Also Read : Brahmapuram Plant Fire: കൊച്ചിയെ വിടാതെ മാലിന്യപ്പുക, ആലപ്പുഴയിലേക്കും വ്യാപിക്കുന്നു; ബ്രഹ്മപുരത്തെ തീ നിയന്ത്രണ വിധേയം
ദിവസവും ടൺ കണക്കിന് മാലിന്യം എത്തുന്ന ബ്രഹ്മപുരത്തിന് മാതൃകയാക്കാവുന്ന ഒരു കഥ ഗുജറാത്തിലെ സൂറത്തിന് പറയാനുണ്ട്. വസ്ത്രവ്യാപാര കേന്ദ്രവും ഡയമണ്ട് കട്ടിങ്ങ് യൂണിറ്റുമടങ്ങുന്ന രാജ്യത്തെ തന്നെ ഏറ്റവും പ്രമുഖമായ വ്യാവസായി കേന്ദ്രങ്ങളിൽ ഒന്നായ സൂറത്ത് ഒരുഘട്ടത്തിൽ മാരകമായ ഒരു പ്ലേഗിന് മുന്നിൽ പകച്ച് നിന്നിരുന്നു. നിരവധി അന്യസംസ്ഥാന തൊഴിലാളികളും എത്തുന്ന ഈ പ്രദേശത്ത് വലിയ അനിശ്ചിതത്വങ്ങൾക്കാണ് ഇത് ഇടവച്ചത്.
1994 സെപ്തംബർ രണ്ടാം പകുതിയോടെയാണ് പ്ലേഗ് പൊട്ടിപ്പുറപ്പെട്ടത്. വായുവിലൂടെ പടരുന്ന യെർസിനിയ പെസ്റ്റിസ് എന്ന ബാക്ടീരിയ മൂലമുണ്ടാകുന്ന കടുത്ത ശ്വാസകോശ അണുബാധയായ ന്യൂമോണിക്ക് വരെ കാരണമാകുന്ന പ്ലേഗ് പടർന്നുപിടിച്ചത്. ഗുജറാത്തിന്റെ വാണിജ്യ തലസ്ഥാനത്തെ തകർത്തെറിഞ്ഞ ഒരു കാലമായാണ് അതിനെ കണക്കാക്കിയിരുന്നത്.
ഈ പ്രശ്നത്തോടെ നഗരത്തിലെ അഴുക്കുചാൽ ശൃംഖല, കുടിവെള്ളം, ശുചീകരണമേഖല എന്നിവയെല്ലാം തകരാറിലാകുകയും ചെയ്തു. ഇതിന് പിന്നാലെയുണ്ടായ പ്രളയത്തിൽ ഡെങ്കു, മലേറിയ, കോളറ അടക്കമുള്ള പകർച്ചവ്യാധികളും വ്യാപകമാകുകയും ചെയ്തു.
രോഗബാധിതരായ മൃഗങ്ങളിൽ നിന്നും പ്രാണികളിലൂടെയാണ് ബാക്ടീരിയ വ്യാപിച്ചിരുന്നത്. പരിഹാരം തേടി സർക്കാർ നിർദ്ദേശിച്ചിരിക്കുന്ന ഒരു അന്വേഷണ കമ്മിറ്റിയെ നിയോഗിക്കുകയും ചെയ്തിരുന്നു. ഈ പ്രശ്നങ്ങളുടെ പശ്ചാത്തലത്തിൽ 60 ശതമാനം ആളുകളും നഗരം വിട്ട് പുറത്തേക്ക് പോകുകയും ചെയ്തു. അതിന് പുറമെ, നഗരത്തിന്റെ പേരിനും ഈ സംഭവം കോട്ടം തട്ടി.
പക്ഷെ, സൂറത്തിന്റെ ഈ പ്രശ്നങ്ങൾ‍ക്ക് പരിഹാരമായത് 1995ൽ സൂറത്ത് മുൻസിപ്പൽ കമ്മീഷണറായി നിയോഗിക്കപ്പെട്ട എസ് ആർ റാവു ഐഎഎസിന്റെ വരവോടെയാണ്. ഈ സംഭവത്തിന് രണ്ട് വർഷത്തിന് ശേഷം, ഇന്ത്യൻ നാഷണൽ ട്രസ്റ്റ് ഫോർ ആർക്കിടെക്ചറൽ ആൻഡ് കൾച്ചറൽ ഹെറിറ്റേജ് (INTACH) ചണ്ഡീഗഢ് കഴിഞ്ഞാൽ ഇന്ത്യയിലെ ഏറ്റവും വൃത്തിയുള്ള രണ്ടാമത്തെ നഗരമായി സൂറത്തിനെ പ്രഖ്യാപിച്ചു.
‘റാവു സാഹിബ്’ എന്ന് വിളിക്കുന്ന എസ് ആർ റാവു നഗരത്തിന്റെ മുഖഛായ മാത്രമല്ല മാറ്റിയത്. പ്രദേശവാസികളുടെ മനോഭാവത്തിനുകൂടിയാണ് മാറ്റം വരുത്തിയിരിക്കുന്നത്. ഉദ്യോഗസ്ഥതലത്തിൽ, ഈ നിയമനം ഒരു ആത്മഹത്യാപരമായ നടപടിയാണെന്നായിരുന്നു. പക്ഷെ, യുദ്ധകാലാടിസ്ഥാനത്തിൽ നഗരം വൃത്തിയാക്കുക എന്നതല്ലാതെ മറ്റ് മാർഗമില്ലായിരുന്നുവെന്നും റാവു തന്നെ ഒരിക്കൽ ഔട്ട്ലുക്കിനോട് പറഞ്ഞത്.
സ്വകാര്യ പങ്കാളിത്തത്തോടെയാണ് 50 ലക്ഷത്തിലധികം ആളുകൾ തിങ്ങിപ്പാർക്കുന്ന ഗുജറാത്തിലെ വ്യാവസായിക നഗരത്തിൽ ശുചീകരണ പ്രവർത്തനങ്ങൾ നടത്തുന്നത്. മാലിന്യങ്ങൾ വീടുകളിൽ നിന്നും ശേഖരിക്കുന്നത് മുതൽ സംസ്കാരിക്കുന്നത് വരെ ഈ സ്വകാര്യ പങ്കാളിത്തം പ്രയോജനപ്പെടുന്നു. റോഡുകൾ വൃത്തിയാക്കുന്നതിന് രാത്രി നഗരത്തിൽ സ്വീപ്പിങ്ങ് മെഷിനെത്തുകയും വൃത്തിയാക്കുകയും ചെയ്യും. ഇന്ന് 16 ലക്ഷം വീടുകളിൽ നിന്നും കോർപറേഷൻ നേരിട്ട് മാലിന്യം ശേഖരിക്കുന്നു.
അതിന് പുറമെ, ഹോട്ടൽ മാലിന്യത്തിന്റെ സംസ്കരണ ചുമതല ഹോട്ടൽ ആന്റ് റസ്റ്ററന്റ് അസോസിയേഷന് ഏൽപ്പിച്ചിരിക്കുകയാണ്. അതാത് പ്രദേശങ്ങളിൽ റസിഡന്റസ് വെൽഫെയർ അസോസിയേഷനുകൾ ജൈവ മാലിന്യ സംസ്കരണ പ്ലാന്റുകൾ നടത്തിയാണ് വരുന്നത്.
ശുചീകരണത്തിന്റെ ഭാഗമായി ആദ്യം ചെയ്തത് മുൻസിപ്പൽ കോർപ്പറേഷനിൽ വിശ്വാസം പുനർജീവിപ്പിക്കുകയായിരുന്നു. ഇതിനായി എസി ടു ഡിസി എന്ന നടപടിയാണ്. അതായത്, എയർ കണ്ടീഷൻ മുറിയിൽ ഇരുന്ന് ജോലി ചെയ്തിരുന്നവരെ പുറത്തേക്ക് എത്തിക്കുക എന്നതാണ് ഈ നടപടി. ഇതിന്റെ ഭാഗമായി പുലർച്ചെ ഏഴ് മണി മുതൽ എല്ലാ സോണുകളിലേയും ജീവനക്കാർ തെരുവുകളിൽ ഇറങ്ങുകയും ശുചീകരണ തൊഴിലാളികൾക്കായുള്ള നിർദ്ദേശങ്ങൾ നൽകുകയും ചെയ്യുന്നു.
ഈ നടപടികളിലൂടെ സഹപ്രവർത്തകരുമായി സൗഹൃദം ഉണ്ടാക്കാൻ സാധിച്ചെന്നതിലും അപ്പുറമായി അടിസ്ഥാന യാഥാർത്ഥ്യം എന്താണെന്ന് മനസ്സിലാക്കാൻ സാധിച്ചുവെന്നാണ് പറയുന്നത്. ഒരു ശുചീകരണ തൊഴിലാളിക്ക് ഒരു ശതകോടീശ്വരനോട് കാർ മാറ്റിയിടാനോ ഹോട്ടലുടമയോട് ഭക്ഷണാവശിഷ്ടങ്ങൾ വഴിയിലേക്ക് വലിച്ചെറിയരുത് എന്ന് പറയാനോ സാധിക്കില്ലെന്നും റാവു പറഞ്ഞു.
തുടർനടപടിയായി നഗരത്തിലെ സമ്പന്നരുടെ അനധികൃത കെട്ടിടങ്ങളും മറ്റും പൊളിച്ചുമാറ്റുക എന്നതായിരുന്നു. ചട്ടപ്രകാരം, ഉടമകൾക്ക് മുൻകൂർ അറിയിപ്പ് നൽകിയതിന് ശേഷം അനധികൃതമായി നിർമ്മിച്ച ഈ നിർമിതികൾ ഒന്നിനുപുറകെ ഒന്നായി ഏറ്റെടുക്കാൻ തുടങ്ങി. തന്റെ ജീവന് ഭീഷണിയും പ്രാദേശിക രാഷ്ട്രീയക്കാരിൽ നിന്നും സമ്മർദമുണ്ടായിട്ടും, ആന്ധ്രാപ്രദേശിലെ വിജയവാഡയിൽ നിന്നുള്ള ശാസ്ത്ര ബിരുദധാരി തന്റെ ലക്ഷ്യത്തിൽ നിന്ന് ഒരിക്കലും പിന്മാറാൻ തയ്യാറായില്ല.
ഇത്തരത്തിൽ, അദ്ദേഹം പൊളിച്ചുമാറ്റിയ ആദ്യത്തെ അനധികൃത കെട്ടിടങ്ങളിലൊന്ന്, ശക്തനായ ഒരു പ്രാദേശിക എംഎൽഎയുടേതായിരുന്നു. ഇത് വരാനിരിക്കുന്ന അലകളുടെ തുടക്കം മാത്രമായിരുന്നു.
മുനിസിപ്പൽ നികുതിയിനത്തിൽ ഒരു ലക്ഷം രൂപയിലധികം കുടിശ്ശികയുള്ള ആളുകൾ അത് അടയ്ക്കാൻ തന്റെ ഉദ്യോഗസ്ഥരോട് നിർദ്ദേശിച്ചതടക്കമുള്ള നടപടികളും ഇദ്ദേഹത്തിന്റെ നേതൃത്വത്തിൽ സ്വീകരിച്ചിരുന്നു.
1,875 കിലോമീറ്ററോളം നീളം വരുന്ന സൂറത്തിലെ സുവിജ് പൈപ്പ്ലൈൻ ശൃംഖലയാണ് ശുചീകരണത്തിന്റെ ഭാഗമായുള്ള പ്രവർത്തനങ്ങളിൽ മറ്റൊന്ന്. പിപിപി മാതൃകയിൽ കോർപറേഷന് കീഴിൽ 11 സുവിജ് ട്രീറ്റ്മെന്റ് പ്ലാന്റുകളാണ് ഉള്ളത്. ഒരു ദിവസം 115 ദശലക്ഷം ലിറ്റർ മലിനജലം ഇവ ശുദ്ധീകരിക്കുന്നു. ഇതിൽ ഏറ്റവും വലുതാണ് 40 ദശലക്ഷം ലിറ്റർ ശേഷിയുള്ള ഭാംറോളി പ്ലാന്റ്.
Also Read : ‘ഏഴു മുതലുള്ള ക്ലാസുകളിലേക്ക് കയറാത്ത പ്രത്യേക തരം പുക’; കൊച്ചിയിലെ അവധി പ്രഖ്യാപനത്തിൽ കളക്ടർക്ക് വിമർശനം
മലിനജലം രണ്ട് ഘട്ട ശുദ്ധീകരണം നടത്തിക്കഴിഞ്ഞാൽ കാർഷികാവശ്യങ്ങൾക്ക് അടക്കം ഉപയോഗിക്കാൻ സാധിക്കാറുണ്ട്. എന്നാൽ, ഇവിടെ അൾട്രാ ഫിൽറ്ററേഷൻ, ആക്ടിവേറ്റഡ് കാർബൺ ഫിൽറ്ററേഷൻ, റിവേഴ്സ് ഓസ്മോസിസ് എന്നിവയടക്കമുള്ള ഫിൽറ്ററേഷൻ നടപടികളിലൂടെ വെള്ളം 100 ശുദ്ധജലമാകും. ഈ ശുദ്ധജലങ്ങളുണ്ടെങ്കിലും അത് ടെക്സ്റ്റൈൽ വ്യവസായത്തിനാണ് നൽകുന്നത്. അതുവഴി സൂറത്ത് കോർപ്പറേഷന് പ്രതിവർഷം ലഭിക്കുന്നത് 140 കോടി രൂപയാണ്.
Read Latest National News and Malayalam News
പണി പൂർത്തിയായിട്ടും ഉദ്ഘാടകനെ കാത്ത് വാട്ടർമെട്രോ
