ക്രൂര മർദ്ദനത്തിനിരയായ ജിം ട്രെയിനർ മരിച്ചു. സ്കൂട്ടർ ഓടിക്കുന്നതിനിടെ ചുംബിച്ച കമിതാക്കളെ ചോദ്യം ചെയ്തതിനാണ് മർദ്ദനത്തിനിരയായത്. വിദ്യാർത്ഥികളാണ് മർദ്ദിച്ചത്.
ഹൈലൈറ്റ്:
- വിദ്യാർഥികളുടെ മർദ്ദനത്തിനിരയായ ജിം ട്രെയിനർ മരിച്ചു.
- ഉത്തർപ്രദേശിലെ സാഹിയാബാദിലാണ് സംഭവം.
- സ്കൂട്ടർ ഓടിക്കുന്നതിനിടെ ചുംബിച്ചത് ചോദ്യം ചെയ്തതിനാണ് മർദ്ദനം.
Also Read: ആദ്യം നിനി, പിന്നെ ഷോജി, ശേഷം ആമിന; പട്ടാപകൽ കൊല്ലപ്പെട്ടത് 3 വീട്ടമ്മമാർ, 14 വർഷം കഴിഞ്ഞും പ്രതികൾ കാണാമറയത്ത്
വിരാട് മിശ്ര എന്ന ഇരുപത്തേഴുകാരനാണ് മരിച്ചത്. സാഹിബാബാദിലെ എൽആർ കോളജിനു സമീപം ശനിയാഴ്ച വൈകുന്നേരമായിരുന്നു സംഭവം. നിറയെ വീടുകളും താമസക്കാരുമുള്ള സ്ഥലത്ത് വെച്ചാണ് ചുംബിച്ചത്. ഇതാണ് പ്രശ്നങ്ങൾക്ക് തുടക്കമായത്. അപകടകരമായ രീതിയില്‍ വാഹനമോടിക്കരുത്. ആളുകൾ തിങ്ങിപ്പാർക്കുന്ന ഇവിടെ ഇത്തരം പ്രവൃത്തികൾ അനുവദിക്കാനാകില്ല. മറ്റ് എവിടെയെങ്കിലും പോകണമെന്നായിരുന്നു വിരാട് മിശ്ര പറഞ്ഞത്.
ഇത് കേട്ട് പ്രകോപിതനായ യുവാവ് കോളേജ് വിദ്യാർത്ഥികളുമായി എത്തി മർദ്ദിക്കുകയായിരുന്നു. തടഞ്ഞതില്‍ പ്രകോപിതനായ യുവാവ് വിരാടിനോട് ദേഷ്യപ്പെട്ടു. തുടർന്ന് കയ്യേറ്റം ചെയ്യാനും ശ്രമിച്ചു. ഇതിന് പിന്നാലെ സുഹൃത്തുക്കളായ വിദ്യാർഥികളെ വിളിച്ചു വരുത്തുകയും ചെയ്തു. തുടർന്ന് ഇഷ്ടികയും കമ്പുകളുംകൊണ്ട് ക്രൂരമായി മർദ്ദിച്ചു. ശേഷം എല്ലാവരും ബൈക്കുകളിൽ മടങ്ങി. സംഭവത്തിൽ ആറ് കോളേജ് വിദ്യാർഥികൾക്കെതിരെ കേസെടുത്തിട്ടുണ്ട്. സംഭവത്തിൽ അന്വേഷണം നടന്നുവരികയാണെന്ന് പോലീസ് വ്യക്തമാക്കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
