കണ്ണൂരിലെ പോക്സോ കേസ് പ്രതിക്ക് ലൈംഗിക ശേഷിയില്ലെന്ന് ഡോക്ടറുടെ സർട്ടിഫിക്കറ്റ്; വിവാദം തുടരുന്നു

കണ്ണൂർ: 15 വയസുകാരിയെ പീഡിപ്പിക്കാൻ ശ്രമിച്ച പോക്സോ കേസ് പ്രതിക്ക് ലൈംഗിക ശേഷിയില്ലെന്ന് വ്യക്തമാക്കുന്ന വൈദ്യ പരിശോധന റിപ്പോർട്ട് നൽകിയ സംഭവം വിവാദത്തിൽ. വ്യവസായിയും വിവിധ സ്ഥാപനങ്ങളുടെ ഉടമയുമായ കുയ്യാലി ഷറാറ ബംഗ്ലാവിലെ ഉച്ചുമ്മല്‍ കുറുവാങ്കണ്ടി ഷറാറ ഷറഫുദ്ദീന് ഡോക്ടർ അനുകൂലമായ റിപ്പോർട്ട് നൽകിയത്.



‘അനന്തു’വിനെ കാണാൻ വർക്കലയ്ക്കു പോയി; ഗ്രീഷ്മ പക തീർത്തതെന്ന് രേഷ്മ; പറ്റിച്ചതെന്ന് അറിഞ്ഞില്ല

പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ചെന്ന കേസിലെ പ്രതിയായ ഷറഫുദ്ദീനെ കേസിൽ നിന്ന് രക്ഷിക്കാനുള്ള നീക്കമാണോ നടന്നതെന്ന സംശയം ശക്തമായി. ഇക്കാര്യത്തിൽ പ്രോസിക്യൂഷൻ നടപടികൾ ആരംഭിച്ചു. പ്രതിയുടെ ലൈംഗിക ശേഷി വീണ്ടും പരിശോധിക്കണമെന്ന് ആവശ്യപ്പെട്ട് പ്രോസിക്യൂഷൻ കോടതിയിൽ അപേക്ഷ നൽകി.

കഴിഞ്ഞ മാർച്ച് 25നാണ് പതിനഞ്ച് വയസുകാരിയായ പെൺകുട്ടിയെ പീഡിപ്പിക്കാൻ പ്രതി ശ്രമം നടത്തിയത്. കുട്ടിയുടെ അമ്മയുടെ സഹോദരിയും ഭർത്താവും ചേർന്ന് കുട്ടിയെ പ്രതിയുടെ അടുത്ത് എത്തിക്കുകയായിരുന്നുവെന്നാണ് കേസ്. ആശുപത്രിയിൽ പോകാൻ ഒപ്പം വരണമെന്ന് കള്ളം പറഞ്ഞാണ് കുട്ടിയെ ഷറഫുദ്ദീൻ്റേ ആടുത്ത് എത്തിച്ചത്. ചതിയിൽപ്പെട്ടുവെന്ന് തിരിച്ചറിഞ്ഞതോടെ പ്രതിയിൽ നിന്ന് രക്ഷപ്പെട്ട് പെൺകുട്ടി ധർമ്മടത്തെ വീട്ടിൽ തിരിച്ചെത്തി.

വണ്ടിപ്പെരിയാർ പീഡനം: പ്രതി അർജുനെ കണ്ടത് മകനെപ്പോലെയെന്ന് കുട്ടിയുടെ അച്ഛൻ; ‘രാഷ്ട്രീയം കലർത്തരുത്’

വീട്ടിൽ മടങ്ങിയെത്തിയ പെൺകുട്ടി വിവരം അടുത്ത ബന്ധുവിനെ അറിയിച്ചതോടെ പോലീസിൽ പരാതി നൽകുകയായിരുന്നു. കേസെടുത്ത പോലീസ് പ്രതിയെ അറസ്റ്റ് ചെയ്തിരുന്നു. ഇതിനിടെ കോടതി റിമാൻഡ് ചെയ്ത പ്രതിയെ ആശുപത്രിയിൽ സുഖ ചികിത്സയ്ക്ക് അയച്ചുവെന്ന ആരോപണവും ശക്തമാണ്.