യെദ്യൂരപ്പ ഹെലികോപ്റ്റർ അപകടത്തിൽ നിന്ന് രക്ഷപ്പെട്ടത് തലനാരിഴയ്ക്ക്; ചോപ്പർ ആകാശത്ത് വട്ടമിട്ടു പറന്നു

Jibin George | Samayam Malayalam | Updated: 6 Mar 2023, 6:50 pm

ബിജെപി നേതാവും കർണാടക മുൻ മുഖ്യമന്ത്രിയുമായ ബി എസ് യെദ്യൂരപ്പ ഹെലികോപ്റ്റർ അപകടത്തിൽ നിന്ന് തലനാരിഴയ്ക്ക് രക്ഷപ്പെട്ടു. കലബുറഗിയിലെ ഹെലിപാഡിൽ ഹെലികോപ്റ്റർ ലാൻഡ് ചെയ്യാൻ തയ്യാറെടുക്കുമ്പോഴാണ് സംഭവം

BS Yediyurappa's Chopper Landing — Photo: ANI/ PTI

ഹൈലൈറ്റ്:

ഹെലികോപ്റ്റർ അപകടത്തിൽ നിന്ന് രക്ഷപ്പെട്ട് ബി എസ് യെദ്യൂരപ്പ.
പ്ലാസ്റ്റിക് കവറുകളും മാലിന്യങ്ങളും പറന്നുയർന്നതാണ് അപകടകരമായ സാഹചര്യമുണ്ടാക്കിയത്.
അധികൃതരുടെ ഭാഗത്ത് നിന്നുമുണ്ടായ വീഴ്ചയിൽ അന്വേഷണം ആരഭിച്ചു.

കലബുർഗി: ഹെലികോപ്റ്റർ അപകടത്തിൽ നിന്ന് തലനാരിഴയ്ക്ക് രക്ഷപ്പെട്ട് ബിജെപി നേതാവും കർണാടക മുൻ മുഖ്യമന്ത്രിയുമായ ബി എസ് യെദ്യൂരപ്പ. സഞ്ചരിച്ച ഹെലികോപ്റ്റർ കലബുറഗിയിലെ ഹെലിപാഡിൽ ലാൻഡ് ചെയ്യാൻ തയ്യാറെടുക്കുന്നതിനിടെ പ്ലാസ്റ്റിക് കവറുകളും മാലിന്യങ്ങളും പറന്നുയർന്നതാണ് അപകടകരമായ സാഹചര്യമുണ്ടാക്കിയത്.

മലിനജലത്തിൽ നിന്നും 140 കോടി; പ്ലേഗിന് മുന്നിൽ പകച്ച സൂറത്ത് മാതൃക; ബ്രഹ്മപുരത്തേക്ക് വേണ്ടത് എന്ത്?

അപകടകരമായ സാഹചര്യം തിരിച്ചറിഞ്ഞ സുരക്ഷാ ഉദ്യോഗസ്ഥർ ഉടൻ തന്നെ ഗ്രൗണ്ട് വൃത്തിയാക്കി. തുടർന്നാണ് ഹെലിപാഡിൽ ഹെലികോപ്റ്റർ ലാൻഡ് ചെയ്തത്. സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ വൈറലായി.

ബിജെപിയുടെ ജനസങ്കൽപ യാത്രയിൽ പങ്കെടുക്കാൻ യെദ്യൂരപ്പ കലബുറഗിയിൽ എത്തിയപ്പോഴാണ് സംഭവം. ഹെലികോപ്റ്റർ ലാൻഡ് ചെയ്യാനൊരുങ്ങവെ പ്ലാസ്റ്റിക് ഷീറ്റുകളും മാലിന്യങ്ങളും വായുവിൽ ഉയർന്നതോടെ അപകടം തിരിച്ചറിഞ്ഞ പൈലറ്റ് ലാൻഡിംഗ് നിർത്തിവെക്കുകയും ചോപ്പർ ഏറെനേരം ആകാശത്ത് വട്ടമിട്ടു പറക്കുകയുമായിരുന്നു.

ഹെലികോപ്റ്റർ ആകാശത്ത് വട്ടമിട്ട് പറന്ന സമയത്ത് സ്ഥലത്തുണ്ടായിരുന്ന സുരക്ഷാ ഉദ്യോഗസ്ഥർ ഉടൻ തന്നെ ഗ്രൗണ്ട് വൃത്തിയാക്കി. പ്ലാസ്റ്റിക് ഷീറ്റുകളും മാലിന്യങ്ങളും സമീപത്ത് നിന്ന് നീക്കി. തുടർന്നാണ് ഹെലികോപ്റ്റർ സുരക്ഷിതമായി ലാൻഡ് ചെയ്തത്.

യൂട്യൂബ് നോക്കി പ്രസവിച്ചു, കുഞ്ഞിനെ കഴുത്തുഞെരിച്ചു കൊന്ന് ഒൻപതാം ക്ലാസുകാരി

സംഭവത്തിൽ അധികൃതരുടെ ഭാഗത്ത് നിന്നുമുണ്ടായ വീഴ്ചയിൽ അന്വേഷണം ആരഭിച്ചു. ഗുരുതരമായ വീഴ്ചയാണ് സംഭവിച്ചതെന്നാണ് നിഗമനം. ബിജെപിയുടെ യാത്രയിൽ പങ്കെടുക്കാനാണ് യെദ്യൂരപ്പ നഗരത്തിൽ എത്തിയതെന്ന് അധികൃതർ അറിയിച്ചു. നേതാക്കൾക്ക് സ്ഥലത്ത് എത്താനാണ് താത്കാലികമായി ഹെലിപാഡ് നിർമിച്ചത്. എന്നാൽ ഹെലികോപ്റ്റർ ലാൻഡ് ചെയ്യേണ്ട സമയത്ത് പാലിക്കേണ്ട നിർദേശങ്ങൾ പാലിക്കപ്പെട്ടില്ല. ഹെലിപാഡിൻ്റെ അറ്റകുറ്റപ്പണി പൂർത്തിയായിരുന്നില്ലെന്നും ഇതേ തുടർന്നാണ് ലാൻഡിംഗ് സമയത്ത് പ്ലാസ്റ്റിക് ഉൾപ്പെടെയുള്ളവ പറന്നതെന്നുമാണ് റിപ്പോർട്ട്.