Teena Mathew | Samayam Malayalam | Updated: 23 Dec 2022, 4:53 pm
Tata Nano Converted To Helicopter | അസംഗഢ് ആസ്ഥാനമായുള്ള ഒരു ആശാരി നാനോ കാറിനെ ഹെലികോപ്റ്ററാക്കി മാറ്റിയതാണ് സംഭവം. കേള്‍ക്കുമ്പോള്‍ കൗതുകം തോന്നുമെങ്കിലും സംഗതി സത്യമാണ്. റോഡില്‍ ഓടാനും യാത്രക്കാര്‍ക്ക് വിമാന യാത്രയുടെ അനുഭവം നല്‍കാനും കഴിയും ഈ കാര്‍ ഹെലികോപ്റ്ററിന് കഴിയും.
ഹൈലൈറ്റ്:
- യുപിയിൽ നിന്നുള്ള ആശാരിയാണ് ഇതിന് പിന്നിൽ
- നാല് മാസം എടുത്താണ് നിർമ്മിച്ചത്
അസംഗഢ് ആസ്ഥാനമായുള്ള ഒരു ആശാരി നാനോ കാറിനെ ഹെലികോപ്റ്ററാക്കി മാറ്റിയതാണ് സംഭവം. കേള്‍ക്കുമ്പോള്‍ കൗതുകം തോന്നുമെങ്കിലും സംഗതി സത്യമാണ്. റോഡില്‍ ഓടിക്കാന്‍ കഴിയുന്ന ഈ വാഹനം ഒറ്റ നോട്ടത്തില്‍ കണ്ടാല്‍ ഹെലികോപ്റ്റര്‍ ആണെന്നേ തോന്നൂ. റോഡില്‍ ഓടാനും യാത്രക്കാര്‍ക്ക് വിമാന യാത്രയുടെ അനുഭവം നല്‍കാനും കഴിയും ഈ കാര്‍ ഹെലികോപ്റ്ററിന് കഴിയും.
ഏകദേശം നാല് മാസം എടുത്താണ് സല്‍മാന്‍ എന്ന ഈ ആശാരി ഹെലികോപ്റ്റര്‍ നിര്‍മിച്ചത്. റോഡില്‍ ഓടിക്കാന്‍ കഴിയുന്ന ഈ ഹെലികോപ്റ്ററിന് 3 ലക്ഷം രൂപയാണ് ചിലവായതെന്നും എഎന്‍ഐയ്ക്ക് നല്‍കിയ അഭിമുഖത്തില്‍ അദ്ദേഹം പറഞ്ഞു. ഈ വാഹനത്തില്‍ യാത്ര ചെയ്യാന്‍ നിരവധി ആളുകളാണ് എത്തി ചേരുന്നതെന്നും അദ്ദേഹം കൂട്ടിച്ചേര്‍ത്തു. ഒറ്റ നോട്ടത്തില്‍ കണ്ടാല്‍ ഹെലികോപ്റ്റര്‍ ആണെന്ന് തോന്നുന്ന വിധത്തിലാണ് ഇത് നിര്‍മിച്ചിരിക്കുന്നത്.
റോഡിലൂടെ ഈ ഹെലികോപ്റ്റര്‍ ഓടുമ്പോള്‍ ആളുകള്‍ കൂട്ടം കൂടി നിന്നാണ് നോ്ക്കുന്നത്. ഹെലികോപ്റ്റര്‍ പറക്കാന്‍ കഴിയാത്തവര്‍ക്ക് ഈ യാത്ര അതിന്റെ അനുഭവം നല്‍കുമെന്നും അദ്ദേഹം പറയുന്നു. ഇനിയും ഇതുപോലെയുള്ള കണ്ടുപിടിത്തങ്ങള്‍ നടത്താനാണ് ആഗ്രഹിക്കുന്നതെന്നും സല്‍മാന്‍ പറയുന്നു.
രണ്ട് വര്‍ഷം മുന്‍പ് ഇതിന് സമാനമായ ഒരു സംഭവം നടന്നിട്ടുണ്ട്. കുട്ടിക്കാലം മുതലുള്ള ഹെലികോപ്റ്റര്‍ കാര്‍ എന്ന സ്വപ്‌നം സാക്ഷാത്കരിച്ച ഒരു പ്ലമ്പര്‍ ആയിരുന്നു അത്.
പ്ളമ്പറായ മിഥിലേഷ് പ്രസാദ്, ഹെലികോപ്റ്ററിന്റെ അടിസ്ഥാന ഡിസൈന്‍ സവിശേഷതകള്‍ ഉള്‍പ്പെടുത്തിയാണ് അദ്ദേഹത്തിന്റെ കാര്‍ പരിഷ്‌ക്കരിച്ചത്. കാറിന് പറക്കാന്‍ കഴിയില്ലെങ്കിലും പ്രധാന റോട്ടറുകള്‍, ടെയില്‍ ബൂം, ടെയില്‍ റോട്ടര്‍ എന്നിങ്ങനെ ഒരു ഹെലികോപ്റ്ററിന്റെ ഡിസൈന്‍ സവിശേഷതകള്‍ എല്ലാം ഘടിപ്പിച്ചിരുന്നു. റോട്ടറുകളിലും സൈഡ് പാനലുകളിലും വര്‍ണ്ണാഭമായ എല്‍ഇഡി ലൈറ്റുകളും ഘടിപ്പിച്ചിട്ടുണ്ട്. ഒരു ഹെലികോപ്റ്റര്‍ നിര്‍മ്മിച്ച് പറക്കുക എന്നത് കുട്ടിക്കാലം മുതലുള്ള എന്റെ സ്വപ്നമായിരുന്നു. എന്നാല്‍ സാമ്പത്തിക ശേഷി ഇല്ലാത്തത് കാരണം കാറിനെ ഹെലികോപ്റ്ററാക്കി എന്നായിരുന്നു പ്രസാദ് പറഞ്ഞത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
