തിങ്കളാഴ്ച, ചൊവ്വാഴ്ച ദിവസങ്ങളിലും ഇതേ തിരക്കാണ് അനുഭവപ്പെട്ടത്. കിംഗ് ഫഹദ് കോസ്‌വേയിൽ എത്തുന്നവരുടെ എണ്ണത്തിൽ വലിയ വർധനവ് ഉണ്ടായെന്നും കോസ്‌വേ കടക്കുന്നവരുടെ എണ്ണം പുതിയ റിക്കോർഡിലേക്ക് കടന്നെന്നും അധികൃതർ കഴിഞ്ഞ ദിവസം പറഞ്ഞിരുന്നു. ഇതിന് പിന്നാലെയാണ് വലിയ തിരക്ക് ഇവിടെ അനുഭവപ്പെട്ടത്. കിംഗ് ഫഹദ് കോസ്‌വേയിൽ കൂടി സഞ്ചരിക്കുകയാണെങ്കൽ ബഹ്റെെനിൽ നിന്നും സൗദിയിൽ എത്താൻ സമയം കുറവായിരുന്നു. എന്നാൽ ഇപ്പോൾ വലിയ സമയം ആണ് യാത്രക്കായി വേണ്ടി വരുന്നത്. തിരക്ക് മൂലം ചൊവ്വാഴ്ച്ച രാവിലെ കോസ്‌വേ വഴിയുള്ള യാത്ര താത്കാലികമായി നിർത്തി വെക്കുക പോലും ചെയ്തിരുന്നു.
കോസ്‌വേയുടെ ചരിത്രത്തിലെ ഏറ്റവും ഉയർന്ന യാത്രക്കാർ ആണ് കടന്നു പോയത്. 136498 പേര്‍ ആണ് കഴിഞ്ഞ ദിവസം പാലം കടന്ന് യാത്ര ചെയ്തതെന്നാണ് റിപ്പോർട്ട്. മണിക്കൂറില്‍ 5000 തോതിലും മിനുട്ടില്‍ 94 വീതം തോതിലും യാത്രക്കാര്‍ ഈ പാലം കടന്നു പോകുന്നുണ്ട്. 2020 ജനുവരിയില്‍ 131000 പേര്‍ ഒറ്റ ദിവസം സഞ്ചരിച്ചതായിരുന്നു റെക്കേർഡ് ഇതാണ് ഇപ്പോൾ തകർത്തിരിക്കുന്നത്.
കോസ്‌വേയിലെ യാത്രാ പ്രതിസന്ധിയിൽ സൗദിയിൽ നിന്നുള്ള ഒരു മലയാളി കുടുംബത്തേയും ബാധിച്ചു. സൗദിയിൽ സന്ദർശക വിസയിൽ എത്തിയ ഇവർ ബഹ്റെെനിലേക്ക് വിസ പുതുക്കാൻ പോകുമ്പോൾ ആണ് ഗതാഗത കുരുക്കിൽ കുടുങ്ങിയത്. ബഹ്റെെനിൽ പോയി വിസ പുതുക്കി വരുന്നവർ ആണ് ഇത്തരത്തിൽ കുടുങ്ങിയത്. കുട്ടികളും ഇവർക്കൊപ്പം ഉണ്ടായിരുന്നു. മണിക്കൂറുകൾ നീണ്ട കാത്തിരിപ്പിന് ഒടുവിൽ ആണ് പലരും പാലം കടന്നത്.
Also Read: പ്രവാചകന്‍ ഹിജ്‌റ പോയ വഴികള്‍ കാല്‍നടയായി പിന്തുടര്‍ന്ന് സൗദി സാഹസികന്‍; താമസിച്ചത് സൗര്‍ ഗുഹയില്‍
കിംഗ് ഫഹദ് കോസ്‌വേ അധികൃതർ വിപുലീകരണത്തിനൊരുങ്ങുന്നു. കൂടുതല്‍ യാത്രക്കാരെ ഉള്‍കൊള്ളുന്നതിനാവശ്യമായ ശേഷി വര്‍ധിപ്പിക്കുകയാണ് ഇതിലൂടെ ലക്ഷ്യം വെക്കുന്നത്. യാത്രാ സൗകര്യം മെച്ചപ്പെടുത്താൻ ഉദ്യേശിക്കുന്നുണ്ട്. അറ്റകുറ്റപ്പണികളും നടക്കുന്നുണ്ട്. ഇതെല്ലാം കാരണമാണ് യാത്രാ പ്രതിസന്ധിയെന്നാണ് വിവരം. ഇതുമായി ബന്ധപ്പെട്ട് അധികൃതർ വിശദീകരണം ഒന്നും പുറത്തുവിട്ടിട്ടില്ല.
Read Latest Gulf News and Malayalam News
സദാചാര ആക്രമണം; സഹർ മരിച്ചു
