കാല്‍ വരവിള്ളുന്നതിന് കാരണങ്ങള്‍ ഇതാണ്
വരണ്ട ചര്‍മ്മം ഉള്ളവര്‍ക്ക് കാല്‍ പെട്ടെന്ന് വിണ്ടുപൊളിയാന്‍ സാധ്യത വളരെ കൂടുതലാണ്. അതുപോലെ, ചിലര്‍ ചെരിപ്പില്ലാതെ മണ്ണില്‍ നടക്കുന്നത് കാണാം. എന്നാല്‍, എല്ലാ മണ്ണും നമ്മളുടെ ചര്‍മ്മത്തിന് നല്ലതായിരിക്കണമെന്നില്ല. ചില മണ്ണ്, പ്രത്യേകിച്ച് കറുത്ത മണ്ണ്, അല്ലെങ്കില്‍ പാടത്തിനോട് ചേര്‍നന് വീടുള്ളവര്‍ മണ്ണില്‍ ഇറങ്ങുമ്പോള്‍ ശ്രദ്ധിക്കുന്നത് നല്ലതാണ്. അവിടത്തെ മണ്ണെല്ലാം കാല്‍ വരവിള്ളുന്നതിലേയ്ക്കും പെട്ടെന്ന് വരവിണ്ട ഭാഗത്ത് കറപിടിപ്പിക്കുന്നതിനും കാരണമാണ്.
കാല്‍ ഒട്ടും മോയ്‌സ്ച്വര്‍ ചെയ്ത് നിലനിര്‍ത്താത്തതും, അതുപോലെ, ഓപ്പണ്‍ ആയിട്ടുള്ള ചെരിപ്പ് അമിതമായി ഉപയോഗിക്കുന്നതും കാല്‍ വിണ്ട് പൊട്ടുന്നതിന് കാരണമാണ്. നല്ലപോലെ വരണ്ടിരിക്കുന്ന അന്തരീക്ഷത്തിലും തണുപ്പുള്ള അന്തരീക്ഷത്തിലും കാല്‍ വിണ്ട് പൊട്ടാം.
അതുപോലെ. കുറേ നേരം നിന്ന് പണിയെടുക്കുന്നവരുടെ കാലിലും ഇത്തരം പ്രശ്‌നങ്ങള്‍ പൊതുവില്‍ കണ്ട് വരുന്നുണ്ട്.
തേനും ചൂടുവെള്ളവും
വരവിണ്ടിരിക്കുന്ന കാല്‍ നല്ല സോഫ്റ്റാക്കി എടുക്കുന്നതിനും നല്ല ക്ലിയറാക്കി എടുക്കുന്നതിനും ഏറ്റവും നല്ല പരിഹാരമാണ് തേനും ചൂടുവെള്ളവും. ഇന്ന് ഒട്ടുമിക്ക വീടുകളിലും തേന്‍ ലഭ്യമാണ്. അതിനാല്‍ തന്നെ ഈ മാര്‍ഗ്ഗം നിങ്ങള്‍ക്ക് വീട്ടില്‍ വളരെ എളുപ്പത്തില്‍ തന്നെ ഉപയോഗിക്കാനും സാധിക്കും.
നമ്മളുടെ ചര്‍മ്മത്തെ നല്ലപോലെ മോയ്‌സ്ച്വര്‍ ചെയ്ത് നിലനിര്‍ത്തുന്നതിനും നല്ല സോഫ്റ്റ് ആക്കി, ഫ്രഷ് ലുക്ക് നല്‍കുന്നതിനും തേന്‍ വളരെയധികം സഹായിക്കുന്നുണ്ട്. അതിനാല്‍ തന്നെ വരവിണ്ടിരിക്കുന്ന കാല്‍ നല്ല സോഫ്റ്റാക്കി, വിണ്ടുകീറിയതെല്ലാം മാറ്റി എടുക്കാന്‍ തേന്‍ സഹായിക്കും.
ചൂടുവെള്ളത്തില്‍ കാല്‍ മുക്കി വെക്കുന്നത് വരവിണ്ടിരിക്കുന്ന ഭാഗത്ത് അണുക്കളും ചെളിയും പറ്റിപിടിച്ചിരിക്കാന്‍ സാധ്യത വളരെ കൂടുതലാണ്. ഇത്തരത്തില്‍ ഇരിക്കുന്നത് അണുബാധ ഉണ്ടാക്കുന്നതിലേയ്ക്കും വേദനയും അതുപോലെ, ചിലപ്പോള്‍ പഴുക്കുന്നതിലേയ്ക്കും വരെ നയിക്കാം. ഇത് മാറ്റി എടുക്കുന്നതിന് ചൂടുവെള്ളത്തില്‍ മുക്കി വെക്കുന്നത് നല്ലതാണ്.
തയ്യാറാക്കി ഉപയോഗിക്കാം
ഇത് തയ്യാറാക്കുന്നതിനായി ഒരു കപ്പ് തേന്‍ എടുക്കുക. അതുപോലെ, കുറച്ച് ചെറു ചൂടുവെള്ളവും വേണം. ഈ ചെറ ചൂടുവെള്ളത്തിലേയ്ക്ക് നിങ്ങള്‍ എടുത്ത് വെച്ചിരിക്കുന്ന ഒരു കപ്പ് തേന്‍ ചേര്‍ത്ത് നന്നായി മിക്‌സ് ചെയ്യണം. അതിനുശേഷം ഇതിലേയ്ക്ക് കാല്‍ മുക്കിവെച്ച് നന്നായി മസാജ് ചെയ്ത് വൃത്തിയാക്കി വെക്കുക. ഒരു 20 മിനിറ്റ് മുക്കി വെക്കണം.
കാല്‍ എടുത്ത് നന്നായി തുടച്ച് വൃത്തിയാക്കിയതിന് ശേഷം ഏതെങ്കിലും മോയ്‌സ്ച്വറൈസര്‍ പുരട്ടാവുന്നതാണ്. ഇത്തരത്തില്‍ ദിവസേന ചെയ്താല്‍ നല്ല ഫലം നിങ്ങള്‍ക്ക് ലഭിക്കുന്നതാണ്. കാല്‍ പാദങ്ങള്‍ക്ക് നല്ല നിറം ലഭിക്കാനും സോഫ്റ്റാകാനും, കാല്‍ വരവിണ്ടിരിക്കുന്നത് കുറച്ച് കാല്‍പാദം ക്ലിയറാക്കി എടുക്കാനും ഇത് സഹായിക്കും.
കൂടുതല്‍ ഫലത്തിനായി
കൂടുതല്‍ ഫലം പെട്ടെന്ന് ലഭിക്കുന്നതിനായി കാല്‍ തേന്‍ ചൂടുവെള്ളത്തില്‍ മുക്കി വെച്ച് തുടച്ചെടുത്തതിന് ശേഷം എന്നും മോയ്‌സ്ച്വറൈസര്‍ പുരട്ടിക്കൊടുക്കാന്‍ മറക്കരുത്. മോയ്‌സ്ച്വറാസര്‍ ആയി റോസ് വാട്ടറും ഗ്ലിസറിനും മിക്‌സ് ചെയ്തത് പുരട്ടി കൊടുക്കാവുന്നതാണ്.
അതുപോലെ, മോയ്‌സ്ച്വറാസര്‍ പുരട്ടിയതിന് ശേഷം കാലില്‍ സോക്‌സ് ഇട്ട് കിടക്കുന്നത് കൂടുതല്‍ ഗുണം ചെയ്യും. കാലിലെ വരവിള്ളല്‍ മാറ്റി എടുക്കുന്നത് വരെ കാല്‍പാദം പൂര്‍ണ്ണമായും കവര്‍ ചെയ്യുന്ന ചെരുപ്പ്, അല്ലെങ്കില്‍ ഉപ്പൂറ്റി കവര്‍ ചെയ്യുന്ന ചെരുപ്പ് ഉപയോഗിക്കുന്നത് നല്ലതാണ്.
ഇത്തരത്തില്‍ കൃത്യമായി ശ്രദ്ധിച്ചും കാലിലെ അഴുക്ക് കൃത്യമായി നീക്കം ചെയ്തും കാല്‍ പരിപാലിക്കുന്നത് പെട്ടെന്ന് തന്നെ കാലിലെ വരവിള്ളല്‍ മാറ്റി എടുക്കാന്‍ സഹായിക്കുന്നുണ്ട്.
Disclaimer: മേല്‍പറഞ്ഞിരിക്കുന്നത് നാട്ടറിവാണ്. നിങ്ങള്‍ക്ക് എന്തെങ്കിലും ചര്‍മ്മരോഗം മൂലമാണ് കാല്‍ വരവിള്ളുന്നതെങ്കില്‍ ഒരു ഡോക്ടറുടെ അഭിപ്രായം തേടേണ്ടത് അനിവാര്യം.
