സൗദിയിൽ കാറിനുള്ളിലിട്ട് യുവാവിനെ തീ കൊളുത്തി കൊലപ്പെടുത്തിയ സംഭവം; പ്രതിയുടെ വധശിക്ഷ അപ്പീല്‍ കോടതി ശരിവെച്ചു

ഒരു മാസം മുമ്പാണ് ഈ കൊലപാതകം നടന്നത്. സൗദി എയര്‍ലൈന്‍സ് ജീവനക്കാരനായിരുന്നു കൊല്ലപ്പെട്ട യുവാവ്. ഇയാളെ തന്ത്രപൂർവം വിളിച്ചു വരുത്തി കാറിന്റെ ഉള്ളിലിട്ട് മർദ്ദിച്ചു. അതിന് ശേഷം വാഹനം പെട്രോള്‍ ഒഴിച്ച് തീകൊളുത്തി. ഗുരുതരമായി പൊള്ളലേറ്റ യുവാവ് കാറിനുള്ളിൽ കിട്ടന്നു മരിച്ചു. മരണവെപ്രാളത്തില്‍ അദ്ദേഹം കാറിന്റെ ഉള്ളിൽ നിന്നും വിളിച്ചു പറയുന്നത് കേൾക്കാം. താൻ എന്ത് തെറ്റാണ് ചെയ്തതെന്ന്. ഇതിന്റെ വീഡിയോ സോഷ്യൽ മീഡിയയിൽ പ്രചരിച്ചിരുന്നു. കാറിനുള്ളിൽ കിടന്നു വെന്താണ് യുവാവ് മരിച്ചത്.

Also Read: ദുബായ് പോലീസിന് കെെക്കൂലി കൊടുക്കാൻ ശ്രമിച്ചു; പ്രവാസിക്ക് കിട്ടിയത് എട്ടിന്റെ പണി

സൗദിയില്‍ വലിയ പ്രതിക്ഷേധത്തിന് ഇടയാക്കിയ സംഭവം ആയിരുന്നു ഇത്. കൂട്ടുകാരനെ കൊലപ്പെടുത്താന്‍ എന്താണ് പ്രതിയെ പ്രേരിപ്പിച്ചത് എന്ന് വ്യക്തമല്ല. ഇവർ തമ്മിൽ തർക്കമുണ്ടായിരുന്നു എന്ന് പ്രതിയുടെ അഭിഭാഷകൻ കോടതിയിൽ പറഞ്ഞു. യുവാവിനെ കൊലപ്പെടുത്താന്‍ ഉദ്ദേശിച്ചിരുന്നില്ലെന്നാണ് പ്രതി അപ്പീൽ കൊടതിയിൽ പറഞ്ഞത്. എന്നാൽ ഈ വാദം കേടതി തള്ളി. വധശിക്ഷ അപ്പീല്‍ കോടതി ശരിവെക്കുകയും ചെയ്തു. സോഷ്യൽ മീഡിയയിൽ വലിയ ചർച്ചാണ് ഇതുമായി ബന്ധപ്പെട്ട് നടന്നത്. വീഡിയോക്ക് താഴെ നിരവധി പേർ കമന്റുമായി എത്തിയിരുന്നു.

Read Latest Gulf News and Malayalam News