കൊച്ചി : ഒറ്റപ്പെടൽ എത്രത്തോളം കുഞ്ഞു ഹൃദയങ്ങളെ ബാധിക്കുന്നുണ്ട് എന്നത് വളരെ മനോഹരമായി ചിത്രീകരിച്ചിരിക്കുന്ന മ്യൂസിക് ആൽബമാണ് ‘വിരിയും പൂവേ’.പുതിയ സംഗീത പ്രതിഭകളെ മുഖ്യധാരയിലേക്ക് കൊണ്ടുവരുന്നതിൻ്റെ ഭാഗമായി ആരംഭിച്ച സൈന ഇൻഡി മ്യൂസിക്കും , ബേസിൽ പ്രസാദ് മൂവീസും ചേർന്നാണ് ഈ ഗാനം നിർമ്മിച്ചിരിക്കുന്നത്.
ഉടൻ പുറത്തിറങ്ങാൻ ഇരിക്കുന്ന സൈജു കുറുപ്പ് – അജു വർഗീസ് ചിത്രമായ സ്ഥാനാർത്ഥി ശ്രീക്കുട്ടനിൽ അടക്കം ഗാനങ്ങൾ രചിച്ച യുവ ഗാനരചയിതാവ് അഹല്യ ഉണ്ണികൃഷ്ണൻ്റെ വരികൾക്ക് നിരവധി സ്വതന്ത്ര ഗാനങ്ങളിലൂടെ ശ്രദ്ധേയനായ യുവ സംഗീത സംവിധായകൻ വിഷ്ണു ദാസാണ് സംഗീതം ഒരുക്കിയിരിക്കുന്നത്.
സാമൂഹിക പ്രസക്തമായ വിഷയം ചർച്ച ചെയ്ത കോമാളി എന്ന ആൽബത്തിന്റെ സംവിധായകനാണ് ബേസിൽ. അഭിനേതാക്കളുടെ മികച്ച പ്രകടനം കാഴ്ചവച്ചിരിക്കുന്ന ആൽബത്തിന് പ്രവീൺ കാരേറ്റും നവീൻ പ്രകാശും ചേർന്നാണ് ചായാഗ്രഹണം നിർവഹിച്ചിരിക്കുന്നത്. എഡിറ്റിംഗ് കെ ആർ.
ചുരുങ്ങിയ സമയത്തിനുള്ളിൽ തന്നെ വലിയൊരു കാഴ്ചക്കാരെ സാമൂഹ്യ മാധ്യമങ്ങളിൽ നേടിയെടുക്കാൻ വിരിയും പൂവേ എന്ന സംഗീത ആൽബത്തിന് സാധിച്ചിട്ടുണ്ട്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
