കഴിഞ്ഞ ഫെബ്രുവരി 28ന് പുലർച്ചെ 2 മണിയോടെയാണ് നായണ്ടഹള്ളിയിലെ പുതിയ വീട്ടിലാണ് ലിയാക്കത്തിനെ മരിച്ച നിലയിൽ കണ്ടെത്തിയത്. പ്രതി ഇല്യാസ് ഖാൻ തൈറോയ്ഡ് ഗുളിക അമിതമായി കഴിച്ച് ആത്മഹത്യയ്ക്ക് ശ്രമിച്ചിരുന്നു. ഇയാൾ നിലവിൽ ബെംഗളൂരുവിലെ സ്വകാര്യ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. സാമ്പത്തിക തർക്കവും കൊലപാതകത്തിന് പിന്നിലുണ്ടെന്നും പ്രാഥമികാന്വേഷണത്തിൽ വ്യക്തമായിട്ടുണ്ട്.
ആറ്റുകാൽ പൊങ്കാല നാളെ; ഒരുക്കങ്ങൾ തൃപ്തികരമാണെന്ന് മന്ത്രിമാർ, നേരിൽക്കണ്ട് വിലയിരുത്തി
ജെജെ നഗറിലെ നിർമാണത്തൊഴിലാളിയാണ് ഇല്യാസ്. ഇയാൾ ലിയാക്കത്തിന്‍റെ തലയിൽ ചുറ്റികകൊണ്ട് അടിച്ച് കൊലപ്പെടുത്തുകയായിരുന്നെന്നാണ് പോലീസ് പറയുന്നത്. ഇതിനുശേഷം വീട്ടിലെത്തി ഗുളിക കഴിച്ച് ആത്മഹത്യയ്ക്ക് ശ്രമിക്കുകയായിരുന്നു. ആശുപത്രിയിൽ കഴിയുന്ന ഇയാൾ ഡിസ്ചാർജ് ആയാലുടൻ വിശദമായി ചോദ്യം ചെയ്യാനാണ് പോലീസ് നീക്കം.
ഇല്യാസിന്‍റെ കുടുംബം അദ്ദേഹത്തിന്‍റെ വിവാഹം നടത്താനുള്ള ശ്രമത്തിലായിരുന്നു. അടുത്തിടെ വധുവിനെ കണ്ടെത്തുകയും നിശ്ചയത്തിലേക്ക് കടക്കുകയും ചെയ്തു. ഈ സമയത്താണ് ലിയാക്കത്തുമായി ഇയാൾ തർക്കം ആരംഭിക്കുന്നത്. ഫെബ്രുവരി 27ന് രാവിലെ 5 മണിക്കാണ് ഇല്യാസ് വീട്ടിൽ നിന്ന് പോകുന്നത്. അന്ന് രാത്രി 10.30നാണ് തിരിച്ച് വരുന്നത്. വയറു വേദന അനുഭവപ്പെടുന്നതായി അച്ഛനോട് പറഞ്ഞ ഇയാൾ ഗുളികയുമായി മുറിയിലേക്ക് പോവുകയും ചെയ്തു.
മലപ്പുറത്ത് രണ്ട് പേർക്ക് കോളറ രോഗ ബാധ സ്ഥിരീകരിച്ചു; കൂടുതൽ പേർക്ക് രോഗലക്ഷണം
പിറ്റേന്ന് രാവിലെ, വയറു വേദന കൊണ്ട് പുളയുന്ന ഇല്യാസിനെ കണ്ട പിതാവ് ഉടൻ ആശുപത്രിയിൽ എത്തിക്കുകയായിരുന്നു. ആത്മഹത്യയ്ക്ക് ശ്രമിച്ചതാണെന്നു മനസ്സിലായതോടെ പോലീസിൽ പരാതി നൽകുകയും ചെയ്തു. മകന് ലിയാക്കത്തിനെ മൂന്ന് വർഷമായി അറിയാമെന്നും അച്ഛൻ പറഞ്ഞിരുന്നു. കൂടുതൽ സമയമവും അയാൾക്കൊപ്പമായിരുന്നെന്നും ഇയാൾ മൊഴി നൽകി. ലിയാക്കത്തുമായുള്ള ബന്ധത്തെക്കുറിച്ച് ചോദിച്ചപ്പോൾ ജമ്മിൽ വെച്ചുള്ള പരിചയമാണെന്നാണ് ഇയാൾ പറഞ്ഞത്.
ബന്ധം വഷളായതിനെത്തുടർന്നാണ് ലിയാക്കത്തിനെ ചുറ്റിക കൊണ്ട് അടിച്ചതെന്ന് ഇല്യാസ് പോലീസിനോട് പറഞ്ഞതായി ഇയാളുടെ പിതാവ് ഡെക്കാൺ ഹെറാൾഡിനോട് പറഞ്ഞു. ലിയാക്കത്തിന്‍റെ 17 വയസ്സുള്ള മകൻ നൽകിയ പരാതിയിൽ മൂന്നു പേരെ സംശയമുള്ളതായി പറഞ്ഞിരുന്നു. ഇതിൽ ഇല്യാസിന്‍റെ പേരും ഉൾപ്പെട്ടിട്ടുണ്ട്. ഡിസ്ചാർജായ ശേഷം ഇയാളെ വിശദമായി ചോദ്യം ചെയ്യും.
ഒറ്റപ്പാലത്ത്കാരുടെ പൂരാരവങ്ങളുടെ ആർപ്പ് വിളി
