Sumayya P | Samayam Malayalam | Updated: 2 Mar 2023, 2:54 pm
ഏകദൈവ വിശ്വാസം, നീതി, ശക്തി, പുരോഗതി, സമൃദ്ധി എന്നിവയെ സൂചിപ്പിക്കുന്ന മഹത്തായ ആശയങ്ങളുടെ പ്രതീകമാണ് രാജ്യത്തിന്റെ പതാക.
Also Read: നിയമങ്ങള്‍ ലംഘിച്ചു, തൊഴിലാളികളുടെ പരാതികള്‍ കേട്ടില്ല; 23 റിക്രൂട്ട്‌മെന്റെ ഓഫീസുകള്‍ അടച്ചുപൂട്ടി
മൂന്നു നൂറ്റാണ്ടുകളായി രാജ്യത്തെ ഒരുമിപ്പിച്ചുനിര്‍ത്താനുള്ള എല്ലാ നീക്കങ്ങള്‍ക്കും സൗദി പതാക സാക്ഷ്യം വഹിച്ചു. രാജ്യത്തെ പൗരന്മാര്‍ അഭിമാനമായി ഉയര്‍ത്തിപ്പിടിക്കുന്ന ഈ പതാക രാഷ്ട്രത്തിന്റെയും അതിന്റെ ശക്തിയുടെയും പരമാധികാരത്തിന്റെയും ഐക്യത്തിന്റെയും പ്രകടനമാണെന്നും വിജ്ഞാപനത്തില്‍ സൗദി രാജാവ് വ്യക്തമാക്കി. ഹിജ്റ 1139ല്‍ സൗദി സ്ഥാപിതമായതു മുതല്‍ രാജ്യത്തിന്റെ ചരിത്രത്തിലുടനീളം വ്യാപിച്ചുകിടക്കുന്ന ദേശീയ പതാകയുടെ മൂല്യത്തില്‍ നിന്നാണ് ഇങ്ങിനെയൊരു ദിവസം സമര്‍പ്പിക്കുന്നതെന്നും അദ്ദേഹം കൂട്ടിച്ചേര്‍ത്തു. രാജ്യത്തിന്റെ ഭരണത്തിന്റെ അടിസ്ഥാന നിയമവും പതാക നിയമവും അവലോകനം ചെയ്ത ശേഷമാണ് തീരുമാനമെടുത്തതെന്നും രാജാവ് പറഞ്ഞു.
സൗദിയുടെ അഭിമാനകരമായ പൈതൃകവും സംസ്‌കാരവും ചരിത്രവും പുതുതലമുറകളിലേക്ക് കൈമാറ്റം ചെയ്യാന്‍ ലക്ഷ്യമിട്ട് ഫെബ്രുവരി 22ന് സ്ഥാപക ദിനമായി വിപുലമായ പരിപാടികളോടെ ആഘോിച്ചിരുന്നു. കഴിഞ്ഞ വര്‍ഷമാണ് സൗദി ആദ്യമായി സ്ഥാപക ദിനം ആഘോഷിച്ചു തുടങ്ങിയത്. സെപ്റ്റംബര്‍ 23ന് നടക്കുന്ന ദേശീയ ദിനം പോലെ തന്നെ സൗദിയില്‍ വലിയ ആഘോഷമായി സ്ഥാപക ദിനവും മാറിയിരുന്നു. ഒരാഴ്ചയിലേറെ നീണ്ടു നില്‍ക്കുന്ന പരിപാടികളാണ് ഇതിന്റെ ഭാഗമായി സൗദിയുടെ വിവിധ ഭാഗങ്ങളില്‍ അരങ്ങേറിയത്. അവയ്‌ക്കൊപ്പം മറ്റൊരു ആഘോഷ ദിനം കൂടി വന്നുചേര്‍ന്നിരിക്കുകയാണ് മാര്‍ച്ച് 11ലെ പതാക ദിനത്തോടെ.
Read Latest Gulf News and Malayalam News
പുത്തൻ വിശേഷങ്ങൾ പറഞ്ഞ് പ്രിയ താരങ്ങൾ | Ponniyin Selvan 2 | video |
