ഇത്തരത്തിലെ ചില ചേരുവകള്‍ നമുക്ക് പ്രകൃതിദത്തമായി തന്നെ ലഭ്യമാണ്. ഇത്തരത്തിലെ ഒന്നിനെ കുറിച്ചറിയൂ. മൂന്നു ചേരുവകള്‍ ചേര്‍ത്ത് തയ്യാറാക്കാവുന്ന ഒന്ന്.
കാപ്പി
പ്രത്യേക കൂട്ടില്‍ ചേര്‍ക്കാവുന്ന മൂന്ന് ചേരുകളുണ്ട്. കാപ്പിപ്പൊടി, വെളിച്ചെണ്ണ, കററാര്‍വാഴ ജെല്‍ എന്നിവയാണ് ഇവ. കാപ്പിപ്പൊടി ഇന്‍സ്റ്റന്റ് കാപ്പിപ്പൊടിയാണ് വേണ്ടത്. കാപ്പിപ്പൊടി മുടിയുടെ ആരോഗ്യത്തിന് ഏറെ ഗുണകരമാണ്. മുടിയ്ക്ക് കറുപ്പും തിളക്കവും മിനുസവുമെല്ലാം നല്‍കാന്‍ ഇതേറെ ഗുണകരമാണ്.
തലയോട്ടിയിലെ രക്തചംക്രമണം മെച്ചപ്പെടുത്താൻ കാപ്പി സഹായിക്കുന്നു. ഇത് അകാലനര അകറ്റാനും മുടി വളര്‍ച്ചയ്ക്കും സഹായിക്കുന്നു. മുടി കൊഴിച്ചില്‍ തടയാനുള്ള നല്ലൊരു വഴിയാണ് കാപ്പി. തലമുടി കട്ടിയുള്ളതും ബലമുള്ളതുമാക്കി തീർക്കാനായി കാപ്പി സഹായിക്കുന്നു. ഉള്ളിൽ നിന്ന് മുടിയെ ശക്തിപ്പെടുത്തുകയും മുടിയിഴകൾക്ക് മൃദുലതയും കൂടുതൽ തിളക്കവുമെല്ലാം നല്‍കാനും കാപ്പിപ്പൊടി നല്ലതാണ്.
വെളിച്ചെണ്ണ
വെളിച്ചെണ്ണ മുടിയുടെ ആരോഗ്യത്തിന് ഏറെ നല്ലതാണ്. ഇത് നല്ല കൊഴുപ്പിന്റെ ഉറവിടമാണ്. മുടിയുടെ തിളക്കത്തിനും മിനുസത്തിനും സഹായിക്കുമെന്നതല്ലാതെ മുടി വളരാന്‍ സഹായിക്കുന്ന ഒന്ന് കൂടിയാണ് ഇത്. മുടിയുടെ വളര്‍ച്ചയ്ക്കും സംക്ഷണത്തിനുമായി പരമ്പരാഗത കാലം മുതല്‍ ഉപയോഗിച്ച് വരുന്ന ഒന്നാണിത്.
വെളിച്ചെണ്ണയിൽ അടങ്ങിയിരിക്കുന്ന പോഷകങ്ങൾ മുടിവേരുകളെ ശക്തിപ്പെടുത്തുന്നതിനും മുടിയുടെ വളർച്ച വർദ്ധിപ്പിക്കുന്നതിനും ശിരോചർമ്മത്തിന്റെ ആരോഗ്യം മെച്ചപ്പെടുത്തുന്നതിനും പ്രവർത്തിക്കുന്നു.മുടി നരയ്ക്കുന്നത് തടയുന്ന ഒന്ന് കൂടിയാണ് വെളിച്ചെണ്ണ.
കറ്റാര്‍ വാഴ
കറ്റാര്‍ വാഴ സൗന്ദര്യ, മുടി, ചര്‍മ സംരക്ഷണത്തിന് ഒരു പോലെ ഗുണകരമാണ്. വൈറ്റമിന്‍ ഇ സമ്പുഷ്ടമായ ഇത് മുടിയുടേയും ചര്‍മത്തിന്റെയും ആരോഗ്യത്തിന് ഒരുപോലെ ഗുണകരമാണ്. മുടിയ്ക്ക് സ്വാഭാവിക സൗന്ദര്യം നല്‍കാന്‍ മികച്ചതാണ് ഇത്. കറ്റാർ വാഴയിൽ അടങ്ങിയിരിക്കുന്ന വിറ്റാമിൻ ഇ ഫ്രീ റാഡിക്കലുകളിൽ നിന്ന് മുടിയെ സംരക്ഷിക്കാൻ സഹായിക്കുന്നു.
താരൻ അകറ്റാൻ സഹായിക്കുന്ന മികച്ച ഒരു പ്രതിവിധി കൂടെയാണ് കറ്റാർവാഴ. മുടിയിൽ സ്വാഭാവികമായ ഈർപ്പം നിലനിർത്താൻ കറ്റാർ വാഴ നീരിന് കഴിയും.
ഡൈ
മുടി നര തടയാനുള്ള ഈ പായ്ക്ക് ഇരുമ്പ് ചട്ടിയില്‍ തയ്യാറാക്കുന്നതാണ് നല്ലത്. ഇതിനായി മുടിയുടെ അളവിന് അനുസരിച്ച് കാപ്പിപ്പൊടിയെടുക്കുക. ഇതിലേയ്ക്ക് കറ്റാര്‍ വാഴ ജെല്‍, വെളിച്ചെണ്ണ എന്നിവ ചേര്‍ത്തിളക്കണം. വെളിച്ചെണ്ണ വേണ്ടാത്തവര്‍ക്ക് വേറെയേതെങ്കിലും നല്ല ഓയില്‍ ഉപയോഗിയ്ക്കാം. നല്ല ശുദ്ധമായ ചേരുവകള്‍ വേണം, ഉപയോഗിയ്ക്കാന്‍. ഈ കൂട്ട് നല്ലതു പോലെ ചേര്‍ത്തിളക്കി മുടിയില്‍ ഡൈ പോലെ പുരട്ടാം. തയ്യാറാക്കി 1 മണിക്കൂര്‍ ശേഷം പുരട്ടുക. പിന്നീട് 1 മണിക്കൂര്‍ കഴിഞ്ഞ് കഴുകാം.
ഹെര്‍ബല്‍ ഷാംപൂ ആവശ്യമെങ്കില്‍ മാത്രം ഉപയോഗിയ്ക്കാം. ഷാംപൂവിനേക്കാള്‍ നല്ലത് താളി പോലുള്ള സ്വാഭാവിക വഴികളാണ്. ഇത് ആഴ്ചയില്‍ മൂന്ന് തവണയെങ്കിലും ചെയ്യാം. നരച്ച മുടിയ്ക്ക് ഇരുണ്ട ബ്രൗണ്‍ നിറം ഈ കൂട്ട് നല്‍കുന്നു.
