ഇത്തരത്തില്‍ ലോക്ഡൗണില്‍ വര്‍ക്ക് ഫ്രം ഹോം കിട്ടിയതോടെ തടി വെച്ച ഒരു വ്യക്തിയാണ് പൂന്നൈ സ്വദേശിയായ ദീപക് റായ. ഒരു ഐടി കമ്പനിയിലെ ജീവനക്കാരനാണ് ദീപക്. കൊവിഡ് വ്യാപിച്ചപ്പോള്‍ ദീപക്കിന്റെ കമ്പനിയും എല്ലാ ജീവനക്കാര്‍ക്കും വര്‍ക്ക് ഫ്രം ഹോം നല്‍കി.
എന്നാല്‍, വര്‍ക്ക് ഫ്രം ഹോം കിട്ടിയതോടെ ജീവിതരീതിയില്‍ തന്നെ കുറേ മാറ്റം വന്നു. ചിട്ടയില്ലാത്ത ആഹാരരീതിയും വ്യായാമക്കുറവുമെല്ലാം ദീപക്കിന്റെ വണ്ണം ഇരട്ടിപ്പിച്ചു. ഒരു ദിവസം തനിക്ക് എത്ര കിലോ കൂടി എന്ന് പരിശോധിച്ചപ്പോള്‍ ദീപക് പോലും ഞെട്ടി. 88.8 കിലോ ആണ് കാണിച്ചത്. അഥായത്, ദീപക്കിന്റെ മുന്‍പത്തെ ശരീരഭാരത്തേക്കാള്‍ ഇരട്ടി.
ഇത് ദീപക്കിനെ മാനസിക മായി തളര്‍ത്തി. പലപ്പോഴും തന്റെ ചാടിയ വയര്‍ പുറത്ത് കാണിക്കാതിരിക്കാന്‍ കോട്ട് ഇട്ട് മറയ്‌ക്കേണ്ട അവസ്ഥവരെ ഉണ്ടായിട്ടുണ്ടെന്ന് ദീപക് വെളിപ്പെടുത്തുന്നു.
മാറ്റത്തിനുള്ള തുടക്കം
എനിക്ക് 88.8 കിലോ ശരീരഭാരം ഉണ്ട് എന്ന് സുഹൃത്തുക്കളോട് പറഞ്ഞപ്പോള്‍ അവര്‍ക്ക് പോലും ഇത് വിശ്വസിക്കാനായില്ല. കാരണം, ഇത്രയധികം തടി കൂടുമോ എന്നതായിരുന്നു അവരുടെ സംശയം. സത്യത്തില്‍ അവരാണ് എനിക്ക് ജിമ്മില്‍ പോകാന്‍ നിര്‍ദ്ദേശിച്ചത്.
അതിനാല്‍ ഫിറ്റ്‌നസ്സ് ട്രെയ്‌നര്‍ ആയിട്ടുള്ള എന്റെ ഒരു സുഹൃത്തിനെ സമീപിക്കുകയും അവന്‍ എന്നോട് ആദ്യം കുറച്ച് മെഡിക്കല്‍ ചെക്കപ്പ് നടത്താന്‍ നിര്‍ദ്ദേശിക്കുകയും ചെയ്തു. മെഡിക്കല്‍ ചെക്കപ്പ് നടത്തിയപ്പോള്‍ കൂടുതല്‍ ടെന്‍ഷനായി. അതിന്റെ ഫലത്തിന്റെ അടിസ്ഥാനത്തിലാണ് പിന്നീട് ഞാന്‍ എന്റെ വേയ്റ്റ് ലോസ്സ് ജേര്‍ണി ആരംഭിച്ചത് തന്നെ.
എന്റെ ഡയറ്റ് പ്ലാന്‍
രാവിലെ 2 പുഴുങ്ങിയ മുട്ടയും 3 ഇഢ്‌ലി, അല്ലെങ്കില്‍ പോഹ, കുറച്ച് കോണ്‍ഫ്‌ലേയ്ക്‌സ്, അലേലെങ്കില്‍ രണ്ട് റൊട്ടിയും പച്ചക്കറികളും കൂട്ടി ആഹാരം കഴിക്കും.
ഉച്ചയ്ക്ക് 250 ഗ്രാം ചോറ്, ചെറിയ കറിപാത്രത്തില്‍ പരിപ്പ് കറി, അതുപോലെ, സാലഡ്, പ്രോട്ടീന്‍ റിച്ച് ആയിട്ടുള്ള എന്തെങ്കിലും ആഹാരം, ഒപ്പം കുറച്ച് പച്ചക്കറികളും ചേര്‍ക്കും. രാത്രിയില്‍ 250 ഗ്രാം ചോറും അതിന്റെ കൂടെ കുറച്ച് പരിപ്പു കറിയും പച്ചക്കറികളും കഴിക്കും. അല്ലെങ്കില്‍ രണ്ട് ചപ്പാത്തി, പച്ചക്കറികള്‍, സാലഡ്, പ്രോട്ടീന്‍ റിച്ച് ആയിട്ടുള്ള ആഹാരങ്ങള്‍ എന്നിവ ചേര്‍ത്ത് കഴിക്കും.
ഞാന്‍ വര്‍ക്കൗട്ട് ചെയ്യാന്‍ പോകുന്നതിന് മുന്‍പ് സാധാരണയായി നേന്ത്രപ്പഴം, അല്ലെങ്കില്‍ ആപ്പിള്‍ എന്നിവയാണ് കഴിക്കാറുള്ളത്. ഇടയ്ക്ക് വല്ലപ്പോഴും കൊതി തോന്നുമ്പോള്‍ പിസ്സ, മോമോസ്, ചാട്ട്, പാനിപൂരി എന്നിവയും കഴിക്കുക്കാറുണ്ട്.
വ്യായാമ രീതികള്‍
ഒരു ദിവസം 10,000 സ്റ്റെപ്പ് നടക്കും. അതും ഒട്ടും മടി കൂടാതെ തന്നെ. ഞാന്‍ സാധാരണയായി ഗ്രൗണ്ടില്‍ ആണ് നടക്കാന്‍ പോകാറുള്ളത്. ഒരു 6 റൗണ്ട് നടക്കുമ്പോള്‍ തന്നെ 10,000 എന്ന ടാര്‍ഗറ്റ് എനിക്ക് നേടിയെടുക്കാന്‍ സാധിക്കാറുണ്ട്.
ആദ്യമൊക്കെ എനിക്ക് ഭയങ്കര ക്ഷീണവും തളര്‍ച്ചയും ശരീരത്തില്‍ നല്ല വേദനയുമെല്ലാം തോന്നിയെങ്കിലും പതിയെ പതിയെ ഞാന്‍ അതിനോട് യോജിച്ച് പോന്നു. നടത്തം മാത്രമല്ല, പുഷ്അപ്പ് എടുക്കും, ജംപിംഗ് ജാക്ക്‌സ്, റണ്ണിംഗ്, ജോഗിംഗ് എന്നിവയെല്ലാം ഞാന്‍ ചെയ്യുമായിരുന്നു.
ഫിറ്റ്‌നസ്സിന്റെ രഹസ്യം
ഫിറ്റ്‌നസ്സ് സീക്രട്ട് എന്ന് പറഞ്ഞാല്‍ നല്ല ഹോംലി ഫുഡ് കഴിക്കാന്‍ ശ്രമിക്കും. അത്ര തന്നെ. പ്രത്യേകിച്ച് അമ്മ ഉണ്ടാക്കി തരുന്ന ആഹാരങ്ങള്‍ സ്ഥിരമായി കഴിക്കാന്‍ തുടങ്ങിയതോടെ ശരീരത്തില്‍ നല്ല മാറ്റം കണ്ടുതുടങ്ങി. പുറത്ത് നിന്നുള്ള ആഹാരങ്ങള്‍ കഴിവതും ഒഴിവാക്കും.
ഇത് കൂടാതെ, ഇടയ്ക്കിടയ്ക്ക് മെഡിക്കല്‍ ചെക്കപ്പ് നടത്തി എന്റെ ആരോഗ്യം ഓക്കെ അല്ലേ എന്നും ഉറപ്പ് വരുത്തും. ഇതെല്ലാം അമിതവണ്ണം കുറയ്ക്കാന്‍ എന്നെ വളരെയധികം സഹായിച്ചിട്ടുണ്ട്.
Also Read: ദിവസേന 1 ടേബിള്‍സ്പൂണ്‍ വീതം ഈ പാനീയം കുടിച്ചാല്‍ കൊഴുപ്പ് കുറച്ച് തടി വേഗത്തില്‍ കുറയ്ക്കാം
എന്തെല്ലാം ബുദ്ധിമുട്ടുകള്‍ നേരിട്ടിരുന്നു
അമിതവണ്ണം ഉണ്ടായിരുന്ന സമയത്ത് എനിക്ക് ഇഷ്ടമുള്ള വസ്ത്രങ്ങള് ധരിക്കാന്‍ പോലും സാധിച്ചിരുന്നില്ല. ഏത് വസ്ത്രം ധരിച്ചാലും വയര്‍ ഉന്തി നില്‍ക്കുന്ന അവസ്ഥയായിരുന്നു. അതുകൊണ്ടുതന്നെ ജാക്കറ്റ് ധരിച്ചാണ് ഞാന്‍ പുറത്തേക്ക് പോലും പോയിരുന്നത്.
ഇത് കൂടാതെ, കൊളസ്‌ട്രോള്‍, തൈറോയ്ഡ്, കരള്‍ രോഗങ്ങള്‍ എന്നിവയും എന്നെ പിടികൂടി തുടങ്ങിയിരുന്നു. ഇതെല്ലാം തന്നെ എന്നെ മാനസികമായി തളര്‍ത്തിയിരുന്ന കാര്യങ്ങളാണ്. വിറ്റമിന്‍ ബിയും അയേണും ശരീരത്തില്‍ കുറഞ്ഞ് തുടങ്ങിയതും പല ബുദ്ധിമുട്ടുകള്‍ ഉണ്ടാക്കി.
ഇതില്‍ നിന്നെല്ലാം എന്നെ സത്യത്തില്‍ രക്ഷിച്ചത് എന്റെ ചിട്ടയായ ഡയറ്റും വ്യായാമവും ആണ്. ഇന്ന് ഞാന്‍ എന്റെ ശരീരം നല്ല ഫിറ്റായി കൊണ്ടുനടക്കുന്നു.
Disclaimer: ഇതിലെ അനുഭവസ്ഥന്‍ പിന്തുടര്‍ന്ന ഡയറ്റും വ്യായാമവും എല്ലാവരിലും വര്‍ക്ക് ആകണമെന്നില്ല. അതിനാല്‍, നിങ്ങളുടെ ശരീരത്തിനൊത്തുള്ള വ്യായമവും ഡയറ്റും തിരഞ്ഞെടുക്കുക.
