മണിക്കൂറിന്റെ ഇടവേള മാത്രം; മലയാളി ദമ്പതികൾ ഷാർജയിൽ അന്തരിച്ചു

ഷാർജ: മണിക്കൂറുകളുടെ വിത്യാസത്തിൽ ഷാർജയിൽ മലയാളി ദമ്പതികൾ മരിച്ചു. ഷാർജയിൽ സ്വന്തമായി എയർ കണ്ടീഷണർ ഇൻസ്റ്റലേഷൻ സിസ്റ്റംസ് കമ്പനി നടത്തുന്ന തൃശൂർ ഇരിഞ്ഞാലക്കുട താണിശ്ശേരി സ്വദേശി ചെംബകശ്ശേരി ജേക്കബ് വിൻസന്റ്(64), ഭാര്യ ഡെയ്സി വിൻസന്റ്(63) എന്നവരാണ് മരിച്ചത്. ഇന്നലെ വെെകുന്നേരം ആയിരുന്നു ജേക്കബ് വിൻസന്റ് മരിക്കുന്നത്. ഹൃദയാഘാതം മൂലം ആണ് മരിക്കുന്നത്. വിവരം അറിഞ്ഞ് കൃത്യം ഒരു മണിക്കൂറും 25 മിനിറ്റും കഴിഞ്ഞപ്പോൾ ഡെയ്സി വിൻസന്റ് മരിച്ചു. ഹൃദയാഘാതം മൂലം ആണ് അവർ മരിച്ചത്. വൈകിട്ട് 5.25ന് ജേക്കബ് വിൻസന്റ് മരിച്ചപ്പോൾ വൈകിട്ട് 6.50ന് ഭാര്യ ഡെയ്സി വിൻസന്റ് മരിച്ചു. ഇരുവരും ഷാർജ അൽ ഖാസിമി ആശുപത്രിയിലാണ്. കുഞ്ഞാവര ജേക്കബാണ് ജേക്കബ് വിൻസന്റിന്റെ പിതാവ്. മാതാവ്: അന്നമ്മ. ആലൂക്കാരൻ ദേവസ്സി റപ്പായി–ബ്രജിത റപ്പായി ദമ്പതികളുടെ മകളാണ് പെരിങ്ങോട്ടുകര സ്വദേശിയായ ഡെയ്സി വിൻസന്റ്. മോർച്ചറിയിൽ സൂക്ഷിച്ചിട്ടുള്ള മൃതദേഹങ്ങൾ നാളെ നാട്ടിലേയ്ക്ക് കൊണ്ടുപോകും.

Also Read: അന്ന് മോൾക്ക് വയസ് 7; മരുഭൂമിയിൽ ജോലി ഒട്ടകം മേയ്ക്കൽ, ദിക്കും ദേശവുമറിയാതെ ദുരിതം; ഏഴു വർഷത്തിനു ശേഷം ടിക്കറ്റ് കിട്ടയപ്പോൾ കണ്ണീരോടെ പ്രവാസി

നവയുഗം കലാവേദിയുടെ “ഓൾഡ് ഈസ് ഗോൾഡ്” സംഗീതസന്ധ്യ മാർച്ച് 9 ന് അരങ്ങേറും

ദമ്മാം: ഗൃഹാതുരത്വം ഉണർത്തുന്ന പഴയ മലയാളം, തമിഴ്, ഹിന്ദി പാട്ടുകളുടെ അവതരണം നിറഞ്ഞ സംഗീത സന്ധ്യയ്ക്ക് ദമ്മാം വേദിയാകാൻ പോകുന്നു. നവയുഗം സാംസ്ക്കാരികവേദിയുടെ കലാവേദി കേന്ദ്രകമ്മിറ്റിഅവതരിപ്പിയ്ക്കുന്ന, “ഓൾഡ് ഈസ് ഗോൾഡ്” എന്ന സംഗീതസന്ധ്യ മാർച്ച് 9 വ്യാഴാഴ്ച ദമ്മാമിൽ അരങ്ങേറും. ദമ്മാം ബദർ അൽറാബി ഹാളിൽ വെച്ചാണ് വൈകുന്നേരം 7.00 മുതൽ “ഓൾഡ് ഈസ് ഗോൾഡ്” അവതരിപ്പിയ്ക്കപ്പെടുന്നത്.

പരിപാടിയിലേക്കുള്ള പ്രവേശനം സൗജന്യമാണ്.

പ്രവാസലോകത്തെ ഒട്ടേറെ അനുഗ്രഹീത ഗായകർ പങ്കെടുക്കുന്ന ഈ സംഗീതനിശ, സംഗീതപ്രേമികൾക്ക് നല്ലൊരു വിരുന്നായിരിയ്ക്കുമെന്നും, എല്ലാ പ്രവാസികളെയും കുടുംബങ്ങളെയും പരിപാടിയിലേയ്ക്ക് സ്വാഗതം ചെയ്യുന്നതായും നവയുഗം കലാവേദി കേന്ദ്രകമ്മിറ്റി പ്രസിഡന്റ് മുഹമ്മദ് റിയാസും, സെക്രട്ടറി ബിനുകുഞ്ഞുവും പറഞ്ഞു.

Read Latest Gulf News and Malayalam News

ചൂടിനെ വകവയ്ക്കാതെ ആയിരങ്ങൾ ഒഴുകിയെത്തി |Pattambi Festival