ഇത്തരത്തില്‍ ദാമ്പത്യത്തെ പിടിച്ചുകുലുക്കാന്‍ പാകത്തിന് ശേഷിയുള്ള 5 പ്രശ്‌നങ്ങളാണ് പരിചയപ്പെടുത്തുന്നത്.
ലൈംഗികബന്ധത്തിനെ സമീപിക്കുന്ന രീതി
ഒരു ദാമ്പത്യത്തില്‍ ഒത്തൊരുമ പോലെ തന്നെ പ്രധാനപ്പെട്ടതാണ് ശാരീരിക ബന്ധവും. ശാരീരിക ബന്ധത്തിനിടയില്‍ ഉണ്ടാകുന്ന പ്രശ്‌നങ്ങള്‍ വിയോചിപ്പിക്കുളെല്ലാം തന്നെ ദാമ്പത്യത്തെ കാര്യമായി ബാധിക്കുന്നുണ്ട്.
രണ്ട് വ്യക്തിയകള്‍്കിടയില്‍ ശാരീരിക ബന്ധം നടക്കുമ്പോള്‍ രണ്ടുപേരുടേയും താല്‍പര്യങ്ങള്‍ മനസ്സിലാക്കി സമീപിക്കുന്നതാണ് നല്ലത്. എന്നാല്‍, പലപ്പോഴും പല ബന്ധത്തിലും ഇത്തരം സമീപനം ഉണ്ടാകാറില്ല. ഇത് മറ്റേ ആളില്‍ ചടപ്പ് സൃഷ്ടിക്കുകയും, ശാരീരിക ബന്ധത്തിനോട് മൊത്തത്തില്‍ വെറുപ്പ് ഉടലെടുക്കുകയും ചെയ്യും. ഇത് കുട്ടികള്‍ ഉണ്ടാകാത്ത പ്രശ്‌നത്തിലേയ്ക്ക് വരെ നയിച്ചെന്ന് വരാം.
അതിനാല്‍, പങ്കാളിയുടെ താല്‍പര്യവും ആഗ്രഹവും അറിഞ്ഞ് അതിനനനുസരിച്ച് ബന്ധപ്പെടുന്നതാണ് ഏറ്റവും നല്ലത്. ഇത് ഒരു പരിധിവരെ ദാമ്പത്യത്തെ നല്ലരീതിയില്‍ മുന്നോട്ട് നയിക്കാന്‍ സഹായിക്കും.
അവരെ അവരായി അംഗീകരിക്കുക
നിങ്ങളുടെ ജീവിത പങ്കാളി എങ്ങിനെയാണോ അതേരീതിയില്‍ അവരെ അംഗീകരിക്കാന്‍ പഠിക്കുക. എന്നാല്‍, പല ദാമ്പത്യത്തിലും ഇത് നടക്കാറില്ല. അവരവരുടെ ഇഷ്ടത്തിനും താല്‍പര്യത്തിനും അനുസരിച്ച് പങ്കാളിയെ മാറ്റി എടുക്കാനാണ് ഇവര്‍ ശ്രമിക്കാറുള്ളത്. ഇത് പങ്കാളിയില്‍ ചടപ്പും വെറുപ്പും താല്‍പര്യക്കുറവും സൃഷ്ടിക്കാന്‍ സാധ്യത കൂടുതലാണ്.
അതിനാല്‍, അവരെ അവരായി അംഗീകരിക്കാന്‍ പഠിക്കുക. ഇത് നല്ല ദാമ്പത്യം ഉണ്ടാക്കി എടുക്കാന്‍ നല്ലതാണ്. അവരെ അവരായി അംഗീകരിക്കുന്നത് അവരില്‍ വിശഅവാസവും സ്‌നേഹവും കൂട്ടുന്ന വസ്തുതയാണ്.
വിശ്വാസങ്ങളിലെ വ്യത്യാസം
ദാമ്പത്യം എന്നത് രണ്ട് വ്യക്തികള്‍ തമ്മിലുള്ള കൂടിച്ചേരലാണ്. ഇവര്‍ വ്യത്യസ്ത കുടുംബാന്തരീക്ഷത്തില്‍ നിന്നും വന്നവരായിരിക്കും. അതുപോലെ, സ്ഥലങ്ങളും വ്യത്യസ്തമായിരിക്കും. അതിനാല്‍, അവരുടെ ചിന്താഗതിയിലും വശ്വാസത്തിലും വ്യത്യാസം കാണാന്‍ സാധിക്കും.
ഞാന്‍ പറയുന്നത് ശരി, ഞാനാണ് ശരി എന്ന് ഇത്തരം അവസ്ഥയില്‍ ഒരിക്കലും വാശിപിടിക്കാന്‍ പാടില്ല. ഇത് കൂടുതല്‍ പ്രശ്‌നങ്ങള്‍ ഉണ്ടാക്കുകയാണ് ചെയ്യുന്നത്. അതിനാല്‍ ഇത്തരം പ്രശ്‌നങ്ങള്‍ ഇല്ലാതാക്കാന്‍ പരസ്പരം ഒരു ധാരണയില്‍ മുന്നോട്ട് പോവുക എന്നതാണ് പരിഹാരം.
സ്വാര്‍ത്ഥത
ദാമ്പത്യത്തില്‍ സ്വാര്‍ത്ഥത വരുന്നത് നല്ലതല്ല. സ്വാര്‍ത്ഥ താല്‍പര്യങ്ങള്‍ക്ക് വേണ്ടി വഴക്കിടുന്നതും ബഹളം വെക്കുന്നതും നല്ലതല്ല. ഇത് ദാമ്പത്യത്തില്‍ പല പ്രശ്‌നങ്ങളും ഉണ്ടാക്കും. തന്റെ വീട്, തന്റെ കാര്യം എന്നീ ചിന്ത മാറ്റിടെയുക്കണം. പങ്കാളിയുടെ താല്‍പര്യങ്ങളും മാനിക്കണം. അവരേയും ഒപ്പം കൂട്ടണം. ഇത് ദാമ്പത്യത്തിലെ പ്രശ്‌നങ്ങള്‍ കുറയ്ക്കാന്‍ സഹായിക്കും.
മാനസിക സമ്മര്‍ദ്ദവും അസൂയയും
പങ്കാളിയുടെ മേലുള്ള അയൂയ അതുപോലെ, പങ്കാളി മറ്റുള്ളവരോട് കൂടുതല്‍ അടുപ്പം കാണിക്കുന്നതും മറ്റും പ്രശ്‌നമാക്കുന്നതും അമിതമായിട്ടുള്ള ആകാഷയുമെല്ലാം ദാമ്പത്യത്തില്‍ വിള്ളലുകള്‍ ഉണ്ടാക്കുന്ന കാര്യങ്ങളാണ്. പ്രത്യേകിച്ച് ഭര്‍ത്താവിന് അല്ലെങ്കില്‍ ഭാര്യയുടെ നേരെ ഉയര്‍ത്തുന്ന സംശയ രോഗങ്ങള്‍ ദാമ്പത്യത്തെ കാര്യമായി ബാധിക്കുന്നുണ്ട്.
