കാണ്‍പൂര്‍: ഉത്തര്‍പ്രദേശില്‍ ഡോക്ടര്‍ ദമ്പതികളുടെ മകളെ ലഹരി നല്‍കി ക്രൂര പീഡനത്തിന് ഇരയാക്കിയതായി പരാതി. സംഭവത്തില്‍ ഒരാളെ അറസ്റ്റ് ചെയ്തു. ഹൂക്ക ബാറില്‍ വെച്ച് ശീതള പാനിയത്തില്‍ മയക്കുമരുന്ന് കലര്‍ത്തി നല്‍കിയായിരുന്നു പീഡനം. കാണ്‍പൂര്‍ സ്വദേശിയായ വിജയ് ഠാക്കൂര്‍ എന്ന യുവാവിനെ പോലീസ് അറസ്റ്റ് ചെയ്തു. ഇന്‍സ്റ്റഗ്രാമിലൂടെയാണ് 16കാരിയായ പെണ്‍കുട്ടിയും വിജയ് ഠാക്കൂറും തമ്മില്‍ പരിചയപ്പെടുന്നത്.
വിജയ് ഠാക്കൂര്‍ ഉള്‍പ്പെടെ 8 പേര്‍ക്കെതിരെയാണ് പെണ്‍കുട്ടിയുടെ പിതാവ് പരാതി നല്‍കിയത്. മാര്‍ച്ച് നാലാം തീയതി കറാഹിയിലെ എംജി കഫേയിലേക്ക് വിനയ് പെണ്‍കുട്ടിയെ വിളിച്ചുവരുത്തുകയായിരുന്നു. ഇരുവരും ഒരുമിച്ചിരുന്ന് ഹുക്ക വലിച്ചു. അതിന് ശേഷം ശീതളപാനിയം ഓര്‍ഡര്‍ ചെയ്തു. പെണ്‍കുട്ടി അറിയാതെ ശീതളപാനിയത്തില്‍ യുവാവ് മയക്കുമരുന്ന് കലര്‍ത്തുകയായിരുന്നു. ക്ഷീണിതയായ പെണ്‍കുട്ടിയേയും കൊണ്ടും പുറത്തിറങ്ങിയ യുവാവ് ആളൊഴിഞ്ഞ ഇടത്തേയ്ക്ക് കൊണ്ടുപോയി ബലാത്സംഗത്തിന് ഇരയാക്കുകയായിരുന്നു.
വിനയ് ഠാക്കൂറിന് പിന്നാലെ ഇയാളുടെ 7 സുഹൃത്തുക്കളും പെണ്‍കുട്ടിയെ ബലാത്സംഗത്തിന് ഇരയാക്കിയതയാണ് പരാതിയില്‍ ചൂണ്ടിക്കാട്ടുന്നത്. ഇതിനിടെ പ്രതി പെണ്‍കുട്ടിയുടെ ദേഹമാസകലം കടിച്ചുമുറിവേല്‍പ്പിച്ചു. എതിര്‍ക്കാന്‍ ശ്രമിച്ച പെണ്‍കുട്ടിയെ ക്രൂരമായി മര്‍ദ്ദിച്ചെന്നും പരാതിയില്‍ ചൂണ്ടിക്കാട്ടുന്നു.
പീഡനത്തിന്റെ വീഡിയോ ചിത്രീകരിച്ചെന്നും ഇത് താന്‍ സമൂഹമാധ്യമങ്ങളില്‍ പ്രചരിപ്പിക്കുമെന്ന് യുവാവ് പെണ്‍കുട്ടിയെ ഭീഷണിപ്പെടുത്തുന്നതായും പരാതിയില്‍ പറയുന്നുണ്ട്. പെണ്‍കുട്ടി മറ്റാരെയും വിവാഹം ചെയ്യാതിരിക്കാനായി നെഞ്ചില്‍ ബ്ലേഡ് കൊണ്ട് പ്രതി തന്റെ പേര് എഴുതിയതായും പരാതിയില്‍ ചൂണ്ടിക്കാട്ടുന്നു. രാജസ്ഥാനിലെ കോട്ടയില്‍ എഞ്ചിനീയറിംഗ് പ്രവേശന പരീക്ഷയ്ക്കായി തയ്യാറെടുക്കുകയായിരുന്ന പെണ്‍കുട്ടിയാണ് പീഡനത്തിന് ഇരയായത്. പെണ്‍കുട്ടിക്ക് അയച്ച് നല്‍കുന്ന പണം യുവാവ് തട്ടിയെടുക്കുകയായിരുന്നുവെന്നും പിതാവ് ആരോപിക്കുന്നു.
സ്കൂട്ടറിൽ നിന്ന് തെറിച്ച് വീണു, ശരീരത്തിലൂടെ ടിപ്പർ ലോറി കയറി ഇറങ്ങി, അധ്യാപികയ്ക്ക് ദാരുണാന്ത്യം
Read Latest National News and Malayalam News
ജോലിത്തിരക്കിന് ഇടവേള നൽകി ടെക്കികൾ
