തടി കുറയ്ക്കാന്‍ ശ്രമിക്കുമ്പോള്‍ നമ്മള്‍ ശ്രദ്ധിക്കേണ്ട കുറച്ച് കാര്യങ്ങളുണ്ട്. ഇവ ശ്രദ്ധിച്ചില്ലെങ്കില്‍ ചിലപ്പോള്‍ നമ്മളുടെ മൊത്തത്തിലുള്ള ആരോഗ്യം നശിച്ചെന്ന് വരാം. അവ ഏതെല്ലാമെന്ന് നോക്കാം.
പട്ടിണി കിടക്കരുത്
തടി കുറയ്ക്കുക എന്നാല്‍ പലരുടേയും അഭിപ്രായത്തില്‍ പട്ടിണികിടക്കുക എന്നതാണ്. എന്നാല്‍, ഇത് തെറ്റായ രീതിയാണ്. നമ്മളുടെ ശരീരം പ്രവര്‍ത്തിക്കണമെങ്കില്‍ അല്ലെങ്കില്‍ നല്ല ആരോഗ്യത്തോടെ ഇരിക്കണമെങ്കില്‍ അതിന് പോഷകങ്ങളും മിനറല്‍സും ആവശ്യമാണ്.
എന്നാല്‍ പട്ടിണികിടന്ന് തടി കുറയ്ക്കാന്‍ ശ്രമിക്കുമ്പോള്‍ ശരീരത്തിന് വേണ്ടത്ര പോഷകങ്ങള്‍ ലഭിക്കാതെ വരുന്നു. നിങ്ങള്‍ പട്ടിണി കിടന്ന് തടി കുറച്ചെന്ന് വരാം. എന്നാല്‍, അനീമിയ, പേശികള്‍ക്ക് ബലക്കുറവ് എന്നിങ്ങനെ പല പ്രശ്‌നങ്ങളും നിങ്ങളെ തേടി എത്തിയെന്ന് വരാം.
അതിനാല്‍, ഒരു ഡയറ്റീഷ്യനെ കണ്ട് നിങ്ങള്‍ക്ക് വേണ്ട പോഷകങ്ങള്‍ ഉള്‍കൊള്ളിച്ചുള്ള ഡയറ്റും വ്യായാമവും തിരഞ്ഞെടുക്കുന്നത് ഹെല്‍ത്തിയായ മാര്‍ഗ്ഗമായിരികും.
വെള്ളം കുടിക്കാതിരിക്കുന്നത്
വെള്ളം നന്നായി കുടിച്ചാല്‍ വയര്‍ ചാടും. പലരും ഇത്തരത്തില്‍ പറഞ്ഞ് കേട്ടിട്ടുണ്ടാകും. വയര്‍ ചാടുമെന്ന പേടി കാരണം പലരും വെള്ളം കുടിക്കാതിരിക്കുന്ന അവസ്ഥയും കാണാം. എന്നാല്‍, നിങ്ങള്‍ നന്നായി വെള്ളം കുടിക്കണം.
നമ്മളുടെ ശരീരത്തില്‍ നിന്നും വിഷമയമായ വസ്തുക്കള്‍ പുറംതള്ളുന്നതിന് വെള്ളം അനിവാര്യമാണ്. നമുക്കറിയാം, നമ്മളുടെ മൂത്രത്തിലൂടേയും വിയര്‍പ്പിലൂടേയുമാണ് ശരീരത്തിലെ ടോക്‌സിന്‍സ് പുറത്തേക്ക് പോകുന്നതെന്ന്.
ശരീരത്തില്‍ നിന്നും വിഷം നീക്കം ചെയ്തില്ലെങ്കില്‍ ഇത് കരളിന്റെ ആരോഗ്യത്തെ കാര്യമായി ബാധിക്കുന്നുണ്ട്. അതുപോലെ, നമ്മളുടെ ശരീരത്തില്‍ നിന്നും കൊഴുപ്പ് നീക്കം ചെയ്യാനും വെള്ളം നന്നായി സഹായിക്കുന്നുണ്ട്. അതിനാല്‍, തടി കുറയ്ക്കാന്‍ ശ്രമിക്കുന്നവര്‍ വെള്ളം ഒരിക്കലും ഒഴിവാക്കരുത്.
അമിതമായ വ്യായാമം
എല്ലാം മിതമായി ചെയ്യുന്നതാണ് നല്ലത്. പ്രത്യേകിച്ച് വ്യായാമം. വ്യായാമം അമിതമായി ചെയ്യുന്നത് പലപ്പോഴും ഹാര്‍ട്ട് അറ്റാക്കിലേയ്ക്ക് നയിക്കുന്നുണ്ട്. അമിതമായി ക്ഷീണം ഉണ്ടാക്കുന്നതിലേയ്ക്കും പേശികള്‍ക്ക് ബലക്ഷയം സംഭവിക്കുന്നതിലേയ്ക്കും ഇത് നയിക്കാം.
അതിനാല്‍, മിതമായ അളവില്‍ വ്യായാമം ചെയ്യുന്നതാണ് എല്ലായ്‌പ്പോഴും നല്ലത്. അതുപോലെ, ആരംഭത്തില്‍ ചെറിയ രീതിയില്‍ വ്യായാമം ചെയ്ത് തുടങ്ങി പതിയെ പതിയെ കൂട്ടി കൂട്ടി വരുന്നത് കൂടുതല്‍ നല്ലതായിരിക്കും.
പ്രോട്ടീന്‍ ഒഴിവാക്കുന്നത്
തടി വെയ്ക്കാന്‍ ശ്രമിക്കുന്നവര്‍ മാത്രമാണ് പ്രോട്ടീന്‍ കഴിക്കേണ്ടത് എന്ന ചിന്ത തെറ്റാണ്. നമ്മളുടെ ശരീര പേശികള്‍ നല്ല ആരോഗ്യത്തോടെ ഇരിക്കണമെങ്കില്‍ പ്രോട്ടീന്‍ അനിവാര്യമാണ്. തടി കുറയ്ക്കാന്‍ ശ്രമിക്കുന്നവര്‍ മിതമായ അളവില്‍ പ്രോട്ടീന്‍ ശരീരത്തിലേയ്ക്ക് എത്തിക്കേണ്ടത് അനിവാര്യം.
എന്നാല്‍ മാത്രമാണ് ശരീരത്തിന് ക്ഷീണം തോന്നാതിരിക്കാനും നല്ല ഉറപ്പുണ്ടാകും ഇത് സഹായിക്കൂ. അതുപോലെ, പേശികള്‍ക്് ബലം കുറഞ്ഞാല്‍ ശരീരഭാരം എല്ലുകളിലേയ്ക്ക് അമിതമായി എത്തുന്നതിനും ശരീരത്തിന്റെ പല ഭാഗത്തും വേദന അനുഭവപ്പെടുന്നതിനും ഇത് കാരണമാണ്.
അമിതമായി ഭാരം കുറയ്ക്കുന്നത്
കുറഞ്ഞ ദിവസം കൊണ്ട് പെട്ടെന്ന് തടി അമിതമായി കുറയ്ക്കാന്‍ ഒരിക്കലും ശ്രമിക്കരുത്. ഇത് നല്ലതല്ല. ഇത് ശരീരം വേഗത്തില്‍ ക്ഷയിപ്പിക്കുന്നതിനും പോഷകക്കുറവ് ഉണ്ടാക്കുന്നതിനും കാരണമാണ്. സാവധാനത്തില്‍ മാസങ്ങളെടുത്ത് തടി കുറയ്ക്കുന്നതാണ് എല്ലായ്‌പ്പോഴും നല്ലത്.
അതുപോലെ, സോഷ്യല്‍ മീഡിയകളില്‍ കാണുന്ന ടിപ്‌സ് പ്രാവര്‍ത്തിക മാക്കും മുന്‍പ് ഒരു ഡോക്ടറുടെ അഭിപ്രായം തേടുന്നത് വളരെ നല്ലതായിരിക്കും.
Disclaimer: മേല്‍ പറഞ്ഞിരിക്കുന്നത് പൊതുവായിട്ടുള്ള അറിവുകളാണ്. കൂടുതല്‍ വിവരങ്ങള്‍ക്ക് ഒരു ഫിറ്റ്‌നസ്സ് ട്രെയ്‌നറെ സമീപിക്കുന്നത് നല്ലതായിരിക്കും.
ഇത്തരത്തില്‍ നല്ല നല്ല ആരോഗ്യ വാര്‍ത്തകള്‍ക്കായി ഇവിടെ ക്ലിക്ക് ചെയ്യൂ
