യുവ ബോക്‌സറെ മരിച്ച നിലയില്‍ കണ്ടെത്തി. ബ്രിട്ടീഷ് ബോക്സിംഗ് ചാംപ്യന്‍ ക്രിസ്റ്റഫര്‍ യുബാങ്കിന്റെ മകനുമായ സെബാസ്റ്റ്യന്‍ യുബാങ്കാണ് മരിച്ചത്. യുബായ് ബീച്ചിലാണ് സെബാസ്റ്റ്യന്‍ യുബാങ്കിനെ മരിച്ച നിലയില്‍ കണ്ടെത്തിയത്.
പ്രതീകാത്മക ചിത്രം
ഹൈലൈറ്റ്:
- യുവ ബോക്‌സറെ മരിച്ച നിലയില്‍ കണ്ടെത്തി
- സെബാസ്റ്റിയന്‍ യുബാങ്കാണ് മരിച്ചത്
- ദുബായ് ബീച്ചിലാണ് മൃതദേഹം കണ്ടത്‌
ദുബായ്: ബ്രിട്ടീഷ് ബോക്സിംഗ് ചാംപ്യന്‍ ക്രിസ്റ്റഫര്‍ യുബാങ്കിന്റെ മകനും യുവ ബോക്സറുമായ സെബാസ്റ്റ്യന്‍ യുബാങ്കിനെ ദുബായ് ബീച്ചില്‍ മരിച്ച നിലയില്‍ കണ്ടെത്തി. ദിവസങ്ങള്‍ക്കുള്ളില്‍ 30ാം ജന്മദിനം ആഘോഷിക്കാനിരിക്കുകയായിരുന്നു സെബാസ്റ്റ്യന്‍ യുബാങ്ക്. അദ്ദേഹത്തിന് ഈയടുത്താണ് ഒരു കുഞ്ഞ് പിറന്നത് എന്നും ഖലീജ് ടൈംസ് റിപ്പോര്‍ട്ട് ചെയ്തു.
മുന്‍ സൂപ്പര്‍ മിഡില്‍വെയ്റ്റ് ലോക ചാംപ്യനായ അച്ഛന്‍ ക്രിസ്റ്റഫര്‍ യുബാങ്കിന്റെ പാത പിന്തുടര്‍ന്ന് ബോക്സിംഗ് രംഗത്ത് മികച്ച പ്രകടനം കാഴ്ചവയ്ക്കുന്ന താരമായിരുന്നു കൂട്ടുകാരും ആരാധകരും സെബ് എന്ന് സ്‌നേഹത്തോടെ വിളിക്കുന്ന സെബാസ്റ്റ്യന്‍. മിക്‌സഡ് മാര്‍ഷ്യല്‍ ആര്‍ട്‌സിലും കഴിവ് തെളിയിച്ചിട്ടുള്ള താരം കഴിഞ്ഞ വര്‍ഷം അബൂദാബിയില്‍ നടന്ന യുഎഇ വാറിയേഴ്‌സ് മല്‍സരത്തില്‍ വിജയിയായിരുന്നു. ജ്യേഷ്ഠ സഹോദരന്‍ ക്രിസും ബോകിസ്ങ് രംഗത്ത് സജീവമാണ്.
സയന്‍സ് പഠനം എളുപ്പമാക്കാന്‍ സ്വന്തമായി വെബ്‌സൈറ്റ്; 3 ബഹ്‌റൈനി വിദ്യാര്‍ഥിനികള്‍ക്ക് ആദരം
ക്രിസ്റ്റഫറിന്റെ പൊടുന്നനെയുള്ള വേര്‍പാടില്‍ കുടുംബം നടുക്കം രേഖപ്പെടുത്തി. 12 വയസ്സിന് ശേഷം താന്‍ ആദ്യമായാണ് കരഞ്ഞതെന്ന് സഹോദരന്‍ ക്രിസ് ട്വിറ്ററില്‍ കുറിച്ചു. മറ്റുള്ളവരുടെ നന്‍മ മാത്രം ആഗ്രഹിക്കുകയും തന്നേക്കാള്‍ എപ്പോഴും മറ്റുള്ളവര്‍ക്ക് പരിഗണന നല്‍കുകയും ചെയ്യുന്ന ആളായിരുന്നു സെബ് എന്ന് സഹോദരന്‍ പറഞ്ഞു. യുവതാരത്തിന്റെ മരണ കാരണം എന്താണെന്ന് വ്യക്തമല്ല.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : young boxer found dead in dubai beach
Malayalam News from malayalam.samayam.com, TIL Network
