അഫ്താബ് മികച്ച പാചകക്കാരൻ, മാംസം കഷണങ്ങളാക്കാനും സൂക്ഷിക്കാനും വിദഗ്ധൻ; ശ്രദ്ധയുടെ മോതിരം പുതിയ കാമുകിക്ക് നൽകി

ന്യൂഡൽഹി: രാജ്യത്തെ ഞെട്ടിച്ച ശ്രദ്ധ വാൾക്കർ കൊലക്കേസിൽ കൂടുതൽ വിവരങ്ങൾ പുറത്ത്. യുവതിയെ കഴുത്ത് ഞെരിച്ച് കൊലപ്പെടുത്തിയ ശേഷം മൃതദേഹം പല കഷ്ണങ്ങളാക്കി ഉപേക്ഷിച്ച പ്രതി അഫ്താബ് പൂനാവാല യുവതിയുടെ ബാങ്ക് അക്കൗണ്ടിൽ നിന്നും പണം പിൻവലിച്ചിരുന്നു. ഡൽഹി പോലീസ് ചൊവ്വാഴ്ച കോടതിയിൽ സമർപ്പിച്ച റിപ്പോർട്ടിലാണ് ഈ വിവരമുള്ളത്.

മദ്യത്തിനൊപ്പം ലൈംഗിക ഉദ്ധാരണത്തിന് ഗുളിക കഴിച്ചയാൾ മരിച്ചു; സംഭവം സ്ത്രീ സുഹൃത്തിനൊപ്പം ഹോട്ടലിൽ താമസിക്കുമ്പോൾ

ശ്രദ്ധ വാൾക്കറിനെ കൊലപ്പെടുത്തിയ ലിവ് ഇൻ പങ്കാളിയായ അഫ്താബ് പൂനാവാല മറ്റൊരു സ്ത്രീയുമായി ബന്ധം സ്ഥാപിച്ചിരുന്നു. ശ്രദ്ധയെ കൊലപ്പെടുത്തി ഒരാഴ്ചയ്ക്കുള്ളിലാണ് പൂനാവാല മറ്റൊരു സ്ത്രീയുമായി ബന്ധം സ്ഥാപിച്ചത്. ശ്രദ്ധ വാൾക്കറിന് നൽകിയ മോതിരം തന്നെയാണ് ഈ യുവതിക്കും നൽകിയതെന്നും പോലീസ് ചൊവ്വാഴ്ച കോടതിയെ അറിയിച്ചു. അഡീഷണൽ സെഷൻസ് ജഡ്ജി മനീഷ ഖുറാന കക്കറാണ് കേസിൽ വാദം കേട്ടത്. കൊലപാതകം, തെളിവ് നശിപ്പിക്കൽ എന്നിവയടക്കമുള്ള കുറ്റങ്ങളാണ് പൂനാവാലയ്‌ക്കെതിരെ ചുമത്തിയിരിക്കുന്നത്. കേസിൽ 6,629 പേജുള്ള കുറ്റപത്രം ജനുവരി 24ന് മജിസ്‌ട്രേറ്റ് കോടതിയിൽ സമർപ്പിച്ചിരുന്നു.

ഹനുമാൻ ചിത്രത്തിനു മുന്നിൽ സ്ത്രീകളുടെ മസിൽ ഷോ; ബിജെപി മേയർ സംഘടിപ്പിച്ച വേദിയിൽ ഗംഗാ ജലം തളിച്ച് കോൺഗ്രസ് പ്രവർത്തകർ

ശ്രദ്ധ വാൾക്കറിൻ്റെ ബാങ്ക് അക്കൗണ്ടിലുണ്ടായിരുന്ന 54,000 രൂപ സ്വന്തം അക്കൗണ്ടിലേക്ക് പൂനാവാല മാറ്റുകയായിരുന്നുവെന്ന് സ്‌പെഷ്യൽ പബ്ലിക് പ്രോസിക്യൂട്ടർമാരായ അമിത് പ്രസാദും മധുകർ പാണ്ഡെയും കോടതിയിൽ വ്യക്തമാക്കി. യുവതിയുടെ ഫോണിലേക്ക് എത്തിയ ഒരു ഫോൺ കോൾ പോലും എടുക്കാതിരുന്ന പ്രതി ആ നമ്പരിലേക്ക് തിരികെ വിളിച്ചിരുന്നു. ആർക്കും സംശയം തോന്നാതിരിക്കാനാണ് പ്രതി തിരികെ ഫോൺ ചെയ്തത്.

കഴിഞ്ഞ വർഷം മെയ് 18നാണ് അഫ്താബ് പൂനാവാല ശ്രദ്ധ വാൾക്കറെ കൊലപ്പെടുത്തിയത്. മൃതദേഹം കഷണങ്ങളാക്കുന്നതിന് കത്തി, പ്ലാസ്റ്റിക് ബാഗ് ഉൾപ്പെടെയുള്ള ഉപകരണങ്ങൾ പ്രതി വാങ്ങിയിരുന്നു. മൃതദേഹം സൂക്ഷിക്കാൻ ഫ്രിഡ്ജ് വാങ്ങുകയും ചെയ്തു. കൊലയ്ക്ക് ശേഷം ശ്രദ്ധ ജീവനോടെയുണ്ടെന്ന് സുഹൃത്തുക്കളെ തെറ്റിദ്ധരിപ്പിക്കാൻ യുവതിയുടെ സോഷ്യൽ മീഡിയ അക്കൗണ്ടുകളിലൂടെ സുഹൃത്തുക്കളുമായി ചാറ്റ് നടത്തുകയും ചെയ്തു.

‘ബിജെപിയുടെ വിശ്വാസം എന്നും അധികാരമുണ്ടാകുമെന്ന്, അങ്ങനെയല്ല’: കോൺഗ്രസിനെ ഉദാഹരണമാക്കി രാഹുൽ ഗാന്ധി

അഫ്താബ് പൂനാവാല മികച്ച ഷെഫ് ആയിരുന്നുവെന്ന് പ്രോസിക്യൂഷൻ കോടതിയെ അറിയിച്ചു. പരിശീലനം ലഭിച്ച പാചകക്കാരനായ പ്രതിക്ക് മാംസം മുറിക്കുന്നതിലും സൂക്ഷിക്കുന്നതിലും ധാരണയുണ്ട്. വീട്ടിൽ ദുർഗന്ധം വ്യാപിക്കാതിരിക്കാൻ അണുനാശിനികൾ, ഡിയോഡറൈസറുകൾ, അഗർബർത്തികൾ എന്നിവയും പ്രതി ഉപയോഗിച്ചു. ശ്രദ്ധ വാൾക്കറെ കൊലപ്പെടുത്തി ഒരാഴ്ചയ്ക്കുള്ളിൽ പൂനാവാല മറ്റൊരു സ്ത്രീയുമായി പരിചയത്തിലാകുകയും നേരത്തെ വാക്കറിന് നൽകിയ മോതിരം തന്റെ പുതിയ കാമുകിക്ക് സമ്മാനിക്കുകയും ചെയ്തു. വാൾക്കറെ അഫ്താബ് ശാരീരികമായി ഉപദ്രവിച്ചിരുന്നതായും പ്രോസിക്യൂഷൻ കോടതിയിൽ പറഞ്ഞു. തുടർനടപടികൾക്കായി കേസ് മാർച്ച് ഇരുപതിലേക്ക് മാറ്റി.