‘അമ്പും വില്ലും’ ഷിൻഡെയ്ക്ക്, യഥാർഥ ശിവസേന; ഉദ്ധവ് താക്കറെയ്ക്ക് കനത്ത തിരിച്ചടി

Deepu Divakaran | Samayam Malayalam | Updated: 17 Feb 2023, 8:35 pm

ഉദ്ധവ് താക്കറെ വിഭാഗത്തിന് കനത്ത തിരിച്ചടി. ഏക്നാഥ് ഷിൻഡെ വിഭാഗത്തെ യഥാർഥ ശിവസേനയായി തെരഞ്ഞെടുപ്പ് കമ്മീഷൻ അംഗീകരിച്ചു. എംഎൽഎമാരിൽ 76 ശതമാനം പേരും ഷിൻഡെയ്ക്കൊപ്പം.

Eknath Shinde Shiv Sena — ഏക്നാഥ് ഷിൻഡെ, ഉദ്ധവ് താക്കറെ.

ഹൈലൈറ്റ്:

യഥാർഥ ശിവസേന ഏക്നാഥ് ഷിൻഡെ വിഭാഗം.
തെരഞ്ഞെടുപ്പ് കമ്മീഷൻ്റേതാണ് അംഗീകാരം.
പാർട്ടി ചിഹ്നമായ അമ്പും വില്ലും ഷിൻഡെ വിഭാഗത്തിന്.

ന്യൂ ഡൽഹി: യഥാർഥ ശിവസേന ഏതെന്ന തർക്കത്തിന് ക്ലൈമാക്സ്. മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ നേതൃത്വം നൽകുന്ന വിഭാഗമാണ് യഥാർഥ ശിവസേനയെന്ന് തെരഞ്ഞെടുപ്പ് കമ്മീഷൻ അംഗീകരിച്ചു. പാർട്ടിയുടെ പേരും ചിഹ്നമായ അമ്പും വില്ലും ഷിൻഡെ വിഭാഗത്തിന് തെരഞ്ഞെടുപ്പ് കമ്മീഷൻ അനുവദിച്ചു. ശിവസേന സ്ഥാപകൻ ബാലാ സാഹേബ് താക്കറെയുടെ മകൻ ഉദ്ധവ് താക്കറെ നേതൃത്വം നൽകുന്ന വിഭാഗത്തിന് കനത്ത തിരിച്ചടിയാണ് തെരഞ്ഞെടുപ്പ് കമ്മീഷൻ്റെ അംഗീകാരം. ശിവസേനയുടെ 55 എംഎൽഎമാരിൽ 76 ശതമാനം പേരും ഷിൻഡെ വിഭാഗത്തിന് അനുകൂലമായാണ് വോട്ട് രേഖപ്പെടുത്തിയത്. 23.5 ശതമാനം എംഎൽഎമാർ മാത്രമാണ് ഉദ്ധവ് താക്കറെ വിഭാഗത്തെ പിന്തുണച്ചത്.

മഹാരാഷ്ട്രയിലെ സർക്കാർ രൂപീകരണത്തിനു മുന്നോടിയായി ശിവസേനയിൽ പിളർപ്പ് ഉണ്ടായതോടെയാണ് തർക്കത്തിനു തുടക്കം. ശിവസേനയിൽ വിമതശബ്ദമുയർത്തി പുറത്തുവന്ന ഏക്നാഥ് ഷിൻഡെ വിഭാഗം ബിജെപിയുമായി കൈകോർത്ത് സർക്കാർ രൂപീകരിച്ചതിനു പിന്നാലെ പാർട്ടി ചിഹ്നത്തെ ചൊല്ലി തർക്കം രൂക്ഷമായി. യഥാർഥ ശിവസേന തങ്ങളാണെന്ന അവകാശവാദവുമായി ഏക്നാഥ് ഷിൻഡെ-ഉദ്ധവ് താക്കറെ വിഭാഗങ്ങൾ രംഗത്തെത്തിയതോടെ പാർട്ടിയുടെ പേരും ചിഹ്നവും ഇരു കൂട്ടരും ഉപയോഗിക്കരുതെന്ന നിർദേശവുമായി തെരഞ്ഞെടുപ്പ് കമ്മീഷൻ രംഗത്തെത്തുകയായിരുന്നു. ഇതേ തുടർന്ന്, തെര‍ഞ്ഞെടുപ്പ് കമ്മീഷൻ അനുവദിച്ച മറ്റ് ചിഹ്നങ്ങൾ ഉപയോഗിച്ചാണ് ഇരു വിഭാഗമാണ് തെരഞ്ഞെടുപ്പ് നേരിട്ടിരുന്നത്.

ബിബിസി സർവ്വെ; ക്രമക്കേട് കണ്ടെത്തിയതായി ആദായ നികുതി വകുപ്പ്, വരുമാനവും പ്രവർത്തനവും തമ്മിൽ യോജിക്കുന്നില്ല

2018 ൽ ഭേദഗതി വരുത്തിയ ശിവസേനയുടെ ഭരണഘടന തെരഞ്ഞെടുപ്പ് പാനലിന്റെ രേഖയിലില്ലെന്ന് തെരഞ്ഞെടുപ്പ് കമ്മീഷൻ പറയുന്നു. രാഷ്ട്രീയ പാർട്ടികളുടെ ഭരണഘടനയിൽ ഭാരവാഹികളുടെ സ്ഥാനങ്ങളിലേക്ക് സ്വതന്ത്രവും നീതിയുക്തവും സുതാര്യവുമായ തെരഞ്ഞെടുപ്പും ആഭ്യന്തര തർക്കങ്ങൾ പരിഹരിക്കുന്നതിനുള്ള കൂടുതൽ സ്വതന്ത്രവും നീതിയുക്തവുമായ നടപടിക്രമങ്ങളും വിഭാവനം ചെയ്യണം. ഈ നടപടിക്രമങ്ങൾ ഭേദഗതി ചെയ്യാൻ പ്രയാസമുള്ളതായിരിക്കണം, സംഘടനയിലെ അംഗങ്ങളുടെ വലിയ പിന്തുണ ഉറപ്പാക്കിയ ശേഷം മാത്രമേ ഭേദഗതി വരുത്താവൂ. 2018 ൽ ഭേദഗതി ചെയ്ത ശിവസേനയുടെ ഭരണഘടന തെരഞ്ഞെടുപ്പ് കമ്മീഷന് മുമ്പാകെ നൽകിയിട്ടില്ല. 1999 ലെ പാർട്ടി ഭരണഘടനയിൽ ജനാധിപത്യ മാനദണ്ഡങ്ങൾ അവതരിപ്പിക്കുന്ന നടപടി ഭേദഗതികൾ ഇല്ലാതാക്കിയെന്നും തെരഞ്ഞെടുപ്പ് കമ്മീഷൻ കൂട്ടിച്ചേർത്തു.

വാളുമായി പാർട്ടി നേതാവ് പാഞ്ഞുവന്നു; വെട്ടിൽ നിന്നും അച്ഛൻ രക്ഷപെട്ടത് തലനാരിഴയ്ക്ക്; സൈനികന്റെ മരണത്തിൽ സഹോദരന്റെ വെളിപ്പെടുത്തൽ

അതേസമയം തെരഞ്ഞെടുപ്പ് കമ്മീഷൻ്റെ നടപടിയെ സ്വാഗതം ചെയ്തു ഷിൻഡെ വിഭാഗം രംഗത്തെത്തി. ഇത് ബാലാ സാഹേബ് താക്കറെയുടെ വിജയമാണെന്ന് ഷിൻഡെ പക്ഷം പ്രതികരിച്ചു. തെരഞ്ഞെടുപ്പ് കമ്മീഷൻ്റെ നടപടിയെ അപലപിച്ച ഉദ്ധവ് പക്ഷം കമ്മീഷൻ ബിജെപി ഏജന്റായി പ്രവർത്തിക്കുന്നുവെന്ന് വിമർശിച്ചു.