ഏഴ് ക്ലബുകൾ പങ്കെടുക്കുന്ന അവസാന ലോക കപ്പായിരിക്കും സൗദിയിൽ നടക്കാൻ പോകുന്നത്. ഇപ്പോഴത്തെ രീതി ആയിരിക്കില്ല അടുത്ത വർഷം. അടുത്ത വർഷം മുതൽ ക്ലബുകളുടെ എണ്ണം വർധിപ്പിക്കാൻ ആണ് തീരുമാനിച്ചിരിക്കുന്നത്. കഴിഞ്ഞ ലോകകപ്പിൽ സൗദി ക്ലബായ അൽ-ഹിലാൽ വെള്ളി കിരീടം നേടിയിരുന്നു. കഴിഞ്ഞ വർഷം മൊറോക്കോയിൽ വെച്ചാണ് മത്സരം നടന്നത്. ബ്രസീലിയൻ ക്ലബായ ഫ്ലെമിംഗോയെ പരാജയപ്പെടുത്തിയാണ് അൽ-ഹിലാൽ അന്ന് ഫെെനലിൽ എത്തിയത്.
2000ലെ ആദ്യ ക്ലബ് ലോക കപ്പിൽ അൽ-നസ്ർ, 2005-ൽ ഇത്തിഹാദ്, 2019, 2021, 2022 എന്നീ വർഷങ്ങളിൽ അൽ-ഹിലാൽ തുടങ്ങിയ സൗദി ക്ലബുകൾ ആണ് പങ്കെടുത്തത്. 2027-ലെ മത്സരത്തിനും
സൗദി ആണ് ആതിഥേയത്വം വഹിക്കുന്നത് 2030-ലെ ഫിഫ ലോക കപ്പിന്റെ അതിഥേയത്വത്തിന് വേണ്ടിയുള്ള ശ്രമങ്ങൾ എല്ലാം സൗദി തുടങ്ങി കഴിഞ്ഞു. വളരെ വിപുലമായ രീതിയിൽ ആയിരിക്കും പരിപാടികൾ സൗദിയിൽ നടക്കുക.
പ്രവാസികൾക്ക് സംരംഭകരാകാം: നോർക്കയുടെ നേതൃത്വത്തിൽ കണ്ണൂരിൽ ലോൺമേള 18 ന്
തിരിച്ചെത്തിയ പ്രവാസികൾക്ക് സംരംഭങ്ങൾ തുടങ്ങുന്നതിനായി നോർക്ക റൂട്ട്സിന്റെ നേതൃത്വത്തിൽ കണ്ണൂർ ജില്ലയിലെ തളിപ്പറമ്പിൽ ഫെബ്രുവരി 18ന് (ശനിയാഴ്ച) പ്രവാസി ലോൺ മേള സംഘടിപ്പിക്കുന്നു. തിരിച്ചെത്തിയ പ്രവാസികളുടെ പുനരധിവാസത്തിനായി നോർക്ക റൂട്ട്സ് വഴി നടപ്പിലാക്കുന്ന നോർക്ക ഡിപ്പാർട്ട്മെൻറ് പ്രോജക്ട് ഫോർ റീട്ടെൻഡ് എമിഗ്രൻറ് (NDPREM) പദ്ധതി പ്രകാരമാണ് മേള നടത്തുന്നത്. തളിപ്പറമ്പ് ടാപ്‌കോസ് ഓഡിറ്റോറിയത്തിൽ നടക്കുന്ന വായ്പാമേള രാവിലെ 10 ന് എം.എൽ.എ എം.വി.ഗോവിന്ദൻ മാസ്റ്റർ ഉദ്ഘാടനം ചെയ്യും. ചടങ്ങിൽ നോർക്ക റൂട്ട്സ് റസിഡന്റ് വൈസ് ചെയർമാൻ.പി. ശ്രീരാമകൃഷ്ണൻ അധ്യക്ഷത വഹിക്കും.
പങ്കെടുക്കാൻ താൽപര്യമുളള പ്രവാസിസംരംഭകർ നോർക്ക റൂട്ട്സ് ഔദ്യോഗിക വെബ്ബ്സൈറ്റായ www.norkaroots.org വഴി രജിസ്റ്റർ ചെയ്യേണ്ടതാണ്. ലോൺമേളനടക്കുന്ന 18 ന് രാവിലെ 10 മണിമുതൽ നേരിട്ടും രജിസ്റ്റർ ചെയ്തു പങ്കെടുക്കുവാൻ അവസരമുണ്ട്. നേരത്തേ രജിസ്റ്റർ ചെയ്തവർക്ക് മുൻഗണന ലഭിക്കും. രണ്ട് വർഷമെങ്കിലും വിദേശരാജ്യത്ത് ജോലിചെയ്ത ശേഷം സ്ഥിരമായി നാട്ടിൽ മടങ്ങിയെത്തിയവർക്കാണ് അപേക്ഷിക്കാൻ കഴിയുക. രണ്ടു വർഷത്തിൽ കൂടുതൽ വിദേശത്തു ജോലിചെയ്തു എന്ന് തെളിയിക്കുന്ന പാസ്സ്‌പോർട്ട് കോപ്പിയും,രണ്ട് പാസ്പോർട്ട് സൈസ് ഫോട്ടോയും ,ആധാർ,പാൻകാർഡ് ,
ഇലക്ഷൻ തിരിച്ചറിയൽ കാർഡ് /റേഷൻ കാർഡ് ,പദ്ധതി വിശദീകരണം ,പദ്ധതിക്കാവശ്യമായ മറ്റു രേഖകൾ സഹിതം പങ്കെടുക്കാവുന്നതാണ് .
എൻ.ഡി.പി.ആർ.ഇ.എം പദ്ധതിയുടെ ഭാഗമായ 16 ബാങ്കിങ്ങ് ധനകാര്യസ്ഥാപനങ്ങൾ വഴി സംരംഭക ലോൺ ലഭിക്കാൻ മേളയിൽ അവസരമുണ്ടാകും. പ്രവാസി സംരംഭങ്ങൾക്ക് ഒരു ലക്ഷം രൂപ മുതൽ പരമാവധി 30 ലക്ഷം രൂപ വരെയുളള വായ്പകളാണ് എൻ.ഡി.പി. ആർ.ഇ.എം പദ്ധതി പ്രകാരം അനുവദിക്കുക. കൃത്യമായ വായ്പാ തിരിച്ചടവിന് 15 ശതമാനം മൂലധന സബ്‌സിഡിയും (പരമാവധി മൂന്നു ലക്ഷം രൂപ വരെ) 3 ശതമാനം പലിശ സബ്‌സിഡിയും (ആദ്യത്തെ നാലു വർഷം) പദ്ധതി വഴി സംരംഭകർക്ക് ലഭിക്കും. പ്രവാസി കൂട്ടായ്മകൾ, പ്രവാസികൾ ചേർന്ന് രൂപീകരിച്ച കമ്പനികൾ, സൈാസൈറ്റികൾ എന്നിവർക്കും എൻ.ഡി.പി.ആർ.ഇ.എം പദ്ധതി വഴി അപേക്ഷിക്കാൻ അർഹതയുണ്ട്.
കൂടുതൽ വിവരങ്ങൾക്ക് 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോൾ സർവ്വീസ്) അല്ലെങ്കിൽ നോർക്ക റൂട്ട്സ് ഹെഡ്ഡോഫീസ് 0471-2770500 (പ്രവ്യത്തി ദിവസങ്ങളിൽ, ഓഫീസ് സമയത്ത്) ബന്ധപ്പെടാവുന്നതാണ്.
പങ്കെടുക്കുന്ന ബാങ്കിങ്, ധനകാര്യസ്ഥാപനങ്ങൾ :-
1)സ്റ്റേറ്റ് ബാങ്ക് ഓഫ് ഇന്ത്യ 2)കാനറാ ബാങ്ക് 3)കേരളബാങ്ക് 4)ബാങ്ക് ഓഫ് ബറോഡ 5)ഫെഡറൽ ബാങ്ക് 6)സൗത്ത് ഇന്ത്യൻ ബാങ്ക് 7)ഇന്ത്യൻ ഓവർസീസ് ബാങ്ക് 8)യൂണിയൻ ബാങ്ക് ഓഫ് ഇന്ത്യ 9)ബാങ്ക് ഓഫ് ഇന്ത്യ 10)യൂക്കോ ബാങ്ക് 11)ധനലക്ഷ്മി ബാങ്ക് 12)കേരള സംസ്ഥാന സഹകരണ കാർഷിക ഗ്രാമ വികസന ബാങ്ക് 13)കേരള ഫിനാഷ്യൽ കോർപ്പറേഷൻ 14)കേരള സംസ്ഥാന പിന്നോക്ക വിഭാഗ വികസന കോർപറേഷൻ 15)കേരള സംസ്ഥാന എസ് .സി / എസ് .ടി കോർപ്പറേഷൻ 16)കേരള സംസ്ഥാന വനിതാവികസന കോർപ്പറേഷൻ .
Read Latest Gulf News and Malayalam News
മണൽക്കടത്തിന്റെ പുതിയ വഴികൾ
