ബിജെപി ഭരിക്കുന്ന നഗരസഭയുടെ നേതൃത്വത്തിലായിരുന്നു പരിപാടി. ബിജെപി നേതാവും നഗരസഭ മേയറുമായ പ്രഹ്ലാദ് പട്ടേലിന്റെ നേതൃത്വത്തിലാണ് പരിപാടി സംഘടിപ്പിക്കപ്പെട്ടത്. ബിജെപി എംഎൽഎ ചൈതന്യ കശ്യപ്പും പരിപാടിയിൽ പങ്കെടുത്തിരുന്നു. പരിപാടി അവസാനിച്ചതിനു പിന്നാലെ ഹനുമാന്റെ ചിത്രത്തിനു മുന്നിൽ ബിക്കിനി ധരിച്ച ബോഡിബിൽഡർമാർ ഫോട്ടോയ്ക്ക് പോസ് ചെയ്യുകയായിരുന്നു. ഇതാണ് കോൺഗ്രസ് പ്രവർത്തകരെ ചൊടിപ്പിച്ചത്.
സ്കൂട്ടർ ഓടിക്കുന്നതിനിടെ ചുംബിച്ചും തലോടിയും കമിതാക്കൾ, ചോദ്യം ചെയ്ത ജിം ട്രെയിനർക്ക് മർദ്ദനം, ഒടുവിൽ ദാരുണാന്ത്യം
സംഭവത്തിന്റെ വീഡിയോ പ്രചരിച്ചതിനു പിന്നാലെ വിമർശനവുമായി കോൺഗ്രസ് നേതാക്കളെത്തി. ബ്രഹ്മചാരിയായ ഹനുമാനെ അപമാനിച്ചുവെന്നാണ് കോൺഗ്രസ് ആരോപിക്കുന്നത്. സംഭവത്തിനെതിരെ മുൻ മേയറും കോൺഗ്രസ് നേതാവുമായ പരാസ് സക്ലേശ രംഗത്തെത്തുകയും ചെയ്തു.
തിങ്കളാഴ്ച പ്രദേശിക കോൺഗ്രസ് നേതാക്കൾ വേദിയിൽ ഗംഗാജലം തളിക്കുകയും ഹനുമാൻ ചാലിസ പാരായണം ചെയ്യുകയുമായിരുന്നു. സംഭവത്തിൽ ഉൾപ്പെട്ടവരെ ഹനുമാൻ ശിക്ഷിക്കുമെന്ന് യൂത്ത് കോൺഗ്രസ് ജില്ലാ പ്രസിഡന്റ് മായങ്ക് ജാട്ട് പറഞ്ഞു. എന്നാൽ സ്ത്രീകൾ കായിക രംഗത്ത് മികവ് പുലർത്തുന്നത് കാണാൻ കോൺഗ്രസിന് താൽപര്യമില്ലെന്നായിരുന്നു ബിജെപിയുടെ തിരിച്ചടി.
16കാരിയുടെ നെഞ്ചിൽ ബ്ലേഡ് കൊണ്ട് പേരെഴുതി; ദേഹമാസകലം കടിച്ചുമുറിച്ചു; ഡോക്ടർ ദമ്പതികളുടെ മകൾക്ക് ക്രൂരപീഡനം
സ്ത്രീകൾ ഗുസ്തിയിലോ ജിംനാസ്റ്റിക്സിലോ നീന്തലിലോ പങ്കെടുക്കുന്നത് കോൺഗ്രസിന് അംഗീകരിക്കാൻ കഴിയില്ലെന്ന് ബിജെപി സംസ്ഥാന അധ്യക്ഷൻ ഹിതേഷ് ബാജ്പേയ് പറഞ്ഞു. ഇത്തരം കാര്യങ്ങൾ കണ്ടാൽ കോൺഗ്രസുകാരുടെ ഉള്ളിലെ പിശാച് ഉണരും. കായികരംഗത്തുള്ള സ്ത്രീകളെ വൃത്തികെട്ട കണ്ണോടെ കാണാൻ നാണമില്ലേയെന്ന് അദ്ദേഹം ചോദിച്ചു. സംഭവത്തിൽ കോൺഗ്രസ് നേതാക്കൾക്കെതിരെ കേസെടുക്കണമെന്ന് ആവശ്യപ്പെട്ട് ബിജെപി പോലീസിൽ പരാതി നൽകി.
രാഹുൽ ഗാന്ധി പ്രധാനമന്ത്രി ആകണം; ആഗ്രഹവുമായി കുരുന്നുകൾ | attukal pongala
