ഇത്തരം പ്രശ്‌നങ്ങള്‍ മാറ്റി എടുക്കാന്‍ സഹായിക്കുന്ന ഒരു ഒന്നാന്തരം കൂട്ടാണ് പരിചയപ്പെടുത്തുന്നത്. ഇത് വളരെ എളുപ്പത്തില്‍ തന്നെ നിങ്ങള്‍ക്ക് തയ്യാറാക്കി എടുക്കാവുന്നതാണ്. തികച്ചും പ്രകൃതിദത്തമായ കൂട്ടാണിത്.
കറിവേപ്പില എന്ന അത്ഭുതം
ഒട്ടനവധി ആരോഗ്യ ഗുണങ്ങളാല്‍ സമ്പന്നമാണ് നമ്മളുടെ കറിവേപ്പില. ആരോഗ്യത്തിന്റെ കാര്യത്തില്‍ മാത്രമല്ല, സൗന്ദര്യത്തിന്റെ കാര്യത്തിലും കറിവേപ്പില നല്ലത് തന്നെ. നമ്മളുടെയെല്ലാം വീട്ടുമുറ്റതത് നില്‍ക്കുന്ന ഈ കറിവേപ്പിലയ്ക്ക് നമ്മളുടെ തലമുടിയുടെ ഒട്ടുമിക്ക പ്രശ്‌നങ്ങളും പരിഹരിക്കാന്‍ സാധിക്കും.
കറിവേപ്പിലയില്‍ വിറ്റമിന്‍ സി, വിറ്റമിന്‍ ബി, അതുപോലെ, ആന്റിഓക്‌സിഡന്റ്‌സ് എന്നിവയെല്ലാം തന്നെ അടങ്ങിയിരിക്കുന്നു. ഇത് തലയിലെ താരന്‍ നീക്കം ചെയ്യുന്നതിനും മുടി നല്ലപോലെ ക്ലീന്‍ ആക്കുന്നതിനും മുടിയുടെ വേരില്‍ നിന്നും ബലവും അതുപോലെ, മുടിയ്ക്ക് നല്ല കറുപ്പ് നിറം നല്‍കുന്നതിനും സഹായിക്കുന്നുണ്ട്.
ഇത് മുടി നല്ല ഉള്ളോടെ വളരുന്നതിനും മുടിയുടെ മൊത്തത്തിലുള്ള ആരോഗ്യത്തിനും ഗുണം ചെയ്യുന്നുണ്ട്. മുടിയ്ക്ക് നല്ല തിളക്കം നല്‍കാനും മുടികൊഴിച്ചില്‍ തടഞ്ഞ, നരച്ചമുടി കറുപ്പിക്കാനും ഇത് വളരെയധികം ഗുണം ചെയ്യുന്നു.
താരന്‍ കളയാന്‍
തലയിലെ താരന്‍ പൂര്‍ണ്ണമായും നീക്കം ചെയ്യുന്നതിന് കറിവേപ്പില ഉപയോഗിക്കുന്നവത് വളരെ നല്ലതാണ്. താരന്‍ കളയാന്‍ കറിവേപ്പിലക്കൂട്ട് തയ്യാറാക്കുന്നതിന് 15 മുതല്‍ 20 വരെ കറിവേപ്പില എടുക്കാം. ഇതിലേയ്ക്ക് രണ്ട് മുതല്‍ മൂന്ന് ടേബിള്‍സ്പൂണ്‍ തൈര് ആണ് ചേര്‍ക്കേണ്ടത്.
ആദ്യം തന്നെ കറിവേപ്പില എടുത്ത് നന്നായി കഴുകിയതിന് ശേഷം അരച്ച് എടുക്കണം. ഇതിലേയ്ക്ക് തൈരും ചേര്‍ത്ത് നന്നായി മിക്‌സ് ചെയ്ത് എടുത്തതിന് ശേഷം തലയില്‍ നന്നായി തേച്ച് പിടിപ്പിക്കുക. കുറഞ്ഞത് ഒരു മണിക്കൂറെങ്കിലും ഇത്തരത്തില്‍ വെക്കണം. അതിന് ശേഷം ചെറു ചൂടുവെള്ളത്തില്‍ കഴുകാവുന്നതാണ്.
ഇത്തരത്തില്‍ ആഴ്ച്ചയില്‍ രണ്ട് തവണ ചെയ്താല്‍ തന്നെ താരന്‍ നീക്കം ചെയ്യാന്‍ സാധിക്കുന്നതാണ്.
നരച്ച മുടി മാറ്റാന്‍
രണ്ട് ടേബിള്‍സ്പൂണ്‍ വെളിച്ചെണ്ണ ഒരു പാനില്‍ ഒഴിച്ച് ചൂടാക്കുക. ഇതിലേയ്ക്ക് 10 മുതല്‍ 12 കറിവേപ്പില ചേര്‍ത്ത് ചൂടാക്കണം. അതിന് ശേഷം 20 മിനിറ്റ് തണുക്കാന്‍ വെയ്ക്കുക. ഇത് പിന്നീട് മുടിയില്‍ നന്നായി തേച്ച് പിടിപ്പിക്കണം. ഒരു അര മണിക്കൂര്‍ കഴിയുമ്പോള്‍ ഷാംപൂ ഉപയോഗിച്ച് മുടി നന്നായി കഴുകി എടുക്കാവുന്നതാണ്. ഇത്തരത്തില്‍ ആഴ്ച്ചയില്‍ ഒന്നോ രണ്ടോ തവണ ചെയ്യുന്നത് മുടിയ്ക്ക് നല്ല കറുപ്പ് നിറം ലഭിക്കുന്നതിനും നര മാറ്റുന്നതിനും സഹായിക്കും.
ഇതല്ലെങ്കില്‍ രണ്ട് കപ്പ് വെള്ളത്തില്‍ 15 മുതല്‍ 20 കറിവേപ്പില ഇട്ട് വെള്ളം പകുതി ആകുന്നത് വരെ നന്നായി തിളപ്പിക്കുക. ഈ വെള്ളം ചൂടാറിയതിന് ശേഷം മുടി കഴുകുന്നതും മുടിയ്ക്ക് നല്ല കറുപ്പ് നിറം ലഭിക്കാന്‍ സഹായിക്കുന്നുണ്ട്.
Also Read: ചിരട്ട ഉപയോഗിച്ച് മുടി കറുപ്പിക്കാമെന്ന് നിങ്ങള്‍ക്കറിയാമോ? ചെലവില്ലാത്ത ഈ കൂട്ട് തയ്യാറാക്കി നോക്കൂ
മുടിയ്ക്ക് ഉള്ള് വെക്കാന്‍
മുടിയ്ക്ക് ഉള്ളുവയ്ക്കുന്നതിനായി കറിവേപ്പിലയില്‍ നെല്ലിക്കയും ചേര്‍ത്ത് ഒരു കിടിലന്‍ പാക്ക് തയ്യാറാക്കാം. ഈ ഹെയര്‍പാക്ക് തയ്യാറാക്കുന്നതിനായി ഒരുപിടി കറിവേപ്പില എടുക്കുക. ഇതിലേയ്ക്ക് അഞ്ച് നെല്ലിക്ക കുരു കളഞ്ഞത് ചേര്‍ത്ത് നന്നായി അരച്ച് എടുക്കണം. വേണമെങ്കില്‍ വിറ്റമിന്‍ ഇ ഓയിലും ചേര്‍ക്കാവുന്നതാണ്.
ഇവ നന്നായി മിക്‌സ് ചെയ്ത് തലയില്‍ തേച്ച് പിടിപ്പിക്കണം. ഒരു ഒരു മണിക്കൂര്‍ കഴിഞ്ഞതിന് ശേഷം നന്നായി കഴുകി കളയാവുന്നതാണ്. ആഴ്ച്ചയില്‍ രണ്ട് തവണ ഇത്തരത്തില്‍ ചെയ്യുന്നത് നല്ല ഫലം നല്‍കാന്‍ സഹായിക്കും.
Disclaimer: മേല്‍ തന്നിരിക്കുന്നത് നാട്ടറിവുകളാണ്. നിങ്ങളുടെ ആരോഗ്യത്തിന് ചേരുമോ എന്ന് നോക്കിയതിന് ശേഷം മാത്രം ഉപയോഗിക്കുക.
