മൈലാഞ്ചി പൊടിയുടെ കൂടെ ഇവ ചേ‍ർത്താൽ മതി താരനെ തുരത്താം

മുടിയെ അലട്ടുന്ന പ്രധാന പ്രശ്നങ്ങളിൽ ഒന്നാണ് താരൻ. പലപ്പോഴും ഈ താരൻ കാരണം സ്ത്രീകളും പുരുഷന്മാരും ഒരുപോലെ ബുദ്ധിമുട്ടാറുണ്ട്. തലയോട്ടിയിൽ വരൾച്ചയും ചൊറിച്ചിലും ഉണ്ടാക്കുന്ന ഒരു സാധാരണ അവസ്ഥയാണ് താരൻ. തലയോട്ടിയിൽ വെളുത്ത പൊടി പോലെ കാണപ്പെടുന്നതാണിത്. വരണ്ട താരൻ ആണെങ്കിൽ അത് ചീകുമ്പോൾ വസ്ത്രങ്ങളിലും പുറത്തുമൊക്കെ വീഴാനുള്ള സാധ്യത കൂടുതലാണ്. എണ്ണമയമുള്ള അടരുകൾ തലയോട്ടിയിൽ ഒട്ടിപ്പിടിക്കുന്ന പ്രവണതയുണ്ട്. കാലാവസ്ഥയിലെ വ്യതിയാനം, ഹോർമോൺ വ്യതിയാനങ്ങൾ, മുടി നന്നായി കഴുകാതിരിക്കൽ, നനഞ്ഞ മുടി കെട്ടി വയ്ക്കു എന്നിവയെല്ലാം താരനുള്ള കാരണങ്ങളാണെങ്കിലും താരൻ അകറ്റേണ്ടത് വളരെ പ്രധാനമാണ്.

താരൻ മാറ്റാൻ മൈലാഞ്ചി

പണ്ട് കാലം മുതലെ മുടിയുടെ പല പ്രശ്നങ്ങൾക്കും പരിഹാരമാണ് മൈലാഞ്ചി. നര മാറ്റാൻ പലരും മൈലാഞ്ചി ഉപയോഗിക്കുന്നത് എല്ലാവർക്കുമറിയാം. മുടിയ്ക്ക് പ്രകൃതിദത്ത നിറമായും ആഴത്തിലുള്ള കണ്ടീഷനിംഗ് നൽകാൻ ഇത് സഹായിക്കും. മുടിയിലെ താരൻ മാറ്റാനും മൈലാഞ്ചി അഥവ ഹെന്ന ഏറെ സഹായിക്കും. മൈലാഞ്ചി മാത്രമായി ഉപയോഗിക്കുന്നത് ഒരു പക്ഷെ മുടി വരണ്ടതായി പോകാനുള്ള സാധ്യത കൂട്ടും. അതുപോലെ എണ്ണ തേച്ച മുടിയ്ക്ക് ഹെന്നയുടെ നിറം ലഭിക്കാനും പ്രയാസമാണ്.

മൈലാഞ്ചി – തൈര്- നാരങ്ങ

മൈലാഞ്ചിപ്പൊടി ഒരു നാരങ്ങയുടെ നീരിൽ കലർത്തി അതിലേക്ക് തൈര് ചേർക്കുക. കട്ടകൾ ഒഴിവാക്കി നന്നായി യോജിപ്പിക്കു. ഈ മൈലാഞ്ചി പേസ്റ്റ് മുടിയിൽ വേരുകൾ മുതൽ അറ്റം വരെ പുരട്ടുക. 30 മിനിറ്റ് പായ്ക്ക് തലയിൽ വച്ച ശേഷം വീര്യം കുറഞ്ഞ ഷാംപൂ ഉപയോഗിച്ച് മുടി കഴുകാം. വേണമെങ്കിൽ കണ്ടീഷണർ ഇടാനും ശ്രമിക്കണം.

മൈലാഞ്ചി – ഒലിവ് ഓയിൽ- ഉലുവ

4 ടേബിൾ സ്പൂൺ മൈലാഞ്ചി പൊടിയും കുറച്ച് നാരങ്ങ നീരും ഒരു ടേബിൾ സ്പൂൺ ഒലീവ് ഓയിൽ വിനാഗിരി, ഉലുവ പൊടി 2 ടേബിൾ സ്പൂൺ തൈര് എന്നിവ ചേർത്ത് യോജിപ്പിക്കുക. ഒരു രാത്രി മുഴുവൻ വച്ച ശേഷം അടുത്ത ദിവസം രാവിലെ തലയോട്ടിയിലും മുടിയിലും നന്നായി തേച്ച് പിടിപ്പിക്കാം. 2 മുതൽ 3 മണിക്കൂർ വച്ച ശേഷം ഇത് കഴുകി കളായം.

മൈലാഞ്ചി- മുട്ട

3 ടേബിൾ സ്പൂൺ മൈലാഞ്ചി പൊടി, അൽപ്പം വെള്ളം, 2 ടേബിൾ സ്പൂൺ മുട്ടയുടെ വെള്ള അടിച്ചതും 1 ടേബിൾ സ്പൂൺ ഒലീവ് ഓയിലും ചേർത്ത് നന്നായി യോജിപ്പിക്കുക. കട്ടകൾ ഇല്ലാതെ തയാറാക്കിയ മിശ്രിതം തലയിൽ തേച്ച് ഒരു 30 മിനിറ്റ് വയ്ക്കുക. ഇതിന് ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകി കളയാം.