Also Read: ഫ്‌ളൈ ദുബായ് എയര്‍ലൈന്‍സില്‍ ഹൃദയാഘാതം മൂലം യാത്രക്കാരന്‍ മരിച്ചു; വിമാനം കറാച്ചിയിലേക്ക് തിരിച്ചുവിട്ടു
നിയന്ത്രണങ്ങള്‍ താല്‍കാലികം മാത്രമാണെന്നും പരിശോധനാ സൗകര്യങ്ങളുടെ കുറവ് മൂലമാണുണ്ടായതെന്നും ഫുട്‌ബോള്‍ പരിപാടിക്ക് മുമ്പ് ഖത്തര്‍ സര്‍ക്കാര്‍ ഇന്ത്യക്ക് ഉറപ്പ് നല്‍കിയിരുന്നതായി മറൈന്‍ പ്രൊഡക്ട്സ് എക്സ്പോര്‍ട്ട് ഡെവലപ്മെന്റ് അതോറിറ്റി അറിയിച്ചു. അന്നുമുതല്‍, ഇന്ത്യന്‍ ഭരണകൂട പ്രതിനിധികളും ഖത്തറിലെ ഇന്ത്യന്‍ എംബസിയും ഇതിനൊരു പരിഹാരം കണ്ടെത്താനുള്ള ശ്രമത്തിലായിരുന്നു. ഖത്തര്‍ പൊതുജനാരോഗ്യ മന്ത്രാലയവുമായുള്ള കൂടിയാലോചനയുടെ ഫലമായാണ് ശീതീകരിച്ച മത്സ്യത്തിന്റെ നിരോധനം ലഘൂകരിക്കുന്നതായി പ്രഖ്യാപിച്ചത്. എന്നിരുന്നാലും, തണുപ്പിച്ച സീഫുഡിന്റ നിരോധനം പിന്‍വലിച്ചിട്ടില്ലെന്നും റിപ്പോര്‍ട്ടുണ്ട്. തണുപ്പിച്ച സമുദ്രവിഭവങ്ങള്‍ 3-4 ഡിഗ്രി സെല്‍ഷ്യസിലും ശീതീകരിച്ച സമുദ്രവിഭവങ്ങള്‍ നെഗറ്റീവ് 20 ഡിഗ്രിയിലും സൂക്ഷിക്കുന്നു.
ഈ സാമ്പത്തിക വര്‍ഷത്തില്‍ ഏകദേശം 11 മില്യണ്‍ ഡോളറിന്റെ സമുദ്രോത്പന്നമാണ് ഇന്ത്യയില്‍ നിന്ന് ഖത്തറിലേക്ക് കയറ്റുമതി ചെയ്തത്. ഇതില്‍ ഏറ്റവും കൂടുതല്‍ ചെമ്മീന്‍ ആയിരുന്നു. കൊച്ചിയില്‍ നിന്നുള്‍പ്പെടെയുള്ള ചെമ്മീന്‍ കയറ്റുമതി പുതിയ തീരുമാനത്തിന്റെ പശ്ചാത്തലത്തില്‍ വലിയ തോതില്‍ വര്‍ധിക്കുമെന്ന് വിലയിരുത്തപ്പെടുന്നു. സ്ഥിതിഗതികള്‍ വീണ്ടും വിലയിരുത്തിയ ശേഷം തണുപ്പിച്ച സമുദ്രവിഭവങ്ങള്‍ക്ക് ഖത്തര്‍ ഏര്‍പ്പെടുത്തിയ നിയന്ത്രണങ്ങളും കൂടി ഉടന്‍ നീക്കുമെന്നാണ് തങ്ങള്‍ പ്രതീക്ഷിക്കുന്നതെന്നും എംപിഇഡിഎ ചെയര്‍മാന്‍ ഡി വി സ്വാമി അറിയിച്ചു.
Read Latest Gulf News and Malayalam News
മണൽ വാരലിലൂടെ പമ്പയെ നാശോന്മുഘമാക്കിയത് മാഫിയകൾ |Pamba River
