തിരുവനന്തപുരം: കടുത്ത സാമ്പത്തിക പ്രതിസന്ധികള്‍ക്കിടയില്‍ പുതിയ നീക്കവുമായി കെഎസ്ആര്‍സി. വരുമാനത്തിനനുസരിച്ച് ശമ്പളം നല്‍കുന്ന പുതിയ രീതി നടപ്പിലാക്കാനാണ് നീക്കം. ഇതിനായി ഡിപ്പോ തലത്തില്‍ പ്രത്യേകം പ്രത്യേകം ടാര്‍ഗറ്റ് വയ്ക്കാനാണ് നിര്‍ദ്ദേശം. നൂറ് ശതമാനം ടാര്‍ഗറ്റ് നേടുന്ന ജീവനക്കാര്‍ക്ക് മാത്രമാകും മുഴുവന്‍ ശമ്പളവും ലഭിക്കുക. കഴിഞ്ഞ ദിവസം തിരുവനന്തപുരത്ത് നടന്ന ശില്‍പ്പശാലയില്‍ ഗതാഗത വകുപ്പ് മന്ത്രി ആന്റണി രാജുവാണ് പുതിയ നീക്കത്തെ കുറിച്ച് വെളിപ്പെടുത്തിയത്. അതേസമയം ടാര്‍ഗറ്റിനനുസരിച്ച് ശമ്പളമെന്ന മാനേജ്‌മെന്റ് നീക്കത്തിനെതിരെ തൊഴിലാളി സംഘടനകള്‍ രംഗത്ത് വന്നിട്ടുണ്ട്.
ബസുകളുടെയും ജീവനക്കാരുടെയും എണ്ണവും സര്‍വീസുകളും കണക്കിലെടുത്താകും ഓരോ ഡിപ്പോയിലും ടാര്‍ഗറ്റ് നിശ്ചയിച്ച് നല്‍കുക. 100 ശതമാനം ടാര്‍ഗറ്റ് പൂര്‍ത്തിയാക്കുന്നവര്‍ക്ക് മാസത്തിന്റെ ആദ്യം തന്നെ മുഴുവന്‍ ശമ്പളവും ലഭിക്കും. ടാര്‍ഗറ്റിന്റെ 50 ശതമാനം മാത്രമെ വരുമാനം നേടാന്‍ കഴിഞ്ഞൊള്ളുവെങ്കില്‍ ശമ്പളവും പകുതിയാകും. പ്രകടനത്തിന് അനുസരിച്ച് മാത്രം പ്രതിഫലം എന്ന പുതിയ രീതിയാണ് നടപ്പിലാക്കാന്‍ ഉദ്ദേശിക്കുന്നത്. പുതിയ നിര്‍ദ്ദേശം നടപ്പിലാകുന്നതോടെ കെഎസ്ആര്‍സിസി വരുമാനം വര്‍ദ്ധിപ്പിക്കാന്‍ കഴിയുമെന്നാണ് മാനേജ്‌മെന്റിന്റെ പ്രതീക്ഷ. പ്രതിമാസ വരുമാനം 240 കോടി രൂപയാക്കുക എന്നതാണ് ലക്ഷ്യം വയ്ക്കുന്നത്.
അതേസമയം രാജ്യത്തെ തൊഴില്‍ നടപടികള്‍ക്ക് വിരുദ്ധമാണ് പുതിയ പരിഷ്‌കാരമെന്നും ഇത് ഒരിക്കലും അംഗീകരിക്കാന്‍ കഴിയില്ലെന്നുമാണ് തൊഴിലാളി സംഘടനകളുടെ നിലപാട്. കഴിഞ്ഞ ദിവസം കെഎസ്ആര്‍സിക്കെതിരെ ഹൈക്കോടതി രൂക്ഷവിമര്‍ശനം ഉന്നയിച്ചിരുന്നു. ആനുകൂല്യം ആവശ്യപ്പെട്ട് ജീവനക്കാര്‍ സമര്‍പ്പിച്ച ഹര്‍ജി പരിഗണിച്ചപ്പോഴായിരുന്നു കോടതിയുടെ നിരീക്ഷണം. ജീവനക്കാരുടെ ശമ്പളം ബുധനാഴ്ചയ്ക്കകം നല്‍കണമെന്ന് പറഞ്ഞ കോടതി തൊഴിലാളികള്‍ക്ക് ശമ്പളം നല്‍കാന്‍ കഴിഞ്ഞില്ലെങ്കില്‍ സ്ഥാപനം പൂട്ടണമെന്ന് പറഞ്ഞു. 60 കോടി രൂപയാണ് കെഎസ്ആര്‍ടിസിക്ക് ശമ്പള വിതരണത്തിനായി വേണ്ടത്. എന്നാല്‍ 30 കോടിയാണ് ധനവകുപ്പ് അനുവദിച്ചത്.
Read Latest Kerala News and Malayalam News
‘നിർബന്ധിച്ച് ഗർഭഛിദ്രം നടത്തി, പിന്നാലെ വിവാഹം’; താൻ ജീവനൊടുക്കിയാൽ അതിന് കാരണം അർജുൻ്റെ കുടുംബമെന്ന് ഭാര്യ അമലബസ്സ് ഡ്രൈവര്‍ക്ക് നേരെ തോക്ക് ചൂണ്ടി കാര്‍ ഡ്രൈവര്‍ |Car Driver
