കെെവശമുള്ള പെട്ടികൾ 32 കിലോയിൽ അധികമാകാൻ പാടില്ല. നിശ്ചിത അളവിലും തൂക്കത്തിലും ആയിരിക്കണം ഇത് ഉണ്ടാകേണ്ടത്. കാർട്ടണുകളാണെങ്കിൽ 76 സെന്റീ മീറ്റർ നീളവും 51 സെന്റീ മീറ്റർ വീതിയും 31 സെന്റീ മീറ്റർ ഉയരവും മാത്രം ആണ് അനുവദിക്കുക. ട്രാവൽ ട്രോളികളും സ്യൂട്ടുകളും ബാഗുകളും ഇതേ അളവ് മാത്രമേ പാടുള്ളു. ടെലിവിഷനുകൾ കൊണ്ട് പോകുന്നവർ 42 ഇഞ്ചിൽ കൂടുതൽ വലുപ്പം പാടില്ല. എന്നാൽ, സാധാരണ ഹാൻഡ് ബാഗേജുകൾക്കും നിശ്ചിത അളവുകളിലുള്ള കാർട്ടണുകൾക്കും കുഴപ്പമില്ല. ചില വിമാന കമ്പനികൾക്ക് പ്രത്യേകം അളവ് തൂക്കങ്ങൾ പറഞ്ഞിട്ടുണ്ട്. അതാണ് അവർ പാലിക്കേണ്ടത്. ഗൾഫ് എയർ പോലെയുള്ള ചില വിമാന കമ്പനികൾ ടിക്കറ്റുകളിൽ 23 കിലോ ഭാരമാണ് പറഞ്ഞിട്ടുള്ളത്. യാത്രക്കാർ അതിൽ കൂടുതൽ തൂക്കം ഒരിക്കലും തയ്യാറാക്കരുതെന്ന് അധികൃതർ മുന്നറിയിപ്പ് നൽകുന്നു.
വളഞ്ഞും, ഉരുണ്ടതും, ഇടിവെട്ട് കളറുകൾ ഉള്ള ടേപ്പുകളൊട്ടിച്ച ബാഗുകൾ കൊണ്ടുപോകാൻ സാധിക്കില്ല. അയഞ്ഞ കയറുകളുപയോഗിച്ച് കെട്ടിയ ബാഗേജുകൾ ഒരിക്കലും അനുവദിക്കില്ല. ബാഗേജ് നിയമങ്ങളൊന്നും പാലിക്കാതെ ബ്ലാങ്കറ്റുകളിലും കംഫർട്ടുകളിലും പല രൂപത്തിലുള്ള കാർട്ടണുകളിലും കൊണ്ടുവരുന്നുണ്ട്. ഇത് ഇനി അനുവദിക്കില്ല. പലപ്പോഴും കൺവെയർ ബെൽറ്റുകളെ ഇത് തകരാറിൽ ആക്കുന്നു. കൺവെയർ ബെൽറ്റുകൾക്കിടയിൽ ലഗേജ് കുടുങ്ങി ബെൽറ്റുകൾ പൊട്ടുന്നുണ്ട്. ഇത് പലപ്പോഴും ബാഗേജ് നീക്കം നിലക്കുന്നതിനും ലേഗേജ് കിട്ടാൻ വെെകുന്നതിനും എല്ലാം കാരണമാകുന്നുണ്ട്.
കഴിഞ്ഞ കുറച്ചു ദിവസങ്ങളായി ഇതുമായി ബന്ധപ്പെട്ട നിർദേശങ്ങൾ ശക്തമാക്കിയിട്ടുണ്ട്. പലരും ഇതൊന്നും അറിയാതെയാണ് ദമാം വിമാനത്താവളത്തിൽ എത്തുന്നത്. നിർദ്ദേശങ്ങൾക്ക് അനുസരിച്ച് അല്ലാത്ത രൂപത്തിൽ ആണ് പെട്ടികൾ കെട്ടിയിരിക്കുന്നതെങ്കിൽ അതെല്ലാം തിരിച്ചയക്കുകയാണ് ചെയ്യുന്നത്. ഇവിടെയുള്ള നിയമങ്ങൾ അനുസരിച്ച് ലഗേജുകൾ പാക് ചെയ്താൽ മാത്രമേ പോകാൻ സാധിക്കുകയുള്ളു. അതിന്റെ ഭാഗമായി 50 റിയാൽ നിരക്കിൽ വിമാനത്താവളത്തിൽ സംവിധാനം ഏർപ്പെടുത്തിയിട്ടുണ്ട്. ലഗേജുകൾ കെട്ടുന്നതും അതിന്റെ നിയന്ത്രണങ്ങളും സംബന്ധിച്ച് ട്രാവൽ എജൻസികളും വിമാനക്കമ്പനികളും യാത്രക്കാർക്ക് വിവരണം നൽകി വരുന്നുണ്ട്.
Read Latest Gulf News and Malayalam News
ചെക്ഡാം പൊളിച്ച്മാറ്റി നാട്ടുകാർ
