അന്താരാഷ്ട്ര ബഹിരാകാശ നിലയത്തില്‍ സ്ഥാപിച്ചിരിക്കുന്ന അമേച്വര്‍ റേഡിയോ ഉപയോഗിച്ചായിരുന്നു അല്‍ നയാദി വിദ്യാര്‍ഥികളുമായി ആശയ വിനിമയം നടത്തിയത്. ഹാം റേഡിയോ കോള്‍ 10 മിനിറ്റ് നീണ്ടുനിന്നു. അന്താരാഷ്ട്ര ബഹിരാകാശ നിലയത്തിലെ തന്റെ ആറ് മാസ ദൗത്യത്തിന്റെ അഞ്ചാം ദിവസത്തിലായിരുന്നു ഇത്. എന്താണ് പ്രാതല്‍ കഴിച്ചത്, ബഹിരാകാശ കേന്ദ്രത്തിലെ ഉറക്കം എങ്ങനെ, ഭൂമിയിലെ എന്തൊക്കെയാണ് പ്രധാനമായും മിസ് ചെയ്യുന്നത്, തന്റെ കുടുംബവുമായി എങ്ങനെ ആശയവിനിമയം നടത്തുന്നു, ഒഴിവുസമയങ്ങളില്‍ എന്തൊക്കെ വിനോദങ്ങളിലാണ് ഏര്‍പ്പെടുന്നത് തുടങ്ങിയ കാര്യങ്ങള്‍ അദ്ദേഹം വിദ്യാര്‍ഥികളുമായി പങ്കുവച്ചു.
Also Read: മണിക്കൂറിന്റെ ഇടവേള മാത്രം; മലയാളി ദമ്പതികൾ ഷാർജയിൽ അന്തരിച്ചു
അദ്ദേഹത്തെയും അദ്ദേഹത്തിന്റെ ക്രൂ-6 സഹപ്രവര്‍ത്തകരെയും വഹിച്ചുകൊണ്ട് ഡ്രാഗണ്‍ എന്‍ഡവര്‍ ബഹിരാകാശ പേടകം ഒരു ഫാല്‍ക്കണ്‍ 9 റോക്കറ്റില്‍ ബഹിരാകാശത്തേക്ക് കുതിച്ചുയര്‍ന്നപ്പോള്‍ ശരിക്കും വേഗമേറിയ ഒരു റോളര്‍കോസ്റ്ററില്‍ സവാരി ചെയ്യുന്നതുനപോലെയായിരുന്നു അനുഭവപ്പെട്ടതെന്ന് അല്‍ നയാദി പറഞ്ഞു. ലോകത്തെ ഏറ്റവും വേഗതയേറിയ റോളര്‍ കോസ്റ്ററായ ഫെരാരി വേള്‍ഡ് അബുദാബിയിലെ ഫോര്‍മുല റോസയ്ക്ക് 52 മീറ്റര്‍ മുകളിലേക്ക് 4.9 സെക്കന്‍ഡ് അല്ലെങ്കില്‍ മണിക്കൂറില്‍ 240 കിലോമീറ്റര്‍ വേഗതിയില്‍ സഞ്ചരിക്കാനാകും. എന്നാല്‍ നാസയുടെ അഭിപ്രായത്തില്‍, ഒരു വിക്ഷേപണ റോക്കറ്റിന് മണിക്കൂറില്‍ 28,646 കിലോമീറ്റര്‍ വേഗത കൈവരും.
നാസയുടെ ബഹിരാകാശയാത്രികരായ സ്റ്റീഫന്‍ ബോവന്‍, വാറന്‍ ഹോബര്‍ഗ്, ആന്‍ഡ്രി ഫെഡ്യേവ് എന്നിവരോടൊപ്പം അല്‍ നയാദിയും വരുംദിവസങ്ങളില്‍ ഗവേഷണങ്ങളില്‍ ഏര്‍പ്പെടും. ആറ് മാസങ്ങള്‍ക്കിടയില്‍ അല്‍ നയാദി യുഎഇ വിദ്യാര്‍ഥികളുമായി ആശയ സംവാദങ്ങള്‍ നടത്തും. ദുബായ് മുഹമ്മദ് ബിന്‍ റാഷിദ് സ്പേസ് സെന്ററിന്റെ നേതൃത്വത്തില്‍ നടക്കുന്ന ഈ ആശയം വിനിമയ പദ്ധതിയില്‍ 20,000 വിദ്യാര്‍ത്ഥികളെ ഉള്‍പ്പെടുത്തും. ആറ് മാസത്തിലുടനീളം 13 തത്സമയ കോളുകളും 10 ഹാം റേഡിയോ ആശയവിനിമയങ്ങളും ഉണ്ടാകും.
നാസ, യൂറോപ്യന്‍ ബഹിരാകാശ ഏജന്‍സി (ഇഎസ്എ), കനേഡിയന്‍ ബഹിരാകാശ ഏജന്‍സി (സിഎസ്എ), ജപ്പാന്‍ എയ്റോസ്പേസ് പര്യവേക്ഷണ ഏജന്‍സി (ജാക്‌സ), നാഷണല്‍ സെന്റര്‍ ഫോര്‍ സ്പേസ് സ്റ്റഡീസ് (സിഎന്‍ഇഎസ്) എന്നിവയുമായി സഹകരിച്ച് വിവിധ ആരോഗ്യ രംഗവുമായി ബന്ധപ്പെട്ടത് ഉള്‍പ്പെടെയുള്ള ഗവേഷണങ്ങള്‍ക്ക് അല്‍ നയാദിയും സംഘവും നേതൃത്വം നല്‍കും. ഹൃദ്രോഗം, രോഗപ്രതിരോധ സംവിധാനം, നടുവേദന, എപ്പിജെനെറ്റിക്‌സ്, ഫ്‌ളൂയിഡ് സയന്‍സ്, പ്ലാന്റ് ബയോളജി, മെറ്റീരിയല്‍ സയന്‍സ്, ഉറക്ക വിശകലനം, റേഡിയേഷന്‍ തുടങ്ങിയവ ഉള്‍പ്പെടെയുള്ള മേഖലകളിലാണ് പഠനങ്ങള്‍ നടത്തുക. ക്രൂ-6 ന്റെ പരീക്ഷണങ്ങളില്‍ മൈക്രോഗ്രാവിറ്റിയില്‍ കത്തുന്ന വസ്തുക്കളുടെ പഠനം, ഹൃദയം, മസ്തിഷ്‌കം, തരുണാസ്ഥി ന്നിവയുടെ പ്രവര്‍ത്തനങ്ങളെ കുറിച്ചുള്ള പഠനം, ടിഷ്യു ചിപ്പ് ഗവേഷണം, ബഹിരാകാശ നിലയത്തിന്റെ പുറംഭാഗത്ത് നിന്ന് സൂക്ഷ്മജീവികളുടെ സാമ്പിളുകള്‍ ശേഖരിക്കുന്നതിനുള്ള അന്വേഷണം എന്നിവ ഉള്‍പ്പെടുന്നു.
Read Latest Gulf News and Malayalam News
പടർന്ന് പിടിച്ച് കാട്ടുതീ
