പല പ്രശ്‌നങ്ങള്‍ക്കും പ്രമേഹം വഴിയൊരുക്കുന്നു. ഗര്‍ഭകാലത്ത് രക്തത്തിലെ ഗ്ലൂക്കോസ് തോത് കൃത്യമായി നിരീക്ഷിയ്‌ക്കേണ്ടതിന്റെ ആവശ്യകതയെ കുറിച്ച് Dr.Suhasini Inamdar, Consultant – Obstetrician & Gynaecologist, Motherhood Hospitals, Indiranagar, Bangalore വിശദീകരിയ്ക്കുന്നു.
ഗ്ലൂക്കോസ് തോത് കൂടുതലെങ്കില്‍
രക്തത്തിലെ ഗ്ലൂക്കോസാണ് എനര്‍ജി നല്‍കുന്നത്. അമ്മയുടെ ശരീരത്തില്‍ നിന്നും ഇത് പ്ലാസന്റയിലൂടെ കുഞ്ഞിലെത്തുന്നു. ആവശ്യത്തിന് ഗ്ലൂക്കോസ് വേണമെങ്കിലും അധികമായാല്‍ ഇത് ദോഷം വരുത്തുന്ന ഒന്നാണ്. മുന്‍കാലങ്ങളില്‍ രക്തത്തില്‍ ഗ്ലൂക്കോസ് തോത് അധികമാകുന്നത് അബോര്‍ഷനും കുഞ്ഞിന് വൈകല്യങ്ങള്‍ക്കുമെല്ലാം ഇടയാക്കിയിരുന്നു.
ഗര്‍ഭകാലത്ത് രക്തത്തിലെ ഗ്ലൂക്കോസ് തോത് കൂടുതലെങ്കില്‍ ഇത്തരം പല പ്രശ്‌നങ്ങള്‍ക്കും സാധ്യതയേറെയാണെന്ന് ഡോക്ടര്‍ പറയുന്നു.
ഗ്ലൂക്കോസ് തോത് ഉയരുന്നത്
ഇപ്പോഴത്തെ കാലഘട്ടത്തില്‍ ഗ്ലൂക്കോസ് തോത് ഉയരുന്നത് കുഞ്ഞിന്റെ വലിപ്പവും തൂക്കവും വര്‍ദ്ധിയ്ക്കാന്‍ ഇടയാക്കുന്നു. ഇത് പ്രസവ സമയത്ത്, പ്രത്യേകിച്ചും സാധാരണ പ്രസവമെങ്കില്‍ ബുദ്ധിമുട്ടുകളുണ്ടാക്കുന്നതായി ഡോക്ടര്‍ സുഹാസിനി പറയുന്നു. ഇതിനാല്‍ തന്നെ സിസേറിയന്‍ എന്ന വഴിയിലേയ്ക്ക് പോകുകയും ചെയ്യുന്നു.
ഇതു പോലെ കുഞ്ഞ് ചാപിള്ളയായി ജനിയ്ക്കാനും ഗ്ലൂക്കോസ് തോതുയര്‍ന്നാല്‍ സാധ്യതയേറെയാണ്.
ഹൈപ്പര്‍ ടെന്‍ഷന്‍ സാധ്യത
ഗര്‍ഭകാലത്ത് അമ്മയ്ക്ക് പ്രമേഹമെങ്കില്‍ പ്രസവമടുക്കുന്നതോടെ ഹൈപ്പര്‍ ടെന്‍ഷന്‍ സാധ്യതയും ഏറെയാണ്. ബിപി കൂടുന്നതിനൊപ്പം അംമ്‌നിയോട്ടിക് ഫ്‌ളൂയിഡ് കൂടി വര്‍ദ്ധിയ്ക്കുന്ന അവസ്ഥയാണിത്. പോളിഹൈഡ്രാമിനോസ് എന്നാണ് ഈ അവസ്ഥ അറിയപ്പെടുന്നത്. ഗര്‍ഭകാല പ്രമേഹമുള്ള സ്ത്രീകളില്‍ യൂറിനറി ഇന്‍ഫെക്ഷനുള്ള സാധ്യത ഏറെയാണ്.
ഗര്‍ഭകാലത്ത് അണുബാധകള്‍ അമ്മയ്ക്കും കുഞ്ഞിനും ഒരു പോലെ ബുദ്ധിമുട്ടുള്ളതാണ്.
അമ്മയ്ക്ക് പ്രമേഹമെങ്കില്‍
അമ്മയ്ക്ക് പ്രമേഹമെങ്കില്‍ കുഞ്ഞിന് എല്ലുകള്‍ക്ക് പൊട്ടലുണ്ടാക്കാന്‍ കാരണമാകുന്നു. ഇത് ഷോള്‍ഡര്‍ ഡിസ്‌റ്റോഷ്യ എന്നാണ് അറിയപ്പെടുന്നത്. സാധാരണ പ്രസവമെങ്കില്‍ ഇത്തരം അവസ്ഥയില്‍ ബര്‍ത് കനാലില്‍, അതായത് കുഞ്ഞ് പുറത്തേയ്ക്ക് വരുന്ന ഇടത്ത് മുറിവുകള്‍ക്ക് സാധ്യതയേറെയാണ്. കുഞ്ഞിന് തൂക്കവും വലിപ്പവും കൂടുന്നതിനാല്‍ സാധാരണ പ്രസവമെന്നത് ബുദ്ധിമുട്ടാകുന്ന അവസ്ഥയിലാണ് ഇത് സംഭവിയ്ക്കുന്നത്. ഇത്തരം കാരണങ്ങള്‍ കൊണ്ടു തന്നെ ഗര്‍ഭകാലത്ത് രക്തത്തിലെ ഗ്ലൂക്കോസ് തോത് കൃത്യമായി നിരീക്ഷിയ്‌ക്കേണ്ടത് അത്യാവശ്യമാണ്.
മാത്രമല്ല, ഷുഗര്‍ തോത് നിയന്ത്രിച്ച് നിര്‍ത്താനുള്ള വഴികള്‍ സ്വീകരിയ്ക്കുകയും വേണം. ആരോഗ്യകരമായ ഡയറ്റ്, വ്യായാമം, ഉറക്കം, ധ്യാനം എന്നിവയെല്ലാം പ്രധാനമാണ്. ഡോക്ടറുടെ നിര്‍ദേശം തേടുകയും അവ പാലിയ്ക്കുകയും ചെയ്യുകയെന്നതും പ്രധാനമാണെന്ന് ഡോക്ടര്‍ വിശദീകരിയ്ക്കുന്നു. Cinnamon For Diabetes: പ്രമേഹത്തിന് പരിഹാരം 5 ദിനത്തിലൊരു വെള്ളം
