‘ബിജെപിയുടെ വിശ്വാസം എന്നും അധികാരമുണ്ടാകുമെന്ന്, അങ്ങനെയല്ല’: കോൺഗ്രസിനെ ഉദാഹരണമാക്കി രാഹുൽ ഗാന്ധി

പുലർച്ചയോടെ സഹർ വേദനകൊണ്ട് നിലവിളിച്ചു, കുടലുകൾക്ക് ക്ഷതമേറ്റു, പാൻക്രിയാസിൽ പൊട്ടൽ, പ്ലീഹ നീക്കം ചെയ്തു, ഒടുവിൽ മരണം

ഒരു പാ‍ർട്ടിയുടെയും അധികാരം ശാശ്വതമല്ലെന്ന് കോൺഗ്രസിനെ ഉദാഹരണമാക്കിക്കൊണ്ടായിരുന്നു അദ്ദേഹം പറഞ്ഞത്. “ബിജെപി പത്ത് വർഷത്തോളം അധികാരത്തിലെത്തുന്നതിനു മുൻപ് ഞങ്ങളായിരുന്നു 10 വർഷം ഭരിച്ചത്. എന്നാൽ അവർ അധികാരത്തിൽ വന്നെന്നും ഇനി എന്നും അവർ ആയിരിക്കും ഭരിക്കുക എന്നും വിശ്വസിക്കാനാണ് ബിജെപിയ്ക്ക് ഇഷ്ടം. പക്ഷെ അങ്ങനെ സംഭവിക്കാൻ പോകുന്നില്ല.” 2014ൽ നരേന്ദ്ര മോദിയുടെ നേതൃത്വത്തിൽ കോൺഗ്രസിനെ പരാജയപ്പെടുത്തി അധികാരത്തിലെത്തിയ ബിജെപി 2019ലും വിജയം ആവർത്തിക്കുകയായിരുന്നു. വരുന്ന പൊതുതെരഞ്ഞെടുപ്പിൽ ബിജെപിയുടെ തേരോട്ടത്തിന് കടിഞ്ഞാണിടാനുള്ള നീക്കത്തിലാണ് കോൺഗ്രസ് അടക്കമുള്ള പ്രതിപക്ഷ പാർട്ടികൾ.

ഗ്രാമീണമേഖലകളിൽ ശ്രദ്ധ കേന്ദ്രീകരിച്ചപ്പോൾ നഗരവോട്ടർമാർ കൈവിട്ടതാണ് കോൺഗ്രസിന് പ്രശ്നമായത് എന്നായിരുന്നു രാഹുൽ ഗാന്ധിയുടെ വാദം. ഇത്തരത്തിൽ രാജ്യത്ത് നടന്ന ചില മാറ്റങ്ങളാണ് കോൺഗ്രസിനും യുപിഎ മുന്നണിയ്ക്കും പ്രതിസന്ധിയായത്. എന്നാൽ ബിജെപി അധികാരത്തിൽ വന്നതോടെ കോൺഗ്രസ് ഇല്ലാതായെന്നു വാദിക്കുന്നത് പരിഹാസ്യമായ കാര്യമാണെന്നും രാഹുൽ പറഞ്ഞു. ഇന്ത്യൻ ജനാധിപത്യത്തിനു സാരമായ പ്രശ്നമുണ്ടെന്നു പറയുന്നത് കോൺഗ്രസ് മാത്രമല്ല, വിദേശമാധ്യമങ്ങൾ കൂടിയാണെന്നും രാഹുൽ കൂട്ടിച്ചേർത്തു.



വർക്കലയിൽ പാരാഗ്ലൈഡിങിനിടെ അപകടം; യുവാവും യുവതിയും ഹൈമാസ്റ്റ് ലൈറ്റിൻ്റെ പോസ്റ്റിൽ കുടുങ്ങി

വിവാദങ്ങളോടു ബിജെപി പ്രതികരിക്കുന്ന രീതിയെയും രാഹുൽ വിമർശിച്ചു. ബിജെപിയ്ക്ക് സംവാദങ്ങളോടു താത്പര്യമില്ലെന്നും രാജ്യത്തു നടക്കുന്ന കാര്യങ്ങൾ അവർക്കു മാത്രമാണ് അറിയുന്നത് എന്ന രീതിയിലാണ് പെരുമാറ്റമെന്നും രാഹുൽ കുറ്റപ്പെടുത്തി. പെഗാസസ് പോലുള്ള കാര്യങ്ങൾ കോൺഗ്രസ് ഭരിച്ചപ്പോൾ സംഭവിച്ചിരുന്നില്ല. രാജ്യത്ത് നടക്കുന്ന കാര്യങ്ങൾ ഇന്ന് എല്ലാവർക്കും മനസ്സിലാകുമെന്നും രാഹുൽ ഗാന്ധി വ്യക്തമാക്കി.

ആർഎസ്എസ് ഒരു ഫാസിസ്റ്റ് സംഘടനയാണെന്നും ഇന്ത്യയുടെ ജനാധിപത്യസംവിധാനത്തെ അട്ടിമറിക്കാനാണ് ഇവർ ശ്രമിക്കുന്നതെന്നും രാഹുൽ പ്രസംഗത്തിൽ ആരോപിച്ചു. മുസ്ലീം ബ്രദർഹുഡ് പോലെ രഹസ്യസ്വഭാവമുള്ള സംഘടനയാണ് ഇതെന്നും ജനാധിപത്യസംവിധാനം വഴി അധികാരത്തിലെത്തി ജനാധിപത്യം അട്ടിമറിക്കാനാണ് ഇവരുടെ പദ്ധതിയെന്നും രാഹുൽ ആരോപിച്ചു. ഏതെങ്കിലും വഴിയിൽ രാജ്യത്തെ മാധ്യമങ്ങൾ, പാർലമെൻ്റ്, നീതിന്യായ വ്യവസ്ഥ തുടങ്ങിയവയെയെല്ലാം അട്ടിമറിക്കാനും സമ്മർദ്ദത്തിലാക്കാനും ഭീഷണിപ്പെടുത്താനും നിയന്ത്രിക്കാനുമാണ് ആർഎസ്എസ് ശ്രമിക്കുന്നതെന്നും രാഹുൽ കൂട്ടിച്ചേർത്തു. ചൈന ഇന്ത്യയുടെ രണ്ടായിരം ചതുരശ്ര കിലോമീറ്ററോളം ഭൂമി കവർന്നെടുത്തിട്ടും അങ്ങനെ സംഭവിച്ചിട്ടില്ലെന്നാണ് പ്രധാനമന്ത്രി പറയുന്നതെന്നും രാഹുൽ ആരോപണമുയർത്തി.

അതേസമയം, രാഹുൽ ഗാന്ധി ഇന്ത്യയുടെ പേര് നശിപ്പിക്കുകയാണെന്നും രാജ്യത്തെ ഒറ്റിക്കൊടുക്കുകയാണെന്നുമായിരുന്നു വാർത്താവിതരണവകുപ്പ് മന്ത്രി അനുരാഗ് ഠാക്കൂർ ആരോപിച്ചത്. വിഷയങ്ങളെപ്പറ്റി ശരിയായി ധാരണയില്ലാതെയാണ് രാഹുൽ പ്രതികരിക്കുന്നതെന്നും വിദേശത്തു നിന്ന് ഇന്ത്യയെപ്പറ്റി പറയുന്ന നുണകൾ ആരും വിശ്വസിക്കില്ലെന്നും അദ്ദേഹം മറുപടി നൽകി.