ഷാർജ> മാസ് ഷാർജ യുടെ മുതിർന്ന നേതാവും ഇന്ത്യൻ അസോസിയേഷൻ ഷാർജയുടെ ദീർഘകാല ഭരണ സമിതി അംഗവുമായിരുന്ന മാധവൻ പാടിയുടെ രണ്ടാം ചരമ വാർഷിക അനുസ്മരണവും; പാടി എൻഡോവ്മെന്റ് അവാർഡ് വിതരണവും നടന്നു.
ഷാർജ ഇന്ത്യൻ അസോസിയേഷൻ കോൺഫറൻസ് ഹാളിൽ നടന്ന പരിപാടിയിൽ മാസ് പ്രസിഡന്റ് വാഹിദ് നാട്ടിക അധ്യക്ഷനായി. ജനറൽ സെക്രെട്ടറി സമീന്ദ്രൻ സ്വാഗതം പറഞ്ഞു. മാസിന്റെ സ്ഥാപക പ്രസിഡന്റ് അബ്ദുൽ ഹമീദ് അനുസ്മരണ പ്രഭാഷണം നടത്തി.
പ്രവാസി ക്ഷേമനിധി ബോർഡ് ഡയറക്ടർ ആർപി മുരളി, എൻടിവി ചെയർമാൻ മാത്തുക്കുട്ടി കാടോൺ , ഷാർജ ഇന്ത്യൻ അസ്സോസിയേഷനിലെ അഫിലിയേറ്റഡ് ആയ വിവിധ സംഘടനകളുടെ പ്രതിനിധികളും അസോസിയേഷൻ ഭരണസമിതി അംഗങ്ങളും മാധവൻ പാടിയെ അനുസ്മരിച്ചു. സ്മരണാർത്ഥം മാസ് ഏർപ്പെടുത്തിയിട്ടുള്ള മാധവൻ പാടി എൻഡോവ്മെന്റ് പുരസ്‌കാരം ഷാർജ ഇന്ത്യൻ സ്‌കൂളിലെ ബോയ്സ് വിഭാഗത്തിലെ ബഷാർ ഇർഫാൻ നയിക്കും ഗേൾസ് വിഭാഗത്തിലെ റിഥികിസിങ്ങറും ഏറ്റു വാങ്ങി.
ഇന്ത്യൻ സ്‌കൂളുകളുടെ സിഇഓ രാധാകൃഷ്ണൻ, സ്‌കൂൾ പ്രിൻസിപ്പാൾ മാർ ആയ മുഹമ്മദ് അമീൻ, പ്രമോദ് മഹാജൻ എന്നിവർ പുരസ്‌കാരങ്ങളും ക്യാഷ് അവാർഡും വിതരണം ചെയ്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
