളും കേന്ദ്രീകരിച്ച് ശക്തമായ പ്രതിരോധ പ്രവർത്തനങ്ങൾ നടത്തും.