Sumayya P | Samayam Malayalam | Updated: 21 Feb 2023, 2:00 pm
അധ്യാപകരുടെ പേര് വിവരങ്ങളടങ്ങിയ പട്ടിക പൊതുവിദ്യാഭ്യാസ മന്ത്രാലയത്തിലെ അഡ്മിനിസ്‌ട്രേറ്റീവ് വിഭാഗത്തിന് നല്‍കിയിട്ടുണ്ടെന്ന് വിദ്യാഭ്യാസ വൃത്തങ്ങളെ ഉദ്ധരിച്ച് പത്രം റിപ്പോര്‍ട്ട് ചെയ്തു.
ഇതുമായി ബന്ധപ്പെട്ട് പിരിച്ചുവിടുന്നതിനുള്ള മുമ്പുള്ള നടപടിക്രമങ്ങള്‍ ആലോചിക്കുന്നതിനായി മന്ത്രാലയത്തിലെ ഉദ്യോഗസ്ഥരും ബന്ധപ്പെട്ട മേഖലാ ഓഫീസുകളിലെ ഉദ്യോഗസ്ഥരും തമ്മിലുള്ള യോഗം അടുത്ത ദിവസം നടക്കും. മൂന്ന് വര്‍ഷം മുമ്പ് ആരംഭിച്ച നടപടിക്രമങ്ങളുടെ ഭാഗമായാണ് പുതിയ പിരിച്ചുവിടല്‍. കുവൈറ്റിലെ അക്കാദമിക കലണ്ടര്‍ അനുസരിച്ച് വേനല്‍ അവധിക്കാല ശമ്പളത്തിന് അര്‍ഹതയുള്ളതിനാല്‍ ആഗസ്റ്റോടെ പ്രവാസി അധ്യാപകരുടെ സേവനം അവസാനിപ്പിക്കാനാണ് തീരുമാനമെന്നും പത്രം അറിയിച്ചു. സ്വദേശി അധ്യാപകര്‍ ലഭ്യമായ മേഖലകളില്‍ പ്രവാസി അധ്യാപകരെ പിരിച്ചുവിടുന്നത് സംബന്ധിച്ച് വിദ്യാഭ്യാസ, ഉന്നത വിദ്യാഭ്യാസ, ശാസ്ത്ര ഗവേഷണ മന്ത്രി ഡോ. ഹമദ് അല്‍ അദ് വാനി നല്‍കിയ നിര്‍ദ്ദേശത്തിന്റെ അടിസ്ഥാനത്തിലാണ് നടപടിയെന്ന് മന്ത്രാലയം അധികൃതര്‍ അറിയിച്ചു. വിദ്യാഭ്യാസ മന്ത്രാലയം അതിന്റെ വെബ്സൈറ്റ് വഴി സ്വദേശികളില്‍ നിന്ന് പുതിയ അധ്യാപകര്‍ക്കുള്ള അപേക്ഷകള്‍ നേരത്തേ സ്വീകരിച്ചിരുന്നു.
Also Read: ലോകത്തെ ഏറ്റവും റൊമാന്റിക് നഗരം; പാരിസിനെ പിന്തള്ളി ഒന്നാമത് എത്തി ഒരു അറബ് രാജ്യം
അതിനിടെ, വിദ്യാഭ്യാസ മന്ത്രാലയത്തിന്റെ കീഴിലുള്ള സ്ഥാപനങ്ങളിലെ ഇന്‍ഫര്‍മേഷന്‍ ടെക്നോളജി, സയന്‍സ്, ടെക്നോളജി ജോലികളില്‍ 100 ശതമാനം സ്വദേശിവല്‍ക്കരണ നിരക്ക് പൂര്‍ത്തിയാക്കിയതായി അധികൃതര്‍ അറിയിച്ചു. ഇതിന്റെ ഭാഗമായി 2017 ജനുവരി 1 മുതല്‍ എല്ലാ തൊഴില്‍ വിഭാഗങ്ങളിലുമായി 2,048 പ്രവാസി ജീവനക്കാരെ പിരിച്ചുവിട്ടിട്ടുണ്ടെന്നും മന്ത്രാലയം അധികൃതര്‍ വ്യക്തമാക്കി.
നടി സംയുക്തയ്ക്കെതിരെ ഷൈൻ ടോം ചാക്കോ | Shine Tom Chacko | Samyuktha |
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
