മഹാരാഷ്ട്രയിലെ പൂനെ ജില്ലയിൽ ഉൾപ്പെടുന്ന നിയമസഭാ മണ്ഡലമാണ് കസബപേട്ട്. 1995 മുതൽ 2019 വരെ ബിജെപിയുടെ ഗിരിഷ് ബപത് ആയിരുന്നു മണ്ഡലത്തെ പ്രതിനിധീകരിച്ചിരുന്നത്. 2019 ലാണ് മുൻ പൂനെ മേയർ കൂടിയായ മുക്ത തിലക് കസബപേട്ട് എംഎൽഎയായത്. അർബുദ രോഗത്തെ തുടർന്ന് 2022 ഡിസംബർ 22 നാണ് മുക്തയുടെ അന്ത്യം. തുടർന്നു നടന്ന ഉപതെരഞ്ഞെടുപ്പിലാണ് ബിജെപിക്ക് കനത്ത തിരിച്ചടി ഉണ്ടായത്. കോൺഗ്രസിൻ്റെ രവീന്ദ്ര ധൻകേക്കർ 73194 വോട്ട് നേടിയപ്പോൾ ബിജെപിയുടെ ഹേമന്ത് റസാനെ 62244 വോട്ടിൽ ഒതുങ്ങി.
ഇതു ചരിത്രം; നാഗാലാന്‍ഡ് നിയമസഭയിലെ ആദ്യ വനിതയായി ഹെകാനി ജെഖാലു
അതേസമയം ഉപതെഞ്ഞെടുപ്പ് നടന്ന പൂനെ ജില്ലയിലെ മറ്റൊരു നിയമസഭാ മണ്ഡലമായ ചിഞ്ച്വാദിൽ ബിജെപി വിജയം ഉറപ്പിച്ചു. ബിജെപിയുടെ സിറ്റിങ് സീറ്റിൽ അശ്വിനി ലക്ഷമൺ ആണ് വിജയിച്ചത്. എൻസിപിയുടെ നാനാ കതെയാണ് രണ്ടാമതെത്തിയത്. അശ്വിനി ലക്ഷമൺ 42510 വോട്ടും നാനാ കതെ 34338 വോട്ടുമാണ് നേടിയത്. 4000 ത്തിലധികം വോട്ടുകളുടെ ഭൂരിപക്ഷത്തിലാണ് അശ്വിനി ലക്ഷമണിൻ്റെ വിജയം.
നിയമസഭാ ഉപതെരഞ്ഞെടുപ്പ് ഫലം
1. അരുണാചൽ പ്രദേശിലെ ലുംല സീറ്റ് ബിജെപി നിലനിർത്തി. ബിജെപിയുടെ സീറ്റിങ് സീറ്റിൽ ടിസെറിങ് ലാമുവാണ് ജയിച്ചത്. അന്തരിച്ച എംഎൽഎയുടെ ഭാര്യയാണ് ടിസെറിങ് ലാമു.
2. ജാർഖണ്ഡിലെ രാംഗഡ് സീറ്റിൽ എജെഎസ്‌യു സ്ഥാനാർഥി സുനിത ചൗധരിക്കാണ് ആണ് വിജയം. ബിജെപിയുടെ പിന്തുണയോടെയാണ് എജെഎസ്‌യു മത്സരരംഗത്തിറങ്ങിയത്. കോൺഗ്രസ് സ്ഥാനാർഥി ബജ്രങ് മഹ്തോ ആണ് രണ്ടാമത്.
Tripura Election Results 2023:ത്രിപുരയിൽ തുടർഭരണം ഉറപ്പിച്ച് ബിജെപി; നേട്ടവുമായി തിപ്ര മോത; ശക്തമായ പോരാട്ടം നടത്തി ഇടത് സഖ്യം3. തമിഴ്നാട്ടിലെ ഈറോഡ് ഈസ്റ്റ് നിയമസഭാ മണ്ഡലത്തിൽ കോൺഗ്രസിൻ്റെ ഇ വി കെ എസ് ഇളങ്കോവൻ വിജയം ഉറപ്പിച്ചു. 46072 വോട്ട് നേടിയാണ് ഇളങ്കോവൻ്റെ വിജയം. കോൺഗ്രസ് അംഗമായ ഇ തിരുമകൻ എംഎൽഎയുടെ മരണത്തെ തുടർന്നാണ് ഉപതിരഞ്ഞെടുപ്പ് നടന്നത്. തിരുമകന്റെ പിതാവ് ആണ് ഇ വി കെ എസ് ഇളങ്കോവൻ. എഐഡിഎംകെയുടെ കെ എസ് തെന്നരസും ഇളങ്കോവനും തമ്മിലായിരുന്നു മത്സരം.
Chief Election Commissioner:തെരഞ്ഞെടുപ്പ് കമ്മിഷന്‍ സ്വതന്ത്രമാണെന്ന് അവകാശപ്പെട്ടാല്‍ പോര, യഥാര്‍ഥത്തില്‍ സ്വതന്ത്രമായിരിക്കണം: സുപ്രിംകോടതി4. പശ്ചിമ ബംഗാളിലെ സാഗർദിഗി സീറ്റിൽ കോൺഗ്രസിൻ്റെ ബയ്റോൺ ബിശ്വാസ് വിജയം ഉറപ്പിച്ചു. തൃണമൂൽ കോൺഗ്രസിൻ്റെ ദേബാശിഷ് ബാനർജിയും ബയ്റോണും തമ്മിലായിരുന്നു പ്രധാന മത്സരം. ബയ്റോൺ 85381 വോട്ടു നേടിയപ്പോൾ ദേബാശിഷിന് 62953 വോട്ടാണ് പിടിക്കാനായത്. തൃണമൂൽ കോൺഗ്രസ് എംഎൽഎയായ സുബ്രത സാഹയുടെ മരണത്തെ തുടർന്നാണ് മണ്ഡലത്തിൽ ഉപതെരഞ്ഞെടുപ്പ് നടന്നത്.
Read Latest National News and Malayalam News
കിളിമാനൂരിൽ അച്ഛനെ കൊലപ്പെടുത്തി മകൻ
