കുറ്റവിമുക്തനായ ശേഷം ആദ്യമായി ബിഷപ്പ് ഫ്രാങ്കോ മുളയ്ക്കൽ വത്തിക്കാനിൽ; സന്തോഷമറിയിച്ച് മാർപാപ്പ

തിരുവനന്തപുരം: ജലന്ധർ രൂപതാ മുൻ ബിഷപ്പ് ഫ്രാങ്കോ മുളയ്ക്കൽ ഫ്രാൻസിസ് മാർപാപ്പയുമായി കൂടിക്കാഴ്ച നടത്തി. വത്തിക്കാനിൽ ഫെബ്രുവരി എട്ടിനാണ് കൂടിക്കാഴ്ച നടന്നതെന്ന് ബിഷപ്പിനോട് അടുത്ത വൃത്തങ്ങളെ ഉദ്ധരിച്ചു ദേശീയ വാർത്താ ഏജൻസിയായ പിടിഐ റിപ്പോർട്ട് ചെയ്തു. കന്യാസ്ത്രീയെ ബലാത്സംഗം ചെയ്തുവെന്ന കേസിൽ കുറ്റവിമുക്തനായ ശേഷം ആദ്യമായാണ് ബിഷപ്പ് ഫ്രാങ്കോ മുളയ്ക്കൽ മാർപാപ്പയെ കാണുന്നത്.

“ബിഷപ്പിനെ കണ്ടതിൽ മാർപാപ്പ സന്തോഷം പ്രകടിപ്പിച്ചു. തങ്ങൾ കേസിൽ ജയിച്ചുവെന്ന് കേട്ടതിൽ പോപ്പിന് സന്തോഷമുണ്ട്. തനിക്കു വേണ്ടി പ്രാർഥിക്കണമെന്ന് മാർപാപ്പ അഭ്യർഥിച്ചു”- ബിഷപ്പിനോട് അടുത്ത വൃത്തങ്ങൾ പറഞ്ഞതായി പിടിഐ റിപ്പോർട്ട് ചെയ്തു. അതേസമയം കോടതി കുറ്റവിക്തനാക്കിയെങ്കിലും ബിഷപ്പിന് പുതിയ ചുമതലകൾ ലഭിച്ചിട്ടില്ല.

പൂച്ചമീശയുള്ള കുഞ്ഞൻ, പേര് ‘പൊതുജനം’; പുതിയ ഭൂഗർഭമത്സ്യത്തെ കണ്ടെത്തിയത് കേരളത്തിലെ കിണറ്റിൽ നിന്ന്

മാർപാപ്പയുമായുള്ള കൂടിക്കാഴ്ചയിൽ പുതിയ ചുമതലകൾ നൽകണമെന്ന് ബിഷപ്പ് അഭ്യർഥിച്ചിട്ടില്ലെന്നാണ് അടുത്ത വൃത്തങ്ങൾ സൂചിപ്പിക്കുന്നത്. പിതാവ് എന്ത് തീരുമാനിച്ചാലും ബിഷപ്പ് അനുസരിക്കുമെന്നും അടുത്ത വൃത്തങ്ങൾ പറഞ്ഞു. കന്യാസ്ത്രീയെ പീഡിപ്പിച്ചെന്ന കേസിൽ പോലീസ് ചോദ്യം ചെയ്തതോടെ 2018 സെപ്റ്റംബറിലാണ് രൂപതയുടെ ചുമതലകൾ പരമാധികാരിയായ മാർപാപ്പക്കു മുമ്പാകെ സമ‍ർപ്പിച്ചു ബിഷപ്പ് ഫ്രാങ്കോ മുളയ്ക്കൽ സ്ഥാനം ഒഴിഞ്ഞത്. നേരത്തെ, ബിഷപ്പ് ഫ്രാങ്കോ മുളയ്ക്കലിനെ കുറ്റവിമുക്തനാക്കിയ കോടതി വിധി വത്തിക്കാൻ അംഗീകരിച്ചിരുന്നു.

നികുതി സംബന്ധിച്ച ചോദ്യമാണ് ലോക്‌സഭയില്‍ ഉന്നയിച്ചത്; ധനമന്ത്രിയുടേത് തെറ്റിദ്ധരിപ്പിക്കുന്ന നീക്കമെന്ന് എന്‍.കെ. പ്രേമചന്ദ്രന്‍

കന്യാസ്ത്രീയെ ബലാത്സംഗം ചെയ്തുവെന്ന കേസിൽ 2022 ജനുവരി 14 നാണ് കോട്ടയം അഡീഷണൽ സെഷൻസ് കോടതി ബിഷപ്പ് ഫ്രാങ്കോ മുളയ്ക്കലിനെ കുറ്റവിമുക്തനാക്കിയത്. മിഷനറീസ് ഓഫ് ജീസസ് സന്യാസ സഭാംഗവും കുറവിലങ്ങാട് നാടുകുന്ന് സെന്റ് ഫ്രാൻസിസ് മിഷൻ ഹോമിലെ അന്തേവാസിയുമായ കന്യാസ്ത്രീയെ 2014 മുതൽ 2016 വരെയുള്ള കാലയളവിൽ 13 തവണ പീഡിപ്പിച്ചെന്നായിരുന്നു കേസ്. 2017 ജൂണിൽ കന്യാസ്ത്രീ കോട്ടയം ജില്ലാ പോലീസ് മേധാവിക്കു നൽകിയ പരാതിയിലാണ് പോലീസ് കേസെടുത്ത് അന്വേഷണം തുടങ്ങിയത്.

Sthree Sakthi SS-352 Lottery Result: 75 ലക്ഷം നേടിയത് നിങ്ങളോ? ഈ നമ്പരുകൾ പരിശോധിക്കാം, നറുക്കെടുപ്പ് വിവരങ്ങൾ

2018 ഓഗസ്റ്റിലാണ് കേസിൽ ആദ്യമായി പോലീസ് ബിഷപ്പിനെ ചോദ്യം ചെയ്തത്. സെപ്റ്റംബറിൽ മൂന്നു ദിവസം നീണ്ട ചോദ്യംചെയ്യലിനൊടുവിൽ, ഇതേ മാസം 21 ന് ബിഷപ്പിൻ്റെ അറസ്റ്റു രേഖപ്പെടുത്തി. രണ്ടാഴ്ചയിലേറെ നീണ്ട ജയിൽവാസത്തിനു ശേഷം ജാമ്യം ലഭിച്ച ബിഷപ്പ് പുറത്തിറങ്ങി. 105 ദിവസത്തെ വിസ്താരത്തിനുശേഷമാണ് കോടതി വിധി പ്രസ്താവം നടത്തിയത്.