മുടി കൊഴിച്ചിൽ മാറ്റി മുടി തഴച്ച് വളരാൻ ഒരു എണ്ണ കൂട്ട്

കറിവേപ്പില

പണ്ട് കാലം മുതലെ തലയിൽ തേയ്ക്കുന്ന എണ്ണയിൽ കറിവേപ്പില ഇടുന്ന രീതി പൂർവികർക്കുണ്ട്. നല്ല കറുത്ത ഇടതൂർന്ന മുടി വളരാൻ കറിവേപ്പില മികച്ചതാണ്. ഇതിൽ അടങ്ങിയിരിക്കുന്ന ആൻ്റി ഓക്സിഡൻ്റുകളും പ്രോട്ടീനുകളുമാണ് മുടി വളർച്ചയ്ക്ക് ഏറെ സഹായിക്കുന്നത്. ആന്റിഓക്‌സിഡന്റുകൾ ഫ്രീ റാഡിക്കലുകളെ നിർവീര്യമാക്കുകയും മുടി കൂടുതൽ ആരോഗ്യമുള്ളവരും ബലമുള്ളതുമാക്കി മാറ്റുകയും ചെയ്യുന്നു. കറിവേപ്പിലയിട്ട ഹെയർ പാക്കുകൾ മുടിയ്ക്ക് ഏറെ നല്ലതാണ്.

ഉലുവ

മുടി സംരക്ഷണത്തിൽ മുൻപന്തിയിലാണ് ഉലുവയെന്ന് എല്ലാവർക്കുമറിയാം. താരൻ എന്ന വില്ലനെ അകറ്റാൻ ഇത് വളരെ മികച്ചൊരു പരിഹാരമാണ്. മുടി കൊഴിച്ചിൽ തടയാനും മുടി വളരാനും ഉലുവ വളരെയധികം സഹായിക്കും. ഇതിൽ അടങ്ങിയിരിക്കുന്ന അമിനോ ആസിഡുകൾ മുടി വളർച്ചയ്ക്ക് ഏറെ മികച്ചതാണ്. യാതൊരുവിധ പാർശ്വഫലങ്ങളുമില്ലാതെ ഉപയോഗിക്കാൻ കഴിയുന്ന ഒന്നാണ് ഉലുവ. മുടി വളരാൻ സഹായിക്കുന്ന എണ്ണയിൽ ഉലുവ ചേർക്കുന്നത് ഏറെ നല്ലതാണ്.

എള്ള്

ഈ എണ്ണ തയാറാക്കാൻ കറുത്ത എള്ളും വെളുത്ത എള്ളും ആവശ്യമുണ്ട്. മുടിയിൽ താരൻ തലയിൽ ചൊറിച്ചിൽ പോലുള്ള പ്രശ്നങ്ങൾ നേരിടുന്നവർക്കുള്ള പരിഹാരമാണ് എള്ള്. ഇതിൽ ആൻ്റി ബാക്ടീരിയിൽ ആൻ്റി ഫം​ഗൽ ​ഗുണങ്ങൾ ധാരാളം അടങ്ങിയിട്ടുണ്ട്. ഇത് മാത്രമല്ല സൂര്യപ്രകാശത്തിൽ നിന്ന് മുടിയ്ക്ക് ഏൽക്കുന്ന കേടുപാടുകൾ തടയാൻ എള്ള് മികച്ചൊരു പരിഹാര മാർ​ഗമാണ്. മുടിയെ വേരിൽ നിന്ന് ബലപ്പെടുത്താൻ എള്ളിന് കഴിയും.

ഫ്ളാക്സ് സീഡ്സ്

നല്ല ആരോഗ്യത്തിന് ഫ്ലാക്സ് സീഡ്സ് കഴിക്കുന്ന ശീലം പലർക്കുമുണ്ട്. ആരോഗ്യത്തിന് മാത്രമല്ല മുടി ഏറെ മികച്ചതാണ് ഫ്ലാക്സ് സീഡ്സ്. ഇതിൽ അടങ്ങിയിരിക്കുന്ന വൈറ്റമിനുകൾ, ധാതുക്കൾ എന്നിവയെല്ലാം മുടി വളർച്ചയ്ക്കും ആരോഗ്യത്തിനും ഏറെ മികച്ചതാണ്. മുടി കൊഴിച്ചിലും മുടി പൊട്ടലുമൊക്കെ തടഞ്ഞ് ആരോഗ്യമുള്ള മുടി വളരാൻ സഹായിക്കുന്നതാണ് ഫ്ലാക്സ് സീഡ്സ്. ഇതിൽ ആൻ്റി ഓക്സിഡൻ്റുകളും വൈറ്റമിൻ ഇയും അടങ്ങിയിട്ടുണ്ട്. മുടി കോശങ്ങളിലും തലയോട്ടിയിലും കേടുവരുത്തുന്ന ഫ്രീ റാഡിക്കലുകളെ ഇല്ലാതാക്കാൻ ഇത് വളരെയധികം സഹായിക്കും.

വെളിച്ചെണ്ണ

മുടി വളരാൻ ഏറ്റവും സഹായിക്കുന്നതാണ് വെളിച്ചെണ്ണ. നല്ല ആരോ​ഗ്യമുള്ള മുടിയും വൃത്തിയുള്ള തലയോട്ടിയും വളരാൻ ഏറെ നല്ലതാണ് വെളിച്ചെണ്ണ. വെളിച്ചെണ്ണയിൽ ഫാറ്റി ആസിഡുകളും വൈറ്റമിനുകളും അടങ്ങിയിട്ടുണ്ട്. ഇത് മുടി കൊഴിച്ചിൽ തടഞ്ഞ് ആരോ​ഗ്യമുള്ളതാക്കാൻ സഹായിക്കും.

Also Read: വേനൽ കാലത്തെ മുടികൊഴിച്ചിൽ തടയാൻ ഈ കാര്യങ്ങൾ ശ്രദ്ധിക്കാൻ മറക്കരുതേ​

എണ്ണ തയാറാക്കുന്ന വിധം

ഈ എണ്ണ തയാറാക്കാൻ 10 മുതൽ 12 കറിവേപ്പില, 1 ടീ സ്പൂൺ വെളുത്ത എള്ള്, 1 ടീ സ്പൂൺ ഉലുവ, 1 ടീ സ്പൂൺ കറുത്ത എള്ള്,1 ടേബിൾ സ്പൂൺ ഫ്ലാള്ക്സ് സീഡ്സ്, മൂന്നോ നാലോ ​ഗ്രാമ്പൂ എന്നിവ ഒരു പാത്രത്തിൽ എടുക്കുക. ഇതിലേക്ക് ആവശ്യത്തിന് വെളിച്ചെണ്ണ ചേർത്ത് നന്നായി തിളപ്പിച്ച് എടുക്കണം. അതിന് ശേഷം ഇത് ചൂട് ആറുമ്പോൾ അരിച്ച് എടുത്ത് ഉപയോ​ഗിക്കാവുന്നതാണ്.

ഡിസക്ലൈമർ: പൊതു വിവരങ്ങളുടെ അടിസ്ഥാനത്തിലാണ് ഈ ലേഖനം തയാറാക്കിയിരിക്കുന്നത്. ഇത് ഉപയോഗിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.​