തിളക്കമുള്ള ചര്‍മ്മത്തിന്
ചര്‍മ്മത്തിന് നല്ല തിളക്കം ലഭിക്കണമെങ്കില്‍ അത് എല്ലായ്‌പ്പോഴും മോയ്‌സ്ച്വര്‍ ചെയ്ത് നിലനിര്‍ത്തണം. ഇത് ഏറ്റവും അധികം സഹായിക്കുന്ന ഒരു പാനീയമാണ് മോര്. മോരിലെ നല്ല അസിഡ് ഘടകം ചര്‍മ്മത്തിന് നല്ല തിളക്കം നല്‍കാന്‍ സഹായിക്കുന്നുണ്ട്.
പെട്ടെന്ന് ഒരു ഫംഗ്ക്ഷന്‍ വന്നാല്‍ മുഖം തിളങ്ങാന്‍ മോര് ഉപയോഗിച്ച് ഒറു ഫേയ്‌സ്പാക്ക് തയ്യാറാക്കി എടുക്കാവുന്നതാണ്. ഇതിനായി കുറച്ച് മോര് എടുക്കുക. ഇതിലേയ്ക്ക് കടലപ്പൊടിയും വെള്ളരിയുടെ നീരും ചേര്‍ക്കുക. ഇവ നന്നായി മിക്‌സ് ചെയ്ത് എടുക്കണം.
ഇതിലേയ്ക്ക് കുറച്ച് മഞ്ഞള്‍പ്പൊടിയും ചേര്‍ക്കുന്നത് കൂടുതല്‍ ഗുണം ചെയ്യും. ഇത് നന്നായി മിക്‌സ് ചെയ്ത് മുഖത്ത് പുരട്ടുക. അതിന് ശേഷം 15 മിനിറ്റ് കഴിഞ്ഞ് മുഖം കഴുകി വൃത്തിയാക്കി എടുക്കാവുന്നതാണ്. ഇത് അടുപ്പിച്ച് ചെയ്യുന്നത് മുഖത്തിന് നല്ല തിളക്കം ലഭിക്കാന്‍ സഹായിക്കും.
മുഖക്കുരു അകറ്റാന്‍
ഹോര്‍മോണല്‍ ചേയ്ഞ്ച് മൂലവും അമിതമായി ഓയില്‍ കണ്ടന്റ് മുഖത്ത് വരുന്നതും മുഖത്ത് കുരുക്കള്‍ വരാന്‍ കാരണമാകാറുണ്ട്. ഇത്തരത്തില്‍ മുഖത്ത് പ്രത്യക്ഷപ്പെടുന്ന മുഖക്കുരു മാറ്റി മുഖം ക്ലിയറാക്കി എടുക്കാന്‍ മോര് ഉപയോഗിക്കാവുന്നതാണ്. മോരിന് ചര്‍മ്മത്തിലെ നല്ല ബാക്ടീരിയകളെ വര്‍ദ്ധിപ്പിച്ച് ചീത്ത ബാക്ടീരിയകള്‍ കുറയ്ക്കാന്‍ കഴിവുണ്ട്. അതിനാല്‍ തന്നെ മുഖക്കുരു മാറ്റി എടുക്കാന്‍ ഇത് വളരെയധികം സഹായിക്കുന്നു.
മുഖക്കുരു മാറ്റി എടുക്കുന്നതിനായി എന്നും മുഖത്ത് മോര് പുരട്ടി ഒരു 15 മിനിറ്റിന് ശേഷം കഴുകി കളയുന്നത് വളരെ നല്ലതാണ്. ഇത്തരത്തില്‍ സ്ഥിരമായി ചെയ്താല്‍ നിങ്ങള്‍ക്ക് നല്ല മാറ്റം മുഖത്ത് കാണാന്‍ സാധിക്കുന്നതാണ്.
മുഖത്തെ ചുളിവുകള്‍ കുറയ്ക്കും
മുഖത്തെ കൊളാജീന്റെ അളവ് കുറയുംതോറും മുഖത്ത് ചുളിവുകള്‍ വീഴാന്‍ ആരംഭിക്കും. എന്നാല്‍ മോര് ഉപയോഗിച്ചാല്‍ മുഖത്തെ ചുളിവുകള്‍ കുറയ്ക്കുന്നതിനും മുഖത്തിന് ചെറുപ്പം നല്‍കുന്നതിനും ഇത് സഹായിക്കുന്നുണ്ട്.
മോരില്‍ ധാരാളം ആന്റിഓക്‌സിഡന്റ്‌സ് അടങ്ങിയിരിക്കുന്നതിനാല്‍ ഇത് ഫ്രീ റാഡികള്‍സ് വളരുന്നത് തടയുന്നു. ചര്‍മ്മത്തെ എന്നും മോയ്‌സ്ച്വര്‍ ചെയ്ത് നിലനിര്‍ത്തുന്നതിനും സഹായിക്കുന്നു. അതിനാല്‍ തന്നെ, മുഖത്ത് ചുളിവുകള്‍ വരാതെ സംരക്ഷിക്കുകയും ചെയ്യുന്നു.
മോരിന്റെ കൂടെ ഓട്‌സ്, ചേര്‍ത്ത് ഫേയ്‌സ്പാക്ക് തയ്യാറാക്കി മുഖത്ത് പുരട്ടുന്നതും നല്ലതാണ്. ഇത് മുഖത്തിന് നല്ല തിളക്കം നല്‍കാനും അതുപോലെ, ചുളിവുകള്‍ നീക്കം ചെയ്യാനും സഹായിക്കും. ഇത് ആഴ്ച്ചയില്‍ രണ്ട് തവണ ചെയ്യുന്നത് നല്ലതാണ്.
കരുവാളിപ്പ് മാറ്റി എടുക്കുന്നു
വേനല്‍ കാലമായിത്തുടങ്ങി. ഒന്ന് പുറത്തേക്ക് ഇറങ്ങിയാല്‍ ആകപ്പാടെ കത്തിക്കരിഞ്ഞ് വീട്ടില്‍ കയറേണ്ട അവസ്ഥയാണ്. ഇത് ഏറ്റവുമധികം ബാധിക്കുന്നത് നമ്മളുടെ ചര്‍മ്മത്തിനെയാണ്. മുഖത്തെ കരുവാളിപ്പ് മാറ്റി എടുക്കുന്നതിനും ചര്‍മ്മത്തിന് ഒരേ നിറം നല്‍കുന്നതിനും ഇത് സഹായിക്കുന്നുണ്ട്.
ഇതിലെ ലാക്റ്റിക് ആസിഡ് ചര്‍മ്മത്തിലെ കരുവാളിപ്പ് വേഗത്തില്‍ മാറ്റി എടുക്കുന്നതിന് സഹായിക്കുന്നു. കരുവാളിപ്പ് മാറ്റുന്നതിനായി എന്നും പുറത്ത് പോയി വരുമ്പോള്‍ കുറച്ച് മോര് എടുത്ത് മുഖത്ത് പുരട്ടി മസാജ് ചെയ്യുക. ഇത് കരുവാളിപ്പ് കുറയ്ക്കാന്‍ സഹായിക്കും.
മുടി നല്ലപോലെ വളരാന്‍ സഹായിക്കുന്നു
മുടിയുടെ വളര്‍ച്ചയ്ക്കും മോര് ഉപയോഗിക്കുന്നത് വളരെ നല്ലതാണ്. ഇതിനായി മോരില്‍ കടലമാവ്, ഒലീവ് ഓയില്‍ എന്നിവ ചേര്‍ത്ത് നന്നായി മിക്‌സ് ചെയ്ത് തലയില്‍ തേച്ച് പിടിപ്പിക്കണം. ഒരു മുക്കാല്‍ മണിക്കൂര്‍ തലയില്‍ തേച്ച് പിടിപ്പിച്ച് ഇരുന്നതിന് ശേഷം കഴുകി കളയാവുന്നതാണ്.
ഇത് താരന്‍ നീക്കുന്നതിനും മുടി വളരുന്നതിനും വളരെയധികം സഹായിക്കുന്നുണ്ട്. ഇത് ആഴ്ച്ചയില്‍ ഒരിക്കല്‍ വീതം ചെയ്യുന്നത് വളരെ നല്ലതാണ്.
Disclaimer: മേല്‍പറഞ്ഞിരിക്കുന്ന അറിവ് എല്ലാവര്‍ക്കും ഫലപ്രദമായെന്ന് വരികയില്ല. ഇത് പൊതു അറിവ് മാത്രമാണ്.
