തീര്‍ഥാടകര്‍ക്ക് സേവനങ്ങള്‍ നല്‍കുന്നതിനും ഭാവി പദ്ധതികള്‍ ആവിഷ്‌കരിക്കുന്നതിനുമായി ഇരു ഹറം കാര്യങ്ങളുടെ ജനറല്‍ പ്രസിഡന്‍സിയുമായി അഫിലിയേറ്റ് ചെയ്ത സ്റ്റാറ്റിസ്റ്റിക്സ് ആന്‍ഡ് ഇന്‍ഫര്‍മേഷന്‍ സെന്ററാണ് സര്‍വേകള്‍ക്ക് നേതൃത്വം നല്‍കുന്നതെന്ന് സൗദി വാര്‍ത്താ ഏജന്‍സി റിപ്പോര്‍ട്ട് ചെയ്തു. ഉംറയുടെ പ്രധാന ചടങ്ങുകളിലൊന്ന് വിശുദ്ധ കഅബയെ ഏഴ് തവണ പ്രദക്ഷിണം വയ്ക്കലാണ്. ത്വവാഫ് എന്നു വിളിക്കപ്പെടുന്ന ഈ പ്രദക്ഷിണം പൂര്‍ത്തിയാക്കാന്‍ ശരാശരി എത്ര സമയം എടുക്കുന്നുണ്ടെന്ന കാര്യം സര്‍വേയില്‍ രേഖപ്പെടുത്തുന്നുണ്ട്.
ത്വവാഫിന്റെയും സഅ്‌യിന്റെയും ഇടയില്‍ ആവശ്യമായി വരുന്ന സമയം, രണ്ട് ചടങ്ങുകളിലും വീല്‍ ചെയറുകള്‍, കാര്‍ട്ടുകള്‍ തുടങ്ങിയവ ഉപയോഗിക്കുന്നവരുടെ എണ്ണം തുടങ്ങിയ കാര്യങ്ങളും സര്‍വേയില്‍ രേഖപ്പെടുത്തുന്നതായി അധികൃതര്‍ അറിയിച്ചു. മക്കയിലെ മസ്ജിദുല്‍ ഹറാമിലെയും പരിസരങ്ങളിലെയും തീര്‍ഥാടനവുമായി ബന്ധപ്പെട്ട സംവിധാനങ്ങളും സൗകര്യങ്ങളും വികസിപ്പിക്കുക എന്ന ലക്ഷ്യത്തോടെയാണ് സര്‍വേയെന്ന് സ്റ്റാറ്റിസ്റ്റിക്സ് ആന്‍ഡ് ഇന്‍ഫര്‍മേഷന്‍ സെന്ററിന്റെ തലവന്‍ മുഹമ്മദ് ബിന്‍ സാദ് അറിയിച്ചു.
വിശുദ്ധ മാസമായ റമദാനിന് മുന്നോടിയായാണ് സര്‍വേകള്‍ നടത്തിയത്. ഏറ്റവും കൂടുതല്‍ ഉംറ തീര്‍ഥാടര്‍ എത്തുന്ന മാസം എന്ന നിലയില്‍ റമദാനു മുന്നോടിയായി തീര്‍ഥാടനം കൂടുതല്‍ സുഗമമാക്കുന്നതിന് ആവശ്യമായ ക്രമീകരണങ്ങള്‍ വരുത്തുമെന്നും അധികൃതര്‍ അറിയിച്ചു. അടുത്ത മാസം അവസാനത്തോടെയാണ് ഈ വര്‍ഷം റമദാന്‍ ആരംഭിക്കുക. കോവിഡ് നിയന്ത്രണങ്ങള്‍ പൂര്‍ണമായി ഒഴിവാക്കിയ ശേഷമുള്ള റമദാന്‍ എന്ന നിലയില്‍ ഇത്തവണ റെക്കോഡ് ഉംറ തീര്‍ഥാടകരെയാണ് അധികൃതര്‍ പ്രതീക്ഷിക്കുന്നത്. ഇവര്‍ക്കെല്ലാം സൗകര്യപൂര്‍വം ഉംറ നിര്‍വഹിക്കാനുള്ള സംവിധാനങ്ങള്‍ സര്‍വേയില്‍ നിന്ന് ലഭിക്കുന്ന വിവരങ്ങളുടെ അടിസ്ഥാനത്തില്‍ നടപ്പില്‍ വരുത്തുമെന്നും അദ്ദേഹം അറിയിച്ചു.
Also Read: എമിറേറ്റ്‌സ് ഐഡി നഷ്ടമായാല്‍ 24 മണിക്കൂറിനകം പുതിയത് സ്വന്തമാക്കാം; നിങ്ങള്‍ ചെയ്യേണ്ടത്
ഉംറ നിര്‍വഹിക്കാന്‍ രാജ്യത്തെത്തുന്ന തീര്‍ഥാടകര്‍ക്കായി സൗദി അറേബ്യ കഴിഞ്ഞ മാസങ്ങളില്‍ നിരവധി സൗകര്യങ്ങള്‍ പുതുതായി ഒരുക്കിയിരുന്നു. സാങ്കേതിക വിദ്യയുടെ സഹായത്തോടെയുള്ള നിരവധി സൗകര്യങ്ങളാണ് ഇവിടെ പുതുതായി സജ്ജമാക്കിയിരിക്കുന്നത്. അതോടൊപ്പം പേഴ്‌സണല്‍, വിസിറ്റ്, ടൂറിസം വിസകളില്‍ രാജ്യത്തെത്തുന്നവര്‍ക്ക് ഉംറ നിര്‍വഹിക്കാനും മദീനയിലെ പ്രവാചകന്റെ മസ്ജിദില്‍ സ്ഥിതി ചെയ്യുന്ന റൗദാ ശരീഫ് സന്ദര്‍ശിക്കാനും അടുത്തിടെയായി അനുവാദം നല്‍കിയിരുന്നു. അതോടൊപ്പം ഉംറ വിസയുടെ കാലാവധി 30 ദിവസത്തില്‍ നിന്ന് 90 ദിവസമായി നീട്ടുകയും കര, വ്യോമ, കടല്‍ വഴികളിലൂടെ രാജ്യത്തേക്ക് പ്രവേശിക്കാന്‍ സന്ദര്‍ശകര്‍ക്ക് അനുമതി നല്‍കുകയും ചെയ്തു. അതോടൊപ്പം കൂടുതല്‍ പേരെ ഉംറ തീര്‍ഥാടനത്തിലേക്ക് ആകര്‍ഷിക്കുന്നതിനായി സൗദി അറേബ്യന്‍ പൗരന്മാര്‍ക്ക് വിദേശത്തുള്ള സുഹൃത്തുക്കളെ രാജ്യം സന്ദര്‍ശിക്കാനും ഉംറ നിര്‍വഹിക്കാനും ക്ഷണിക്കാമെന്ന് അധികൃതര്‍ അറിയിച്ചിരുന്നു. ഇതിനെല്ലാം പുറമെ, കഴിഞ്ഞ മാസം അവസാനം, ഒരു സ്റ്റോപ്പ് ഓവര്‍ ട്രാന്‍സിറ്റ് വിസ സൗദി അറേബ്യ ആരംഭിച്ചിരുന്നു.
Read Latest Gulf News and Malayalam News
കണ്ണടയുടെ രഹസ്യം തേടി സോഷ്യൽ മീഡിയ | leo | vijay sethupathi |
