എംഎൽഎയുടെ പരാതിയുടെ അടിസ്ഥാനത്തിൽ കോഴിക്കോട് ഓഫീസിലാണ് പോലീസ് പരിശോധനയ്ക്കെത്തിയത്. പ്രാഥമിക വിവരങ്ങളാണ് ചോദിച്ചറിഞ്ഞതെന്ന് ഏഷ്യാനെറ്റ് ജീവനക്കാർ പ്രതികരിച്ചു
ഹൈലൈറ്റ്:
- ഏഷ്യാനെറ്റ് ഓഫീസിൽ പോലീസ് പരിശോധന
- പരിശോധന നീണ്ടത് നാല് മണിക്കൂറോളം
- തഹസിൽദാരും സംഘത്തിൽ
കേസ് അന്വേഷണത്തിന്‍റെ ഭാഗമായാണ് പരിശോധന നടത്തിയതെന്നും ഒരു വസ്തുക്കളും പിടിച്ചെടുത്തിട്ടില്ലെന്നും പരിശോധനയ്ക്ക് പിന്നാലെ പോലീസ് ഉദ്യോഗസ്ഥൻ പ്രതികരിച്ചു. എഡിറ്റിങ് റൂമിലുൾപ്പെടെയാണ് പോലീസ് പരിശോധന നടത്തിയത്. ജീവനക്കാരുടെ വിവരങ്ങൾ ഉൾപ്പെടെയുള്ള പ്രാഥമിക വിവരങ്ങളാണ് ചോദിച്ചറിഞ്ഞതെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.
Also Read : തിങ്കളാഴ്ച വിദ്യാഭ്യാസ സ്ഥാപനങ്ങൾക്ക് അവധി; സർക്കാർ ഓഫീസുകൾക്കും ബാധകം; കളക്ടർ അവധി പ്രഖ്യാപിച്ചത് പാലക്കാട് ജില്ലയിലെ വിവിധ പ്രദേശങ്ങളിൽ
പ്രായപൂർത്തിയാകാത്ത കുട്ടിയെ അടിസ്ഥാനമാക്കി ഏഷ്യാനെറ്റ് ന്യൂസ് പ്രക്ഷേപണം ചെയ്ത വാർത്തയാണ് കേസിനടിസ്ഥാനം. വാർത്തയുമായി ബന്ധപ്പെട്ട് പിവി അൻവർ എംഎൽഎ നിയമസഭയിൽ കഴിഞ്ഞദിവസം ചോദ്യം ഉന്നയിച്ചിരുന്നു. ഇതിന് ലഭിച്ച മറുപടിയുടെ അടിസ്ഥാനത്തിൽ എംഎൽഎ ഡിജിപിയ്ക്ക് കഴിഞ്ഞദിവസമാണ് പരാതി നൽകിയത്. ഈ പരാതിയിന്മേൽ കോഴിക്കോട് വെള്ളയിൽ പോലീസാണ് കേസെടുത്തത്.
Also Read : ആന്തരിക അവയവങ്ങളിൽ മാലിന്യങ്ങൾ കലർന്നു, ഓപ്പറേഷന് പിന്നാലെ മലയാളി യുവതി മരണപ്പെട്ടു; ആശുപത്രിക്കെതിരെ പരാതിയുമായി ബന്ധുക്കൾ
ഓഫീസിലെ മുഴുവൻ ജീവനക്കാരും പോലീസുമായി സഹകരിക്കുന്നുണ്ടെന്ന് ഏഷ്യാനെറ്റ് ന്യൂസ് റീജിയണൽ എഡിറ്റര്‍ ഷാജഹാൻ പ്രതികരിച്ചു. കോഴിക്കോട് ലാൻഡ് റവന്യൂ തഹസിൽദാർ സി ശ്രീകുമാറും വെള്ളയിൽ സിഐ ബാബുരാജ്, നടക്കാവ് സിഐ ജിജീഷ് ടൗണ്‍ എസ്ഐ വിജിബിൻ, എ എസ്ഐ ദീപകുമാര്‍ എന്നിവരും പരിശോധനാ സംഘത്തിലുണ്ടായിരുന്നു.
ജനവാസമില്ലാത്ത മേഖലയിലേയ്ക്ക് റോഡ് നിർമാണം |Road Construction
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
