ഓട്ടോഫോബിയ (Autophobia) അതായത് ഒററയ്ക്കിരിയ്ക്കാനുള്ള ഭയം, ക്രോമോഫോബിയ ( Chromophobia) -നിറങ്ങളോടുള്ള ഭയം, നിക്ടോഫോബിയ (Nyctophobia) -ഇരുട്ടിനോടുള്ള ഭയം, സംഹൈനോഫോബിയ (Samhainophobia)-ഹലോവീനോടുള്ള ഭയം, സെലീനോഫോബിയ (Selenophobia) -ചന്ദ്രനോടുള്ള ഭയം, താന്തോഫോബിയ (Thanatophobia)-മരണത്തോടുള്ള ഭയം എന്നിങ്ങനെയുളള പല ഫോബിയകളും മെലാനോഫോബിയ ഉള്ളവര്‍ക്ക് ഉണ്ടാകാന്‍ സാധ്യതയുള്ള ഫോബിയകളാണ്.
മെലാനോഫോബിയ
മെലാനോഫോബിയയെന്നാല്‍ കറുപ്പ് കാണുമ്പോള്‍, കറുപ്പിനെക്കുറിച്ച് ചിന്തിയ്ക്കുമ്പോള്‍ ഉണ്ടാകുന്ന ഭയമാണ്. ചിലര്‍ക്ക് ഈ ഭയം അധികരിച്ച് പാനിക് അറ്റാക് വരെയുണ്ടാകാം.
ഈ പ്രശ്‌നമുള്ളവര്‍ക്ക് കറുപ്പ് കണ്ടാല്‍ ഭയം, ഇരുട്ട്, മരണം, നഷ്ടപ്പെട്ടുവെന്ന തോന്നല്‍, ഒറ്റപ്പെടല്‍, നിരാശ, രാത്രി തുടങ്ങിയ പല ചിന്തകളുമുണ്ടാകും. ഇവയാകാം ഇവരുടെ ഭയപ്പാടിന് പുറകില്‍. കറുപ്പിനോട് മാത്രമല്ല, ഇരുണ്ട നിറത്തോടു പോലും ഇത്തരത്തില്‍ ഫോബിയയുള്ളവര്‍ക്ക് പ്രശ്‌നമുണ്ടാകാം.
ഫോബിയയ്ക്ക് പുറകില്‍
ഇത്തരം ഫോബിയയ്ക്ക് പുറകില്‍ ചില പ്രത്യേക കാരണങ്ങളുണ്ട്. പാരമ്പര്യം ഇതിന് ഒരു കാരണമാകുന്നു. കുടുംബപരമായി ഡിപ്രഷനോ മൂഡ് ഡിസോര്‍ഡറുകളോ ഉണ്ടെങ്കില്‍ ഇത് ഉത്കണ്ഠ പോലുള്ള പ്രശ്‌നങ്ങളും ഇത്തരം ചില ഫോബിയകളുമുണ്ടാകുന്നു. ഇമോഷണല്‍ പ്രശ്‌നങ്ങളാകാം ഇതിന് പുറകിലുള്ള മറ്റൊരു കാരണം.
കറുപ്പുമായി ബന്ധപ്പെട്ട് നമുക്കുണ്ടാകുന്ന നല്ലതല്ലാത്ത അനുഭവങ്ങള്‍ ഇത്തരം ഫോബിയയിലേയ്ക്ക് നയിക്കാം. പൊതുവേ മരണം പോലുള്ളവ കറുപ്പുമായി ബന്ധപ്പെട്ടിരിയ്ക്കുന്നു. ദുഖാചരണത്തിനും മറ്റും കറുപ്പാണ് ഉപയോഗിച്ച് വരുന്നത്.
ലക്ഷണങ്ങള്‍
ഇത്തരം ഫോബിയകളുണ്ടെങ്കില്‍ ചില പ്രത്യേക ലക്ഷണങ്ങളുമുണ്ടാകും. കറുപ്പ് നിറമുള്ളവ ഒഴിവാക്കുകയെന്നത് ഇതില്‍ പെടുന്നു. ഇത് നമുക്ക് ആവശ്യമുള്ളതെങ്കിലും. ഉദാഹരണമായി കറുത്ത ലേബലിലുള്ള മരുന്ന് ഇത് ആവശ്യമെങ്കില്‍ പോലും ഫോബിയ കാരണം ഒഴിവാക്കുന്നവരുണ്ട്.
രാത്രിയില്‍ പുറത്താണെങ്കില്‍ അസ്വസ്ഥതയുണ്ടാകുക, സ്വയം നിയന്ത്രണം നഷ്ടപ്പെടുക എന്നിവ, കറുപ്പ്, ഇരുണ്ട നിറം കാണുമെന്ന ഭയത്താല്‍ വീട് വിട്ട് ഇറങ്ങാതിരിയ്ക്കുക, കണ്ണുകള്‍ അടയ്ക്കുക എന്നതെല്ലാം ഈ ഫോബിയയില്‍ വരുന്നു.
ഇവര്‍ പുറമേയ്ക്ക് കാണിയ്ക്കുന്ന മറ്റ് കാര്യങ്ങള്‍ ഉത്കണ്ഠ, ഏകാഗ്രതക്കുറവ്, ഡിപ്രഷന്‍, മനം പിരട്ടല്‍, വയറിളക്കം, വയറുവേദന, തലവേദന തുടങ്ങിയ പ്രശ്‌നങ്ങളുണ്ടാകാം.
sad man TOI
ഇതിന് പരിഹാരമായി പല ചികിത്സാവിധികളുമുണ്ട്. ഇതിന് സിബിടി അഥവാ കണ്‍ജങ്ടീവ് ബിഹേവിയറല്‍ തെറാപ്പി, സ്‌ട്രെസ് കുറയ്ക്കുക, മരുന്നുകള്‍ എന്നിവ പരിഹാരമായി ഉപയോഗിയ്ക്കാം. നമുക്ക് ഈ ഫോബിയ ഒഴിവാക്കാനായി ചെയ്യാവുന്ന ചില കാര്യങ്ങളുണ്ട്.
കഫീന്‍ ഉപയോഗം കുറയ്ക്കുക, മദ്യപാന, ഡ്രഗ്‌സ് ഉപയോഗമുണ്ടെങ്കില്‍ ഇത് കുറയ്ക്കുകയോ ഉപേക്ഷിയ്ക്കുകയോ ചെയ്യുക, സ്‌ട്രെസ് കുറയ്ക്കാനുള്ള വഴികള്‍ പരീക്ഷിയ്ക്കുക, പുകവലി ഉപേക്ഷിയ്ക്കുക, പ്രിയപ്പെട്ടവര്‍ക്കൊപ്പം സമയം ചെലവഴിയ്ക്കുക എന്നിവ ഇതില്‍ പെടുന്നു. ഇതിനായി പ്രൊഫഷണല്‍ സഹായം തേടാം.
