എങ്ങിനെ മെച്ചപ്പെടുത്താം
ഇന്ന് 75 ശതമാനം സ്ത്രീകള്‍ക്കും സ്വകാര്യ ഭാഗം എത്രത്തോളം വൃത്തിയില്‍ കൊണ്ട് നടക്കണം എന്നതിനെക്കുറിച്ച് കൃത്യമായ ധാരണയില്ല. എന്നാല്‍, ഇത് നല്ലപോലെ വൃത്തിയില്‍ കൊണ്ട് നടക്കേണ്ടത് അനിവാര്യമാണ്.
സ്വകാര്യ ഭാഗം എല്ലായ്‌പ്പോഴും തുടച്ച് വെള്ളത്തിന്റെ അംശം ഇല്ലാത്ത രീതിയില്‍ കൊണ്ടു നടക്കണം. അതുപോലെ, അടിവസ്ത്രം കോട്ടന്‍ മെറ്റീരിയലില്‍ ഉള്ളത് ഉപയോഗിക്കാം. ഇതില്‍ വിയര്‍പ്പ് അടിയുന്നതെല്ലാം സ്വകാര്യ ഭാഗം നനഞ്ഞിരിക്കാന്‍ കാരണമാകും.
ആര്‍ത്തകാലത്ത് ശ്രദ്ധ കൂടുതല്‍ വേണം. ഒരു ദിവസം കുറഞ്ഞത് നാല് മണിക്കൂര്‍ കൂടുമ്പോഴെങ്കിലും പാഡ് മാറ്റാന്‍ മറക്കരുത്. അതുപോലെ, ടോയ്‌ലറ്റില്‍ പോയി വന്നാല്‍, നന്നായി കഴുകി തുടച്ച് വൃത്തിയാക്കി സൂക്ഷിക്കണം.
നല്ല മണമുള്ള സോപ്പ്, അതുപോലെ, സെന്റ് ന്നെിവ ഉപയോഗിക്കരുത്. എല്ലായാപ്പോഴും സാധാ വെള്ളം ഉപയോഗിച്ച് കഴുകി വൃത്തിയാക്കി എടുത്താല്‍ മതിയാകും.
അതുപോലെ തന്നെ പ്രധാനപ്പെട്ടതാണ് സ്വകാര്യഭാഗത്തെ മുടി നീക്കം ചെയ്യേണ്ടതും. ഇത് കളയാതിരുന്നാല്‍ സ്വകാര്യഭാഗത്ത് ഇന്‍ഫക്ഷന്‍ വരുന്നതിന് കാരണമാകും.
ലൈംഗിക രോഗങ്ങള്‍
സ്ത്രീകളില്‍ ലൈംഗിക രോഗങ്ങള്‍ വന്നാല്‍ ഇത് അമ്മയില്‍ നിന്നും കുഞ്ഞിലേയ്ക്കും പകരുന്നതിന് കാരണമാണ്. ഇന്ന് ചെറുപ്പക്കാരായ സ്ത്രീകളില്‍ ഇത്തരം പ്രശ്‌നങ്ങള്‍ കണ്ടുവരുന്നുണ്ട്.
ഇത് ഒഴിവാക്കുന്നതിന് ഏറ്റവും നല്ല മാര്‍ഗ്ഗം സുരക്ഷിതമായ ലൈംഗിക ബന്ധത്തില്‍ ഏര്‍പ്പെടുക എന്നതാണ്. ഇതിനായി കോണ്ടം പോലെയുള്ള സുരക്ഷിത മാര്‍ഗ്ഗങ്ങള്‍ സ്ത്രീകളും പുരുഷന്മാര്‍ക്കും സ്വീകരിക്കാവുന്നതാണ്.
ഇത്തരം സുരക്ഷിത മാര്‍ഗ്ഗങ്ങള്‍ സ്വീകരിക്കുന്നതിലൂടെ എസ്ടിഐ പോലെയുള്ള രോഗങ്ങള്‍ മാറ്റി എടുക്കാന്‍ സാധിക്കുന്നതാണ്. നല്ലപോലെ ശ്രദ്ധിച്ചില്ലെങ്കില്‍ ചിലപ്പോള്‍ എച്ച്‌ഐവി രോഗത്തിലേയ്ക്ക് വരെ നയിച്ചെന്ന് വരാം.
അതുപോലെ തന്നെ ചര്‍മ്മ രോഗങ്ങള്‍, മൂത്രാശയ സംബന്ധമായ രോഗങ്ങളിലേയക്കും ഇത് നയിക്കുന്നുണ്ട്.
വാക്‌സിനേഷന്‍
എച്ച് പി വി ഇന്‍ഫക്ഷന്‍ മൂലമാണ് സ്ത്രീകളില്‍ സെര്‍വിക്കല്‍ കാന്‍സര്‍ വരുന്നത്. ഇത് തടയുന്നതിനായി ഇന്ന് വാക്‌സിനേഷന്‍ ലഭ്യമാണ്. 11-15 വയസ്സ് വരെയുള്ള പെണ്‍കുട്ടികള്‍ക്ക് ഈ വാക്‌സിന്‍ എടുക്കാവുന്നതാണ്. കൂടാതെ, 9- 26 വയസ്സ് വരെയുള്ളവര്‍ക്കും എടുക്കാം. പക്ഷേ ഒരു ഡോക്ടറുടെ നിര്‍ദ്ദേശം തേടിയതിന് ശേഷം മാത്രം ടെുക്കുന്നതാണ് നല്ലത്.
ഗര്‍ഭനിരോധനം
ഗര്‍ഭനിരോധന മാര്‍ഗ്ഗങ്ങള്‍ ഉപയോഗിക്കുന്നത് ലൈംഗിക രോഗങ്ങള്‍ പകരാതിരിക്കുന്നതിന് നല്ലതാണ്. ഇതിനായി കോണ്ടം, ഗുളികള്‍ എന്നിവ ഉപയോഗിക്കാവുന്നതാണ്.
ഗുളികകള്‍ ഇടയ്ക്ക് മാത്രം ഉപയോഗിക്കുന്നതാണ് നല്ലത്. ഇവ സ്ഥിരമാക്കിയാല്‍ ഹോര്‍മോണ്‍ വ്യതിയാനത്തിന് കാരണമാകുന്നു. സ്ഥിരമായി ഗര്‍ഭനിരോധനം നടത്തുന്നതിന് ഐയുഡിയും ഇന്‍ട്രായൂട്ടെറൈന്‍ സംവിധാനവും ഉപയോഗിക്കാവുന്നതാണ്.ഇവ 3 മുതല്‍ 5 വര്‍ഷം വരെ നില്‍ക്കും.
നല്ല ജീവിതശൈലി
നല്ല ആഹാരശീലം പിന്തുടരുക, നല്ല ബാലന്‍സ്ഡ് വേയ്റ്റ് നിലനിര്‍ത്താന്‍ ശ്രദ്ധിക്കുക,. നല്ല ഉറക്കം, വ്യായാമം എന്നിവയെല്ലാം തന്നെ നല്ല ജീവിതശൈലിയുടെ ഭാഗമാണ്. ഇല പിസിഒഡി പോലെയുള്ള ആരോഗ്യ പ്രശ്‌നങ്ങളെ കുറയ്ക്കാന്‍ സഹായിക്കുന്നുണ്ട്. അതുപോലെ, ഹോര്‍മോണ്‍ വ്യതിയാനം ഇല്ലാതിരിക്കുന്നതിനും ഇത് സഹായിക്കും. ഇത് പ്രത്യുല്‍പാദനശേഷി വര്‍ദ്ധിപ്പിക്കുന്നതിന് സഹായിക്കുന്നുണ്ട്.
കൂടുതല്‍ ആരോഗ്യ വാര്‍ത്തകള്‍ക്ക് ഇവിടെ ക്ലിക്ക് ചെയ്യുക.
