സ്ത്രീകള്‍ തടി വെക്കുന്നതിന് പിന്നില്‍ കാരണങ്ങള്‍ പലതാണ്. ഇത്തരത്തില്‍ സ്ത്രീകളെ തടിപ്പിക്കുന്ന ആരോഗ്യ പ്രശ്‌നങ്ങളും വസ്തുതകളും എന്തെല്ലാമെന്ന് നോക്കാം.
മാനസിക സമ്മര്‍ദ്ദം
വിവാഹത്തിന് ശേഷം പലപ്പോഴും സ്ത്രീകളില്‍ മാനസിക സമ്മര്‍ദ്ദം അമിതമായി വര്‍ദ്ധിക്കുന്നത് കാണാം. ചിലര്‍ക്ക് ബാധ്യതകള്‍ കൂടുമ്പോള്‍ അത് എങ്ങിനെ കൈകാര്യം ചെയ്യണം എന്നറിയാത്ത പ്രശ്‌നം മാനസിക സമ്മര്‍ദ്ദത്തിലേയ്ക്ക് നയിക്കുന്നുണ്ട്.
കുട്ടികള്‍ ഉണ്ടെങ്കില്‍ അവരെ നോക്കുന്നതും ജോലി ഒപ്പം കൊണ്ടുപോകുന്നതുമെല്ലാം തന്നെ സ്ത്രീകളെ കൂടുതല്‍ സമ്മര്‍ദ്ദത്തിലാക്കുന്നുണ്ട്. അതുപോലെ, എല്ലായ്‌പ്പോഴും തനിക്കുനേരെ കുറ്റം കേള്‍ക്കേണ്ടി വരുന്നതും സ്ത്രീകളെ അമിതമായി മാനസിക സമ്മര്‍ദ്ദത്തില്‍ ആക്കുന്നുണ്ട്.
തുടക്കത്തില്‍ തന്നെ കണ്ടെത്തി ചികിത്സിക്കേണ്ട ഒരു കണ്ടീഷനാണ് മാനസിക സമ്മര്‍ദ്ദം. ഇത് കൃത്യമായി ചികിത്സിച്ചില്ലെങ്കില്‍ പല രീതിയിലുള്ള ശാരീരിക ബുദ്ധിമുട്ടുകള്‍ അനുഭവിക്കും. അതില്‍ പ്രധാനപ്പെട്ടതാണ് അമിതമായിട്ടുള്ള വണ്ണം.
ഹൈപ്പര്‍തൈറോയ്ഡിസം
എല്ലാവര്‍ക്കും തൈറോയ്ഡ് ഗ്രന്ഥികളുണ്ട്. ഈ തൈറോയ്ഡ് ഗ്രന്ഥികള്‍ കൃത്യമായി പ്രവര്‍ത്തിക്കാതെ വരുമ്പോഴാണ് തൈറോയ്ഡ് ഹോര്‍മോണിന്റെ ഉല്‍പാദനവും കുറയുന്നു. ഇത് ശരീരത്തിലെ മെറ്റബോളിസം കൃത്യമായി പ്രവര്‍ത്തിക്കാതിരിക്കുന്നതിന് കാരണമാകുന്നുണ്ട്.
നമ്മളുടെ ശരീരത്തിലെ മെറ്റബോളിസത്തിന്റെ അളവ് നിയന്ത്രിക്കുന്നത് തൈറോയ്ഡ് ഗ്രന്ഥികളാണ്. ശരീരത്തില്‍ കുറഞ്ഞ അളവില്‍ ഹോര്‍മോണ്‍ ഉല്‍പാദനം നടക്കുമ്പോള്‍ ഇത് അമിതവണ്ണത്തിന് കാരണമാകുന്നു.
ഇന്ന് ഹൈപ്പോതൈറോയ്ഡിസം അമിതമായി കണ്ടുവരുന്നത് സ്ത്രീകളിലാണ്.അതിനാല്‍ തന്നെ, സ്ത്രീകളില്‍ അമിതവണ്ണവും കണ്ടുവരുന്നു.
കോര്‍ട്ടിസോള്‍ ഹോര്‍മോണ്‍
ആഡ്രിനല്‍ ഗ്രന്ഥികള്‍ അമിതമായി കോര്‍ട്ടിസോള്‍ ഹോര്‍മോണ്‍ ഉല്‍പാദിപ്പിക്കുന്നത് എന്‍ഡോക്രൈന്‍ സിസ്റ്റം തകിടം മറിക്കുന്നു. ഇത്തരത്തില്‍ സ്ഥിരമായി കോര്‍ട്ടിസോള്‍ ഹോര്‍മോണ്‍ അമിതമായി ഉല്‍പാദിപ്പിക്കപ്പെട്ടാല്‍ ഇത് അമിതവണ്ണത്തിലേയ്ക്ക് നയിക്കുന്നുണ്ട്എന്ന് പറയാം.
സിന്‍ഡ്രോം എക്‌സ്
സിന്‍ഡ്രോം എക്‌സ് എന്നത് പൊതുവില്‍ ഇന്‍സുലിന്‍ റെസിസ്റ്റന്‍സ് അല്ലെങ്കില്‍ ഹൈപ്പര്‍ഇന്‍സുലിനീമിയ എന്നാണ് അറിയപ്പെടുന്നത്. ഇന്‍സുലിന്‍ റെസിസ്റ്റന്‍സ് വരുന്നവരില്‍ ശരീരഭാരം കൂടാനുള്ള സാധ്യതയും കൂടുതലാണ്. ഇത് പലതരത്തിലുള്ള ആരോഗ്യ പ്രശ്‌നത്തിലേയ്ക്കും നയിക്കുന്നുണ്ട്.
നിങ്ങളുടെ ശരീരത്തില്‍ ഇന്‍സുലിന്‍ റെസിസ്റ്റന്‍സ് വന്നാല്‍, ഇത് മെറ്റബോളിസത്തെ നിയന്ത്രിക്കുന്നതിന് കാരണമാകുന്നു. ഇത് അമിതവണ്ണത്തിലേയ്ക്ക് നയിക്കുകയും ചെയ്യുന്നു.
പരിഹാരം
നിങ്ങള്‍ വിവാഹശേഷം വണ്ണം വെക്കുന്നുണ്ടെങ്കില്‍ ഇതിന്റെ കാരണം എന്താണെന്ന് കൃത്യമായി കണ്ടെത്തണം. അതിനുശേഷം ഡോക്ടറുടെ നിര്‍ദ്ദേശപ്രകാരം കൃത്യമായി മരുന്ന് എടുക്കേണ്ടതും അനിവാര്യമാണ്.
നിങ്ങള്‍ക്ക് തൈറോയ്ഡ് പ്രശ്‌നമാണ് ഉള്ളതെങ്കില്‍ തീര്‍ച്ചയായും മരുന്നിന്റെ ഒപ്പം തന്നെ നല്ല ഹെല്‍ത്തി ഡയറ്റും അതുപോലെ, വ്യായാമവും ചെയ്യേണ്ടത് അനിവാര്യമാണ്. എന്നാല്‍ മാത്രമാണ് നിങ്ങള്‍ക്ക് നിങ്ങളുടെ മെറ്റബോളിസം ലെവല്‍ നിയന്ത്രിച്ച് നിലനിര്‍ത്താന്‍ സാധിക്കൂ.
അതുപോലെ, ഇന്‍സുലിന്‍ റെസിസ്റ്റന്‍സ് കുറയ്ക്കുന്നതിനും ഹോര്‍മോണ്‍ ബാലന്‍സ് ചെയ്ത് നിലനിര്‍ത്തുന്നതിനും വ്യായാമവും ഡയറ്റും സഹായിക്കുന്നുണ്ട്.
